Lucas 15:18 - Diosa' kiika; Génesis Éxodo y El Nuevo Testamento

¹⁸ In apa' junga miitu entsandinu tsuyu: Apa, iya Diosnu bain, ñunu bain ujcha layu.

Lucas 15:18 Iomraidhean Croise

Mateo 3:6

Tsai' yala' ujcha' mitya veta' pensa demanguenmalaya, Juan yalanu, Jordán pisha mungaakaakemi.

Mateo 6:14

Tsandi' dyatu, Jesús tsandimi: Ñullanu firu' kemulanu, ñulla juntsan mitya ti kuipaba faawaan jutyu ti' ñulla yaiba ura' demandinmalaya, kai'sha chumu ñulla' Apa bain tsarengue' ñullanu ujcha' mitya manbitsaanu tsuve.

Mateo 6:9

Tsa' mitya ñullaya entsandi pa' Diosba kuinda kidei: Lala' Apa, selusha kai'sha chumu, ñuren main juu, tsamantsa aawa Dios juñuba, muba demija' tsaa dekeewaasa.

Mateo 7:11

Tsa' mitya ñulla, kayu firu' chachillaaba ñulla' kaillanu tiba uraa kumu deeshu juntsaa, ¡ñulla' Apa kai'sha chumaa kayu naaju uraa kuwai'chunga, mun yanu depa'ñuba!

Lucas 11:2

Tsenñu Jesús tsandimi: Naa-uwanu Diosba kuinda kike'ba, entsandidei: Apa, ñuren main juu, tsamantsa aawa Dios juñuba, muba demija' tsaa dekeewaasa. Ñu' chachillachi rei tiyade.

Lucas 15:17

Tsejtu ura' kityu'ba aseetanguetu, entsandyami: “In apa' junga lushinchi taawasha kemulaya pandachi yamuj dejutyuñuba, iyaa engu pandachiren peyanundiyantsuyu.

Lucas 15:19

Tsa' mitya inu ñu' na jungue kurenu jutyu', ñuchi lushinchi taawasha kemu jungue kureka tinu tsuyu”, tyami.

Lucas 15:21

Tsenñu ya' na, ya' apanu tsandimi: Apa, iya Diosnu bain, ñunu bain ujcha layu. Tsa' mitya iya ñu' na jungue kuranu jutyuyu, timi.

Lucas 18:13

Tsenñu deechu' mitya lushi kamu rukuya juntsa fariseo rukunu baka' uyuna' wayunatu, naa kai'sha majelukenuba tyatyu' llakindya', ya' tenbapunu pali' papatitu tsandimi: Dios, iyaa balejtu rukuyu, inu tenbityaka, iyaa ujcha lamuyu, timi.