Juan 18:18 - Diosa' kiika; Génesis Éxodo y El Nuevo Testamento

¹⁸ Junu ishtyuintsuñu' mitya, taawasha kemu chachilla aa elesha washkemu chachillaba, ñi juikare' juntsa ñingueluu delulan uinala. Tsenñu Pedro bain ishtyatu, yaiba bulu ñinguelu uinami.

Juan 18:18 Iomraidhean Croise

Génesis 49:6

¡Yala' dus wa'di' kuinda kensha jayuuba puu mujtyuve! Yalan ajaavinu uwatalaya chachi tu'muwa deeve, tsenmin ne tsanguichuyu tya' dajtyamiya taawasha kemu wagaa nenbujkuwa wa'chuwa daaviimuwa deeve.

Marcos 14:54

Tsenñu Jesúsnu ka' jindetsuñu, Pedro baatala suree jitu, kayu aa bale ruku' chunu ya veeta juusha vi' aa elesha washkemu chachillaba bulu ne chudi' ñingueesha lulantsumi.

Marcos 14:67

Pedro ishtya' ñinguelunu chunañu kata' kerai shuwatu tsandimi: Ñu bain Jesús, Nazaretsha chumuba bulu nentsuwa, timi.

Lucas 22:44

Tsejtu yaa tsamantsa taaju tya', naaken tsandya' llakindyantsutu Diosba kayu tejan pensangue' kuinda kiikemi. Tsenñu ya' chipi asa kulili keraaya la' tusha pajtya pajtyaila.

Juan 18:25

Tsaa puintsun Pedroya junu, ñinguelunun lulan uinami. Tsenñu entsandi pake'meela: ¿Ñu bain juntsa ruku' disipulu jutyuu? tila. Tsa detiñu Pedro anbukureketu entsandimi: Juntsa jutyuyu, timi.

Juan 18:3

Tsenñu Judas romano suutadulanu ma bulu miya' ji', naa chachilla' mitya Diosnu kalen jimula' bale rukula, fariseolaba de-eeñu aa elesha washkemu chachillanu bain tsai demiya' jimi. Tsejtu vinguenun jutyuu, mantsa lanpara taa, mantsa tu ñillu taa jila.

Juan 21:9

Tsai' tusha demayanlaatu, ñi juinanunu ma alla tsuna katala, naa pan bain.

Hechos 4:23

Bene Pedro Juanba demandyallatu, yaiba bulu nemula' junga miitu, chachilla' mitya Diosnu kalen jimula' bale rukula bain, naa judío bale rukula bain yalanu naadetiñuba tsangue kuinda kila.

1 Corintios 15:33

Keranguemu naatalala, veelachi anbutikayatyudei. Naatimu deeñu bain uwain tsaave: “Ñu urajtu chachillaba den bulu nemushu juntsaa, naa ura chachi ju' bain, urajtu tiyanu tsuve.”