Éxodo 12:27 - Diosa' kiika; Génesis Éxodo y El Nuevo Testamento

²⁷ ñulla entsandi pakanu dejuve: Entsa animaanu Dapulla' livee kiñu fandanguchi tu'miya, Yavéchi ti' tu'tu dekiyu, ya Egipto' chullanu detu'nu uwanu Israel chachilla' chunu yatalaya tsaa ne dapulla-i', lala' paandelanuya livee kemuve ti' mandenganu, tinu dejuve, timi. Tsandiñu demeetu, kumuinchi chachilla teedi' Yavénu aawa kure' keewaala.

Éxodo 12:27 Iomraidhean Croise

Éxodo 10:2

tsenmalaa ñu bene naa ñu' nalanu bain, naa ñu' pañalanu bain, iya Egipto' chullanu naake deke' balenguutyuñu bain, naa iyaa tsanguekaantsuve tyainuu juula bain deke' keewaamuñuba ñu wandinuu junu tsuve. Tsanguenmalaa ñulla mijanu detsuve naa iyaa Yavéñu bain, timi.

Éxodo 12:11

Tsa' mitya ñulla avindaa pumu jali yumaa panaju, naa sandalia bain depuu, tsenmin naa tyutyan cha'li bain tyaapanu taaya, animaa alla jeke fidei, matyu juntsa malunuya hebreo chachilla, Egiptonu delivee-i' malu' miinu malu ju', inchi Dapulla' livee kiñu fandangu juñu' mitya.

Éxodo 12:23

Tsenmalaa Yavé Egipto' chullanu tu'nu jindu, ya juukapatala pai cha'li uinamulanu bain, naa tin-era cha'linu bain asa katashu juntsaa, juntsa yanuya ne dapullainu tsuve. Tsejtaa Yavé ñulla' yashaya eepukaan jutyuve tutes nemunu.

Éxodo 12:28

Tsejtu bene miitu, Yavé naa Moisésnu bain, Aarónnu bain naatiñuba Israel chachilla juntsangue kila.

Éxodo 13:14

Tsandenna bene ñu' kailla pake'meetu: ¿Entsa tyeenguitaa tsa dekiyu? tinmalaya, ñulla entsandi pakanu dejuve: Yavé lalanu Egipto tusha manda-i' taawasha kemu chachi juu dechuñuren, ya' pudeechi ke' mangalaamuwaave.

Éxodo 13:8

Juntsa malu chayanmala ñulla' kaillanu entsandinu dejuve: Entsanguilaya lala Egiptonu demalañu, lalanu Yavé tyee kemuwaañu bain mandenganaa tsa tsa dekiyu.

Éxodo 34:25

Naa-uwanu animaa tute' keeware'ba, ya' asa, pujkikarentsumi puu panba buungare' keewaanu jutyuve. Tsenmin naa Dapulla' livee kiñu fandanguchi finu animaa larañu bain, ne ayunchi mafinu laakaanu kityudei.

Éxodo 34:8

Tsenñu Moisés teledi' ya' mishu tusha tapa'kanbera jeke waike' aawa kure' keewaatu,

Éxodo 4:31

Tsenñu chachilla keenguila. Tsejtu naa Yavé yala naa-i taaju indetsuñu bain keenañuba mijatu, Israel chachilla teedi', Yavénu aawa kure' keewaala.

1 Corintios 5:7

Tsa' mitya ujcha latin chunu kityudei. Matyu ujchaya tiba firu' dekikemu ju', pan pujkikaantsumi yumaa pumu llujpepe juuñuuve. Tsa' mitya ujcha latin chutyu detiyashu juntsaya, kasa chachi juuñuu demandiya' Dapulla' livee kiñu fandanguchi fifikentsumi pujkikarajtu kasa pan juuñuunu detsuve. Tsenmala Dapulla' livee kiñu fandangunu laapu' panmalaya, Cristaa Dapulla' livee kiñu fandanguchi tute' keewarentsumi llupu kaa uveja juuñuuve, yaa lala' mitya kuusanu yangara' tuta' mitya. Tsaju' ñulla fandanguchi fintsumi pujkikarajtu pan juuñuuya junu dejuve, ura patiñuya tiba anbukityu ju' uraaya kiikidei. Tsejtaa ñulla pan pujkikarentsumi yumaa pumu llujpepe juuñuu dejutyu', tiba uraaya kiikemu deju', veelanu firu' kiikemu jutyudei.