Lucas 19:42 - Diosa' kiika; Génesis Éxodo y El Nuevo Testamento

⁴² tsandimi: Ñulla Jerusalén' chulla, tyee tiba bulla jutyu ura' chujtikaamuñuba umaren aseeta dekituya, juntsangue dekisa tenve. Tsaaren challa juntsa pantsunañuu juñu' mitya, ñuichiya naake' katan tsaave.

Lucas 19:42 Iomraidhean Croise

Lucas 19:41

Tsejtu Jesús dekalen ji', Jerusalén kata-ere', junu chumula' mitya waatu

Lucas 19:43

Matyu mandinbu ñulla' kundaala dejatu, ñulla' aa pebulu kapatala tu veeta deke', yatai de-uidija' dedalekenu detsuve.

Lucas 19:44

Tsanguetu millangue senaa-ere', naa chachillanu bain detuteke', naa shupukala bain yaitala llai'nan jutyungue mushkenu detsuve, matyu Dios ñulla' junga jañuren ñulla dekeengui'ñu' mitya, timi.

Hechos 10:36

Dios kaspele Israelnu sera' jamu chachillanu pa', naa munu bain Bale Ruku Jesucristo' mityaa yachi mika ura kuinda mijakare' tiba bulla jutyu dechujtikaanu tsuyu, timuwaave.

Hechos 13:46

Tsenñu Pablo Bernabéba jela putyu pakatu tsandila: Diosa' kuinda jumu, lala, ñulla judío chachillanaa ajke' wandi' mijakaanu uuden dejuyu, tsaaren ñulla juntsa kuindanu demutyatyu', naa-itaa naa-uwanuba Diosba ura' chunuu juñuba juntsanu mijandetyatyuñu' mitya, challa judío chachi jutyulanaa mijakaanu detsuyu,

Hebreos 3:13

Tsa' mitya tsaa dejutyu', veta' veta' keranguemishtin chu', ti kenu ju'ba ajchundyakaanuu tene malumere ke' tsa tsanguidei, matyu Diosa' Kiikanu “uma” tiitishu juntsa malu de-indyuya entsanditu, Diosnu chaiba keengue' meenguenuu dejuve titaa tsandive, tsejtaa ñulla ujchachi anbutikayan chutyu', tsa mijaaba indejutyu.

Hebreos 3:15

Tsaañu' mitya entsandimuwaave: Tsandenna uma ñulla Diosa' palaa mere'banguishu juntsaya, ñulla' tenbuka puulawaatyudei, matyu tiba den chutyuinsha nendu, inu meenguityu chachilla naadejuñuba juntsaa jutyudei, timuwaave.

Hebreos 3:7

Tsaañu' mityaa naatinga Espíritu Santo, Diosa' Kiikanu entsandishu: Tsandenna uma, ñulla Diosa' palaa mere'banguishu juntsaya,