Lucas 14:26 - Diosa' kiika; Génesis Éxodo y El Nuevo Testamento

²⁶ Ñulla mallee in bendaa janu tya' bain, naa ñu' apanu, ñu' amanu, ñu' shinbunu, ñu' kaillanu, ñu' naatalalanu, naa ñu maali bain kayu inu pullai estyamushu juntsaa, in disipulu tiyanuu jun jutyuve.

Lucas 14:26 Iomraidhean Croise

Mateo 10:37

Mun ya' apanu, ne ya' amanu juu kayu inu pullai estyamuya in chachi tiyanuu jutyuve; tsenmin mun ya' nanu, ne ya' na'manu juu kayu inu pullai estyamuya in chachi tiyanuu jutyuve.

Lucas 14:20

Tsenmala kamainya: Iyaa challan supungake' mitya jakeen jutyuve, timi.

Lucas 14:25

Jesúsnu pure' chachilla bendaa jiindetsuñu, mayate' uiditu yalanu tsandimi:

Juan 12:25

Mun entsa tusha ura' chunun pensaa chumulaya peya' piyanchin iinu detsuve, tsaanuren entsa tushaa tsaa chunu mi'kityu' in mityan peyainuu ju' tutakutikenuu chumu chachillaya Diosba naa-uwanuba ura' chunu detsuve.

Hechos 20:24

Naa tsaañu bain iyaa in mitya naa-inu ju'ba pensajtuyu, tsaaren iyaa in taawasha sunden dekenun pensa juuyu, Bale Ruku Jesús tsanguide tiñu' mitya. Juntsa taawashaya Dios chachillanu estya estyaintsuñu, ya' mika ura kuinda mijakaanaa juve.

Filipenses 3:8

Tsenmin tiba katawamu judeeshu juntsalanu in Bale Ruku Jesucristonu kayu ura' keemijanu jumuba buute' pensangue' keenmalaya, inchi tiba jumulanu tsaa urajtu juu detirekiyu. Tsaju' Cristo' mityaa tiba balejtu kuraa tire' kepuntsumi juu tirekiyu,

Apocalipsis 12:11

Diosnu keenguemu lala' naatalala Dyabulunu depuive; matyu Llupu Kaa Uveja tuta', ya' asa shajaakaañu' mityaa depuive. Tsenmin naa jela pubaatyu Diosa' mitya pas nendu', naa depeyaba i': Uwain ura palaave, ti' mijakaamuwa de' mitya bain, juntsan mityaa depuive.