Mateo 21:11 - Diosa' kiika; Génesis Éxodo y El Nuevo Testamento

¹¹ Tsenñu purenamu chachilla entsa entsandila: Entsaya Diosa' mitya pamu Jesúsve, Galilea tusha Nazaret pebulubi chumu, tiitila.

Mateo 21:11 Iomraidhean Croise

Mateo 2:23

Tsejtu junga Galileasha mavijitu, Nazaret pebulubi chumi. Junu chuimiya kaspee tinbunu Diosa' mitya pamu rukula, Jesús Nazaretsha chumu tikayanu tsuve timuwa deeñu, tsaa puitaa tsaimi.

Mateo 21:10

Tsenñu Jesús Jerusalénbi vijiñu, kumuinchi chachilla jupaijtu, entsa entsandila: ¿Mujtun entsaa? tiitila.

Mateo 21:26

Tsenmin lala naati' chachilla' uudenchee tsangues nemuve tin tsa deeyu. Matyu Juannuya naaju chachilla bain Diosa' mitya pamu rukuve tyamu de' mitya, lala tsa detishu juntsaa firu' kenu dejuve, tiitila.

Mateo 21:46

Tsejtu Jesúsnu peesu kanu tyaturen, junu pumu chachillanu jeetyala, matyu junu pumu chachillaya, Jesúsya Diosa' mitya pamu rukuve tya tyadeiñu' mitya.

Marcos 6:15

Tsenmala veelaya: Entsaya Diosa' mitya pamu ruku Elíasve, tiitila. Tsenmala kayu veelaya: Kaspee tinbunu Diosa' mitya pamu rukula jun tsaave, tiitila.

Lucas 13:33

Tsejturen ajkeshaa jinuu menesteyu, uma bain, ayu bain, ma-ayu bain tsangue' jintsunu, matyu Diosa' mitya pamulanuya Jerusalén pebulushaa den tu'mu deeve.

Lucas 24:19

Tsenñu Jesús tsandimi: ¿Jerusalénbi tyee-i' pullan? timi. Tsenñu yala pakatu: Lalaya Jesús, Nazaret pebulubi chumunaa laapu' kuinda kendetsuyu. Juntsa ruku naa Diosa' ajuusha bain, naa chachilla' ajuusha bain, naa ti pa' bain, naa ti kike' bain pude ruku juwaave, Diosa' mitya pamu rukuya. Tsenñu kumuinchi chachilla yanu dekeemija deive naa Dios tsanguikaañaa tsanguentsuñu bain.

Lucas 7:16

Tsanguiñu dekatatu kumuinchi chachilla dejeetya', Dios yuj urave, ti' papatitu entsandila: Main laachi pude, Diosa' mitya pamu ruku jañuve, tiitila, tsenmin entsa bain tsa tsandila: Dios ya' chachillanu la'kanu jañuve, tiitila.

Lucas 7:39

Tsenñu Jesúsnu mikamu fariseo chachi, tsanguiñu katatu maali entsangue pensanguemi: “Uwain entsa ruku Diosa' mitya pamu jutuya, naaju shinbaa yanu tsangue' ta'kantsuñuba mijachuve, naa juntsa shinbuya na'baasa palaa pakaren chumuñuba”, tyami.

Juan 1:21

Tsandiñu yala manbake'meetu: Tsaashu juntsaa, ¿ñu mujtuuyu? ¿Diosa' mitya pamu ruku Elías millaa? tila. Tsa detiñu, Juan: Juntsa jutyuyu, timi. Tsenñu yala kayu manbake'meetu: Tsaashu juntsaa, ¿main Diosa' mitya pamu janu juushu juntsa, ñaa juntsa rukuu? tila. Tsa detiñu, Juan: Naa juntsa bain jutyuyu, timi.

Juan 1:25

entsandi manbake'meela: Tsaashu juntsaa, ¿nenñaa chachillanu mungares neneiyu, naa Dioschi Mi'ke' Kayamu bain jutyu, naa Elías bain jutyu, naa Diosa' mitya panu jamu chachi bain jutyuba? tila.

Juan 4:19

Tsandi' dyañu juntsa shinbu tsandimi: Yumaa entsangue aseetanguiyu, bale ruku, ñuya Diosa' mitya pamu rukuñuve.

Juan 6:14

Muba entsanguityu deenuren Jesús tsanguiñu dekatatu, chachilla entsa entsandila: Uwain entsa rukaa Diosa' mitya pamu ruku entsa tusha jainuu juushu juntsañuve, tiitila.

Juan 7:40

Jesús tsandi' dyañu mantsala yanu meenamulaya entsandila: Uwain entsa rukaa janu keedenaashu juntsa Diosa' mitya pamu rukuñuve, tiitila.

Juan 9:17

manen manbake'meela kaspeleya kapuka katatyuren umaa katamu rukunu. Tsejtu entsandila: Yaa ñunu kapuka ura' manñu' mitya, ¿ñaa juntsa rukunu muve tinu juyu? tila. Tsa detiñu entsandimi: Inchiya Diosa' mitya pamu rukuve, timi.

Hechos 7:37

Tsejtu Moisésren Israel chachillanu entsandimuwaami: Dios ñulla' kejtsapalaren main ya' mitya pamu ruku iya tsaa faawaanu tsuve, timuwaami.