Lucas 1:49 - Diosa' kiika; Génesis Éxodo y El Nuevo Testamento

⁴⁹ matyu tsamantsa pude ruku Diosren in mitya tsamantsa uukeraa keñu' mitya tsa tsandinu dejuve. Mu bain yaba pareju dejutyuve.

Lucas 1:49 Iomraidhean Croise

Génesis 17:1

Abram 99 añu juunu uwanu Yavé yanu katawatu tsandimi: Iyaa tiba kekaanuu jumu Diosyu. Tsa' mitya in ajuushaya, ñu' chungama tiba deechu' juu chude.

Éxodo 15:11

Yavé, ¿naaju dyus kuramulaa ñu tsaa dejun? ¿Naajulaa ñu tsaa, tsamantsa pude, munuba pullamu, ti kike'ba tsamantsa jeetyainuu, tsenmin yuj keenbashiinuu bain kemu dejun?

Marcos 5:13

Tsa detiñu Jesús tsaikaañu, juntsala Dioschi urajtu kuraa tiremu bu'chullala cha' rukunu demalu' miitu tsaa ku'chilanu tene maviila. Tsenñu kumuinchibi mika 2.000 ku'chi jumula tsaa yangachi tene ji' lanba' kujtusha depajtya' pisha dechukakila.

Lucas 1:48

naa iyaa yachi taawasha kemu shinbu juñuba, yaa in mitya mijapetse kive. Tsenñu' mitya umaa inu naajulaba entsa ajkeshaya Dioschi mika ura' imu tiitinu detsuve,

Lucas 1:50

Diosya naajulaa yanu balenguumu deeñuba juntsalanuya naa-uwanu' mityaba tenbityamu juve.

Efesios 3:20

Diosya, lala titi depa'ñu bain, kayu juntsanu pullake dekenuu juve lalanu ya chu' tsanguikaatu. Tsenmin naake ura' kenuuñuba juntsaatala naake' pensangue' aseetanguen tsa deeyu.

Apocalipsis 15:4

¿Maa ñunu jeetyatyuba juchudeenga, Bale Ruku? ¿Maa ñunu tsamantsa ura rukuve ti'chu deenga? Matyu ñuren main Dios juuve; naaju chachillaba ñu' ajuusha deja' aawa kure' keewaanu dejuve, naake kavitu kenu ju' bain ñu yumaa ke' keewaañu' mitya, tiidetiwa.

Apocalipsis 4:8

Entsala main main mandishmain ja'chi depuwa, tsenmin naa avindala bain, naa juusha bain kapuka pure' puundene judeewa. Tsenmin entsalaa naa-uwanuba dyai'mujchi kepe bain, mandala bain entsandiitila: Yaren juu jumu, yaren juu jumu, yaren main juu jumu Diosya, tiba kekaamu Dios, tinbunu bain chumu, naa chai bain chumu, naa bene bain maanu juushu juntsa rukuve, tiidetiwa.