Éxodo 15:1 - Diosa' kiika; Génesis Éxodo y El Nuevo Testamento

¹ Tsenñu Moisés bain, naa Israel chachilla bain Yavénu beesanguitu entsandila: Yavénu beesanguenu tenve; tsamantsaa keewara jumu tsai keengayave; naa kawallunu bain, naa kawallunu chuu vingues jimu chachillanu bain tsaa lamaasha dekepukive.

Éxodo 15:1 Iomraidhean Croise

Éxodo 14:26

Tsenñu Moisésnu Yavé patu tsandimi: Ñu' tyaapa lamaasha usakide, tsenmala pi demanbuudi' Egipto' chullanu, naa yala' karulanu bain, naa kawallunu chuu jimulanu bain pi tsaa dewalakenutsu, timi.

Éxodo 14:27

Tsenñu Moisés lamaasha ya' tyaapa uskenmalan, dedanguinsha umaa pi naanamu ju'ba juntsai mandiyami. Tsenñu Egipto' chulla manepindun tsaa pitandala puna' tengakila. Yavé juntsanguitaa Egipto suutadulanu lamaasha dechukakaakemi.

Éxodo 15:21

tsenñu María entsangue beesanguemi: Yavénu beesanguidei, yaa tsamantsaa ju'ba tsai keewarave, naa kawallunu bain, naa kawallunu chuu jimulanu bain lamaasha dechukakaaketu, tiitimi.

Éxodo 18:11

Tsenmin umaa mijayu naa Yavéya naaju dyus jumulanuba kayu pulla pudee tañuba, matyu firu' ken chumu chachillanuya taaju iware', yala' tyaapasha depuren, mangalare' maañu' mitya, timi.

Colosenses 2:15

Tsanguetu naa pudee ta espiritulanu bain, naa mandanguen chumu espiritulanu bain, Dios Cristo' mityaren tsaa balejtu jungue dekure' keewaave, yalanu pulla', peesu chachi juu shilingue de-uikare' miya' ji' keewaren tsanguikaatu.

Apocalipsis 15:3

Tsejtu Diosa' chachi, Moisés' beesa bain, naa Llupu Kaa Uveja' beesa bain ke' entsandii detiwa: Kumuinchi ñu' keñu jumulaya, tsamantsaa, jelekenuu, keenbashiinuu tene judeeve, Bale Ruku, tiba kekaamu Dios. Tsenmin naake ura' kemu ju'ba juntsaave ñu' kenutsumiya, kumuinchi chachilla' Rei.