Mateo 1:2 - Diosa' kiika; Génesis Éxodo y El Nuevo Testamento

² Abraham na deke' faawaañu, naa ya' kailla bain na deke' faawaañu, naa ya' pañala bain na deke' faawaañu, naa ya' tyuipañala bain na deke' faawaañu, kayu 14 bijee jingue na deke' faawaanshaa David faami. Entsalaa juntsa deeve: Abrahamya Isaacchi ya' apa tiyamuwaami. Tsenmala Isaac Jacobchi ya' apa tiyanmala, Jacobya Judáchi bain, naa kayu ya' vejan naatalalachi bain ya' apa tiyamuwaami.

Mateo 1:2 Iomraidhean Croise

Génesis 25:19

Entsaa Abraham' na Isaac' kuindave.

Génesis 25:26

Tsenñu bene ya' naatala faami, matyu Esaú' nenbujkuwanu ma tyaapachi taju, tsenñu juntsanu Jacob mumu pula. Isaac yumaa 60 añu juunu uwanaa Rebeca nakami.

Mateo 1:1

Jesucristo' tyui aa-apa millala, naa rei Davidnu bain, naa Abrahamnu bain sera' jimula entsalaa juntsa deeve:

Mateo 1:3

Judáya Tamarba, Faresnu bain, Zérahnu bain na miyandila. Fares, Hesrónchi ya' apa tiyanmala, Hesrónya Aramchi ya' apa tiyamuwaami.

Hechos 7:8

Tsejtu bene Dios Abrahamba veta' veta' tsanguedaa ti' patu entsandimi: Ñulla Dioschi señas inu dejuve timuwaave. Tsenñu' mityaa ya' na Isaac nakayañu mandishpen malu iinmalan Dioschi señas ikaamuwaami. Tsenñu Isaac bain ya' na Jacobnu tsarenguemuwaami. Tsenmala Jacob bain ya' nalanu tsarenguemuwaami, juntsa 12 nala, Israel chachillachi 12 bulu sera' jimu chachilla' apala tiyamulanu.

Hebreos 11:11

Naa Saraya nakatyuwaañu bain, tsenmin naa Abraham bain derukuu ju'ba, uwain tsaave tya' keranguen mityaren, Dios tsaikaañu, bene apa tiyamuwaave, matyu Dios naati' bain ura uwain tsanguenu tsuyu tiñu, uwain tsanguenbera kenu juve tya' keengue' mitya.

Hebreos 7:14

Naa mu bain mideeve lala' Bale Rukuya Judánu sera' jamu paandeñu bain, tsenmin chachilla' mitya Diosnu kalen jimula' taawasha kenutala Moisés patu ne yai bain tsaa tiyanu dejuve tityuwaave.

Apocalipsis 7:5

Judánu sera' jimu paandela 12.000 chachilla muute de-iwa, naa Rubénnu sera' jimu paandela bain, naa Gadnu sera' jimu paandela bain,