Apocalipsis 18:15 - Diosa' kiika; Génesis Éxodo y El Nuevo Testamento

¹⁵ Buli atis nemula ya' mitya taruku tiyamula, ya taaju puindu' kityantsu keenatu, yai bain juntsai keemee tya' jeetya' baasha ke-eeditaa, ya' mitya ware' llakinguiikenu detsuve.

Apocalipsis 18:15 Iomraidhean Croise

Marcos 11:17

Tsejtu, bene entsandi mijakare' pami: Diosa' Kiikanu entsa pillave: In yaa, naaju chachilla bain Diosba kuinda kenu ya junu tsuve, ti' pillave. Tsaanuren ñullaya entsa yanu taamula' vi' pantsudinu tujuu tiredekiñuve, timi.

Hechos 16:19

Tsenñu yanu uudenguemula juntsa panna entsaiñu' mitya lushi mangakeen jutyuve tya' naaken tsandyatu, Pablonu bain, Silasnu bain deka' balela' kavitu kiikensha tajila.

Apocalipsis 18:12

naa uru bain, lushi kenu jeru bain, bale shupuka bain, perla bain, naa ura linu jali juu bain, naa seda jali juu bain, juntsa jali naa yamurara juu bain, naa ungalala bain; kumuinchi vee vee aindyu chi juu bain, elefante aa tejku usnamuchi keñu juu bain, chi balenchi jumuchi tiba keñu juu bain, brunsechi keñu juu bain, jeruchi keñu juu bain, marmul shupukachi keñu juu bain;

Apocalipsis 18:13

kanela juu bain, ti pindyupi juula bain, ju'ke' aindyunguikaantsumi juula bain, mira bain, aindyu chi pillu bain, binu bain, ulibu muli bain, pan kenu llujpe kayu ura bain, trigu bain; buli tanemu animaa juula bain, uveja juula bain, kawallu juula bain, kawalluchi juyamu karuu juula bain, naa veelachi manda-i' taawasha kemu chachilla bain, tsenmin vingue' bensa-i' kayamu chachillanu bain ma-ati' kanu dejui'ñu ware' llakinguenu detsuve.

Apocalipsis 18:14

Tsejtu Babilonia pebulunu tsandinu dejuve: ¡Tsamantsa anbu puka, ñu' tsamantsa anbu' tya' fifikenu puka, ñu umaa tanatyuve; tsenmin kumuinchi ñu' tsamantsa nara nara kenu jumu bain, naa balen juula bain mangatan jutyuve! tiitinu detsuve.

Apocalipsis 18:19

Tsejtu ware' llakinbeyaju', yala' mishbui'sha tu llujpe ka' tsutsudekaatu, entsa detiwa: ¡Mika taaju i' puintsuve! ¡Mika taaju i' puintsuve juntsa tsamantsa aa pebulu! Juntsa pebuluya kumuinchi baaku ta chachillanu, tsamantsa taruku tiwaamuwaave ¡tsaaren ura wajtunuren tsaa millaive! tiidetiwa.

Apocalipsis 18:3

Matyu yaa kumuinchi chachillanu firu' kemishti' tsaanchi deviñawaakeñungue', naa nuka chumu reilanu bain, yaba detsaimishtive; naa tu kuraa buli atis nemulanu bain, firu' imishtindu taruku detireke' sunden dechujtikaañuve, tiwa.