Génesis 24:1 - Diosa' kiika; Génesis Éxodo y El Nuevo Testamento

¹ Abraham yumaa pure' rukuumi, tsenmin Yavé yanu tinuba ura' de-ikare' puitemi.

Génesis 24:1 Iomraidhean Croise

Génesis 12:2

Ñunu sera' jimu chachillanaa aa bulu chachi tiwaanu tsuyu, tsenmin ñunuya mika ura' ikare' naaju chachillachiba dekeraa ruku tiwaanu tsuyu, tsenmala naa veela bain ñu' mityaren inchi mika ura' inu detsuve.

Génesis 13:2

Abram yuj tarukumi, naa animaala bain, naa lushi kenu jeru bain, naa uru bain pure' ta' mitya.

Génesis 18:11

Tsaaren Abraham bain, naa Sara bain yumaa pure' rukuula, tsenmin Saraya shinbunchin naa asa bain yumaa mangueewaatyu jumi.

Génesis 21:5

Abraham 100 añu juunu uwanaa Isaac nakayami.

Génesis 24:35

Yavéya inu uudenguemu rukunu tiba pure' uraa ikaakive, tsangue' taruku tiwaave: tsejtu naa uveja juula bain, naa wagaa juula bain, naa lushi jeru juula bain, naa uru juula bain, naa yachi tiba kiikemu chachilla, supula bain, unbee rukula bain, naa kameyu juula bain, naa buru juula bain dekuwave.

Génesis 25:20

Isaac 40 añu juunu uwanaa Rebecanu ka' chumi, Betuel' na'ma, Labán' tsujkinu. Entsa chachilla Aramnu sera' jimu chachi jula, matyu Padán-aram tusha chumula.

Génesis 26:12

Juntsa añunu Isaac junu buikiya wajtu pure' iwaake' kami, matyu Yavé yanu uraa ikaañu' mitya.

Génesis 49:25

¡Ñu' apa' Dios ñunu kivetenu tsuve, tiba kekaanuu jumu Dios ñunu mika ura' ikaanu tsuve! ¡Kai'sha selu jumuchi bain ñunu Dios ura' ikaanu tsuve! ¡Lamaa pi tainsha jumuchi bain ñunu Dios ura' ikaanu tsuve! ¡Dios ñunu pure' sera' jikaakenu tsuve!

Mateo 6:33

Tsa' mitya Dios rei ju', naakesa tyañu bain juntsanaa kayu aa menesteju keewaadei. Tsanguetaa bene kumuinchi entsa ñulla meneste judeeshu juntsa bain kanu detsuve.

Lucas 1:7

Tsaaren yala na miyajtula, Isabel nakatyu shinbu juñu' mitya, tsenmin yala yumaa derukuula.

Gálatas 3:9

Tsa' mitya mun keenguemulaya, tsaren keenguemu Abrahamba buluren Dioschi ura' inu detsuve.

Efesios 1:3

Lala' Bale Ruku Jesucristo' Apa jumin, ya' Dios jumin jumu Diosnu ura' kive tisai, yaa Cristo' mityaren ya' Espírituchi selusha pumujchin lalanu mika ura' ikaañu.

1 Timoteo 4:8

Lala' bulunu ti juuba ke' aikikaañu tyeeba kenuya baleve, tsaaren tiba Dioschi taawasha juu jumunu tsangues jishu juntsaa kayu tichiba baleve, matyu juntsaya naa challa bain, naa bene peyañu bain uwain tsanguenbera kenu tsuyu tiñu, juntsaa i' puinu juñu' mitya.