Génesis 12:1 - Diosa' kiika; Génesis Éxodo y El Nuevo Testamento

¹ Ma malu Abramnu Yavé tsandimi: In keewaanu juuwaashu juntsa tusha jinu, naa ñu' tu bain, naa ñu' paandelanu bain, naa ñu' apa' yanu bain shuike' jide.

Génesis 12:1 Iomraidhean Croise

Génesis 15:7

Tsejtu Yavé tsandimi: Iyaa ñunu Babilonia tusha, Ur pebulubi churen, entsa tu kuwanu kalare' jamu Yavéyu, timi.

Génesis 20:13

Tsejtu Dios inu in apa' yanu lu' ji' vee mujtu jide ti' uudenguiñu, nunbatalaba nenu lu' jindu, in shinbu Saranu naaju pebulutala viji'ba iya ya' kayave, tide titu tsandiyu, timi.

Génesis 24:38

Matyu in apa' paandela' jungaa jitu, in paande supulanaa in nachi main supu mi'ke' kade, tiwa.

Génesis 24:4

Tsejtu in tushaa ji', jungaa Isaacchi in bulu paande na'malanu ma supu mi'ke' kaide, timi.

Génesis 24:7

Matyu Yavé, selusha chumu Dios, inu in apa' yanu kalaamu Dios, in paandela' tusha inu kalaamu Dios, entsa tu inu sera' jimu chachillanaa kuwanu tsuyu ti' uwain tsanguenbera kenu tsuyu ti' pamu Dios, ñu' ajuusha main anjee eenu tsuve, in nachi ma supu kakaanu.

Génesis 26:2

Tsenñu junu Yavé yanu katawatu tsandimi: Egiptoshaya jityude. Tsejtu iya nunbanu chude tiñuba junu tsanade,

2 Corintios 6:17

Tsenmin Bale Ruku entsa bain entsandive: Juntsa chachilla' kejtsapalaya malu' miji' baka' jiidei; Dioschi urajtu kurekaamu juulanuya jaiba ta'katyudei. Tsenmalaa iya ñullanu mika' inchi tirenu tsuyu.

Hebreos 11:8

Abraham uwain tsaave tya' keranguen mityaren, Dios yanu mikañu meengue', Dios kuwa' tashuwakaanu tsuyu tinu tusha jindu ya' tunu lu' ji', nuka jinduba mijturen jimuwaave.

Apocalipsis 18:4

Bene selusha kamain entsandiñu meejawa: In chachillaya, aantsa pebulunu malu' miidei, yaiba pareju ujcha dela', bulu taaju pullan jutyu.