Lucas 6:21 - Diosa' kiika; Génesis Éxodo y El Nuevo Testamento

²¹ Tsenmin challa panda yamujka chumulaya Dioschi ura' imu deeve, bene tyubanbera fifikentsunuu deju' mitya. Tsenmin challa llaki juu chumulaya Dioschi ura' imu deeve, bene masundya' uukanu deju' mitya.

Lucas 6:21 Iomraidhean Croise

Génesis 17:17

Tsenñu Abraham ya' llashkapa tunu tapa'kanbera waike' entsangue pensanguetu uukami: “¿Tsejtu ma unbere 100 añu ma juuba, na miyandi' ya' apa tiyanu juchunga? ¿Tsenmin Sara bain 90 añu ma juuba nakachunga?” tyami.

Génesis 21:6

Tsenñu Sara entsandimi: Diosya inu sunden uukakaave. Tsa' mitya mun iya na main miyandiñu demija' bain sundya' iba bulu uukanu detsuve.

Mateo 5:4

Naajulaa llakinguen dechu' bain, Dioschi ura' imu deeve, Dios yalanu masundyawaanu juñu' mitya.

Mateo 5:6

Naajulaa Dios naakesa tyañuba tsanguen chunu tyanchin tsanguenu ajchundyan chumulaya, Dioschi ura' imu deeve, yala naakenu tyañuba Dios tsanguikaanu juñu' mitya.

Lucas 1:53

Ti fin tsaa chumu chachillanaa panda yamuj chun jutyungue mandiretu, umaa tarukulanaa ti fin tsaa chunu mandireve.

Lucas 6:20

Jesús ya' disipululanu keetu tsandimi: Ñulla lastemaa chumu chachillaya Dioschi ura' imu deeve, matyu Dios ñulla' rei juñu' mitya.

Lucas 6:22

Tsenmin Dioschi ura' imu deeyu tyanu dejuve, ñullanu chachilla detyutya'kera, deveeka'kera, firu' pa'kera, tsenmin Chachi Tiya' Nakayamu' mityaren firu' kure dekiñu bain.

Lucas 6:25

Tsenmin ñulla challa tsamantsa panda ura' fin chumulaya, taaju inu detsuve, matyu bene ti fin tsaanu deju' mitya. Tsenmin ñulla challa tsamantsa sunden chumulaya, bene yuj llakindya' waren chunu detsuve.

Juan 11:35

Umaa Jesús waami.

Juan 4:10

Tsenñu Jesús tsandimi: Dios tyee ñunu kuwanu tyamuñuba mi'ba jutuya, tsenmin challa maa entsandi' ñunu pi pakentsuñuba mituya, ñu yanu pi pa'ñuya, yaa ñunu ura' chumishtimu naraa pi kuchuve, timi.

Juan 6:35

Tsa detiñu Jesús tsandimi: Iyaa chuwaamu panyu. Mun in junga ja' inu kerangue' bain naa-uwanuba panda mutyan dejutyuve, tsenmin naa ne pi juu bain mutyan dejutyuve.

1 Corintios 4:11

Naa chaiba panda yapeyas nendetsuyu, naa pi bain mujka, naa pannu jali bain tajtu nendetsuyu, naa chachilla bain lalanu ta'ke' firu' kiidekive, tsenmin nuka tsudin tsaa judeeyu.

2 Corintios 11:27

naa pure' taawasha ken chu' tyubaina' bain, pure' bijee kastyumujchi tsaa tsana' pullaina' bain, naa panda mujkentsu bain tsaa pullaina' bain, naa pi bain kujchajtu pullaina' bain, tsenmin ishtenñu dejullu kendu bain tsaa pullaina' bain, naa jali ura' panajtuu bain depullaina' bain tsaimuyu.

2 Corintios 12:10

Tsaju' naa Cristo' mityaa dera putyuuñuu ju' bain, defiru' pañu bain, tiba meneste juu chu' bain, na'baasa kenu bendaa dekiñu bain, tsenmin naa naaken tsandenna chu' bain sunden juyu. Tsaju' naa-uwanaa inu dera putyuuñu tenñuba, juntsa uwanaa kayu dera juuñuu ju' tiba dekenuu juyu.

2 Corintios 6:10

naa llaki kuraa deju' bain, naa-uwanuba sunden dechuyu; naa pure chachi kuraa deju' bain, veelanuya tarukuuñuu tiwaandetsuyu; naa tiba tajtuuñuu deju' bain, tiba detaañuuren tsa deeyu.

Santiago 1:12

Mun tituba taaju i' pullantsu'ba Bale Rukunun keengue' jintsumuya Dioschi ura' imu juve, matyu tsaa pulla' pulu' juuñuu tiyamiya, Dios yanu estyamulanuya tyee kuwanbera kenu tsuyu timuwaañuba juntsa-i' Diosba uwain chunuu tiyanu ju' mitya.

Apocalipsis 21:3

Tsenñu reila' chuchudinu chunjuu chuinsha main daran palaachi entsandiwa: Dios challa chachillaba bulu yala' kejtsapala chuve. Dios yaiba bulu chunu tsuve, tsenmala vee vee ma bululu i' chumu chachilla ya' chachi junu detsuve, tsenmala Dios bain yala' Dios juu yaiba chunu tsuve.

Apocalipsis 7:16

Umaya panda bain yapen dejutyuve, naa pi bain yamuj jun dejutyuve, naa pajta bain yalanu maju'ken jutyuve, naa ne lujaa tya' bulla tyanu bain dejutyuve,