Génesis 46:3 - Diosa' kiika; Génesis Éxodo y El Nuevo Testamento

³ Tsenñu Dios tsandimi: Iyaa Diosyu, ñu' apa' Dios. Egiptosha jinu jeetyatyude. Iya ñullanu juntsa tushaa aa bulu chachi detiwaanu tsuyu.

Génesis 46:3 Iomraidhean Croise

Génesis 12:2

Ñunu sera' jimu chachillanaa aa bulu chachi tiwaanu tsuyu, tsenmin ñunuya mika ura' ikare' naaju chachillachiba dekeraa ruku tiwaanu tsuyu, tsenmala naa veela bain ñu' mityaren inchi mika ura' inu detsuve.

Génesis 15:1

Tsejtu bene entsa-i' puiñu Abramnu Yavé kipin tsa-i' katawatu entsandimi: Abram, jeetyatyude, iyaa ñunu la'kamu juyu. Tsa' mitya ñu' kakenuushu juntsa, tsamantsa aawa junu tsuve, timi.

Génesis 15:13

Tsenñu Yavé tsandimi: Ñu mijasa tenve, naa ñunu sera' jimu chachilla bene vee tusha deji' chu', yaichi manda-i' taawasha kemu chachi juu detiya', firu' in dechu', 400 añu tsaa chunu deeñuba.

Génesis 17:1

Abram 99 añu juunu uwanu Yavé yanu katawatu tsandimi: Iyaa tiba kekaanuu jumu Diosyu. Tsa' mitya in ajuushaya, ñu' chungama tiba deechu' juu chude.

Génesis 22:17

Ñunu mika ura' ikaanu tsuyu. Tsenmin ñunu bene sera' jimu chachillanu bain pure' seewaakenu tsuyu, selusha makara chun tsangue tirenu tsuyu, tsenmin lamaa pi keetala ñiipe tsun tsangue seewaanu tsuyu. Tsenmin yalaa yala' kundaalanu pulla' ka' uudenguen chunu detsuve.

Génesis 35:11

entsandimi: Iyaa tiba kekaanuu jumu Diosyu. Pure' na miyandiyaide, ñunu sera' jimu chachilla bain pure' juunu detsuve. Ñunaa ma aa bulu chachilla defale' kayu jungajte vee vee uñichi uuden juu chumu chachilla faanu detsuve, tsenmin bene mantsala ñunu sera' jimu chachillaren naa rei bain tiyanu detsuve.

Génesis 47:27

Tsejtu jumaa tinbunu Jacob' bulula Egiptobi dechu', tu bain deka', Gosen tusha chumu detiya', junu pure' seraila.

Génesis 48:16

tsenmin inu ti urajtutalaba livee kemu anjee juuñuu Diosya entsa kaillanu ura' ikaade. Tsenmin entsa kailla' mityan naa in mumunu bain, naa in apala Abrahamnu bain, Isaacnu bain demandengasa; tsenmin entsa tunu pure' sera deisa, timi.

Génesis 48:19

Tsenñu ya' apa tsanguindyai'tu tsandimi: ¡Iya miyu! apa, iya miyu. Naa tsaañuba, ya bain ma aa bulu chachi tiyanu tsuve. Tsaaren, ya' bennaa kayu yanu pulla tiyanu tsuve, tsenmin yanu sera' jimulaa main main ma uñichi uuden juu vee vee bulu chumu chachilla pure' serainu detsuve, timi.

Éxodo 1:12

Tsaaren yala tsangue' kayu firu' kendetsunmalaa, Israel chachillaya kayu sera' ne jiindetsuñu' mitya, Egipto' chulla tsamantsa jeetyantsula.

Éxodo 14:13

Tsenñu Moisés pakatu tsandimi: Jeetyatyudei. Nejuudei, naaketaa Yavé lalanu livee kenu juñuba ura' keenadei, matyu ñulla uma Egipto' chullanu kataakindetsushu juntsalanu mangatan dejutyuve.

Hechos 27:24

juntsa anjee tsandive: Jeetyatyude, Pablo, ñu romanola' kayu aa uñi' junbin jinu tsuve. Tsa' mitya ñu' mityaren Dios enu baakunu ñuba bulu jimulanu bain naa peyanuu dejuñuba millangue livee kenu tsuve, tive.

Hechos 7:17

Tsejtu Dios Abrahamnu naati' tsanguenbera kenu tsuyu timuwaañuba tsaa puinu malu dechantsuñu, Israel chachilla Egiptosha pure' seraintsula.