Éxodo 14:26 - Diosa' kiika; Génesis Éxodo y El Nuevo Testamento

²⁶ Tsenñu Moisésnu Yavé patu tsandimi: Ñu' tyaapa lamaasha usakide, tsenmala pi demanbuudi' Egipto' chullanu, naa yala' karulanu bain, naa kawallunu chuu jimulanu bain pi tsaa dewalakenutsu, timi.

Éxodo 14:26 Iomraidhean Croise

Éxodo 1:22

Tsenmala faraónya kumuinchi ya' chachillanu entsandimi: Kumuinchi hebreo unbeena kayamulanuya Nilo pisha kepu' piredei, tsaaren supu na'malanuya chujtidei, timi.

Éxodo 14:16

Tsenmala ñuya, ñu' tyutyan cha'li yali', ñu' tyaapa usakide, tsangue' lamaanu pai pela jungue veede, tsenmala Israel chachilla ejke tenanu dapuinudetsu.

Éxodo 15:1

Tsenñu Moisés bain, naa Israel chachilla bain Yavénu beesanguitu entsandila: Yavénu beesanguenu tenve; tsamantsaa keewara jumu tsai keengayave; naa kawallunu bain, naa kawallunu chuu vingues jimu chachillanu bain tsaa lamaasha dekepukive.

Éxodo 15:4

Yavé faraón' karulanu bain, naa suutadulanu bain lamaasha dechukakaakive. Tsenñu miya' jimu bale suutadula tsamantsa dajka jumula Ungalala tinu lamaasha depipiya deive.

Éxodo 7:19

Tsejtu Yavé Moisésnu tsandimi: Reinu entsa kuinda waintu, Aarónnu entsandide: Ñu' tyutyan cha'li ka', ñu' tyaapa Egipto chachilla' pinu usakide, tsanguetaa naa pisha, naa pijulasha, naa pi pususha, naa yala' uukara pitala bain, tsenmin kumuinchi pi pundalaya asa tene tirekenu, tsenmalaa chi juuchi bain, naa shupuka juuchi bain pi pukenuu ke' pi pundalaya asa tene tiyainudetsu, tide, timi.

Éxodo 8:5

Tsejtu Yavé Moisésnu manbatu: Aarónnu ya' tyutyan cha'li, naa pisha bain, naa pijulatala bain, naa pi pusutala bain usakide, tide, tsenmala jundala patata defale' Egipto tusha tyuwai janudetsu, timi.

Mateo 7:2

Ñulla veelanu naake kuipa pu' depañuba, Dios bain ñullanu tsaren mannu tsuve, tsenmin veelanu naadekiñuba, Dios bain ñullanu juntsangue mannu tsuve.

Mateo 8:27

Tsanguiñu juntsa rukula yuj dekeenbaishtu yaitala tsandila: ¿Entsa naaju rukuñaa, naa ishuwa bain, pisunda bain yanu meenguemutu den? tiitila.

Santiago 2:13

matyu mun veelanu tenbi ken chutyulaya, yai bain tsaren tenbiputyu kavitu inu dejuve, tsaaren mun veelanu tenbi ken chumulaya, kavitu kenu ura janmala, yalaa mika ura' i' puinu detsuve.

Apocalipsis 16:6

Matyu yalaa ñuchin juu chachillanu bain, naa ñu' mitya pamulanu bain tute' asa shajaakaamuwa deeñu' mitya, umaa ñu bain pinu asa mandire' yalanu juntsa asa demangushkaave. ¡Matyu yala' kuipave! tiwa.