Apocalipsis 16:7 - Diosa' kiika; Génesis Éxodo y El Nuevo Testamento

⁷ Naa ufeenda tsure' keewarensha bain entsandiñu meewayu: Uwain, tsaave, Bale Ruku, tiba kekaamu Dios, ñuya naake ura' kavitu kemu ju'ba tsanguive, tiwa.

Apocalipsis 16:7 Iomraidhean Croise

Apocalipsis 1:8

Naa peepuinsha bain iyaa jumu, naa de-insha bain iren jumu, tive tiba kekaamu Dios, matyu tinbunu bain chumu, naa chai bain chumu, naa bene bain majainu juushu juntsa ruku.

Apocalipsis 13:10

Mun veelachi kaya' ji' manda-inuu jumulaya, veelachi kaya' ji' manda-inu detsuve; tsenmala mun peeniyachi peyanuu jumulaya, peeniyachi peyanu detsuve. Tsa' mitya, Dioschin juu jumu chachillaya kayu challaa Diosnu daran keengue' tsaa jintsunu meneste deeve.

Apocalipsis 14:10

taaju puiwarentsumi keewara Diosa' keñu binu kushnu dejuve, ya' ajaatya' keewara shullanu veraba yandajtu jumu binu. Tsenmin ñichi bain, naa ju'kemu asufeechi bain, taaju puinu dejuve, Llupu Kaa Uveja Dioschin juu anjeelaba chunu ajuusha.

Apocalipsis 14:18

Tsenmala kama anjee, ufeenda tsure' keewaanu keesha ñitala mandanguemu anjee pu' faawa, tsejtu nara tyaya chu'papaa beruruu kuchillu tanamu anjeenu laapu' patu entsandiwa: Entsa tusha uva vijpala jumulanu ñu' kuchillu puite', uva tyundyu dekakide, matyu yumaa delluñu kanu ura tiyave, tiwa.

Apocalipsis 19:2

tsenmin ñuya naake ura' kavitu kemu ju'ba tsanguemuve. Tsa' mityaa mu'baasa tsa tsaimu shinbunu naake kavitu ke' taaju puiwaanuu juñuba tsanguive, matyu yaa tsangue' firu' ke' kumuinchi chachillanu tituba imishti', naa Dioschi taawasha kemu chachillanu bain tu'muwaañu' mitya. Tsanguetaa Dios bain juntsa shinbunu vejmi' mangue' taaju puiwaave, detiwa.

Apocalipsis 6:9

Manen Llupu Kaa Uveja entsaba manda mai'namu muute mamushkenmalan, Diosa' mitya ya' kuinda mijakaandu tutamulanu ufeenda tsure' keewaanu panbeesha katawayu.