Apocalipsis 7:16 - Diosa' kiika; Génesis Éxodo y El Nuevo Testamento

¹⁶ Umaya panda bain yapen dejutyuve, naa pi bain yamuj jun dejutyuve, naa pajta bain yalanu maju'ken jutyuve, naa ne lujaa tya' bulla tyanu bain dejutyuve,

Apocalipsis 7:16 Iomraidhean Croise

Mateo 13:21

tsejturen chi ju'ba telele aa erajtu juuñu de' mitya, naa-uwanu Diosa' palaa' mitya taaju de-i' bain, tsa jutyu'ba, naa-uwanu firu' kenu bendaa dekiñu wapanai' bain, mangueenguityui tiyamula deeve.

Mateo 13:6

tsenñuren pajta fale' de-ejbiyu' kakaakenmalan, telele aa erajtu de' mitya tsaa de-ejkeila.

Mateo 5:6

Naajulaa Dios naakesa tyañuba tsanguen chunu tyanchin tsanguenu ajchundyan chumulaya, Dioschi ura' imu deeve, yala naakenu tyañuba Dios tsanguikaanu juñu' mitya.

Marcos 4:17

chi ju'ba telele aa erajtu juuñu de' mitya, naa-uwanu Diosa' palaa' mitya taaju de-i' bain, tsa jutyu'ba, naa-uwanu firu' kenu bendaa dekiñu wapanai' bain, mangueenguityui tiyamula deeve.

Marcos 4:6

tsenñuren pajta fale' de-ejbiyu' kakaakenmalan, telele aa erajtu de' mitya tsaa de-ejkeila.

Lucas 1:53

Ti fin tsaa chumu chachillanaa panda yamuj chun jutyungue mandiretu, umaa tarukulanaa ti fin tsaa chunu mandireve.

Lucas 6:21

Tsenmin challa panda yamujka chumulaya Dioschi ura' imu deeve, bene tyubanbera fifikentsunuu deju' mitya. Tsenmin challa llaki juu chumulaya Dioschi ura' imu deeve, bene masundya' uukanu deju' mitya.

Juan 4:14

Tsaaren mun in kuñu pi kujchi' bain pi mamutyanu dejutyuve, matyu in kuñu piya ya' bulusha ma pijula tiyaiñu i', naa-uwanuba Diosba ura' chumishtinu juñu' mitya, timi.

Santiago 1:11

Pajta fale' daran lujuu kenmalaya, tape de-ejbiyu' kakiñu ya' llullu pajtyaimu juve, tsejtu naraa llullu ju'ba mafiruimu juve. Taruku bain tsaren juuñu ju' de-i' piyan tsainu tsuve, ya' tiba detañu jumulanu tene pensa ju' tiba deken chundu bain.

Apocalipsis 21:4

Tsejtu Dios munu bain yala' kapi kijti kijtikemu junu tsuve. Umaa manbeyan dejutyuve, waren dejutyuve, llakinguen dejutyuve, naa ne kityai bain in dejutyuve, matyu tiba kaspele jumuya depulla' yumaa jutyu tiya deiñu' mitya, tiwa.