Apocalipsis 14:7 - Diosa' kiika; Génesis Éxodo y El Nuevo Testamento

⁷ Tsejtu daran palaachi entsandiwa: Diosnu jeetya' balenguudei, matyu ya' kavitu kenu malu yumaa jave. Naa selu bain, naa tu bain kemu, naa lamaa bain kemu, naa tu tainsha faamu pijula bain kemu rukunu teedi' aawa kure' keewaadei, tiwa.

Apocalipsis 14:7 Iomraidhean Croise

Génesis 22:12

Tsenñu anjee tsandimi: Ñu' nanu tiba kityude, matyu yumaa mijayu naa ñuya Diosnu jeetya' meenguemuñuba, ñuya ñu' na main juuñu bain kun jutyuu ki'ñu' mitya, timi.

Éxodo 20:11

matyu iya, Yavé, mandishmain malunaa naa selu bain, naa tu bain, naa lamaa bain, tsenmin tiba katawamu judeeshu juntsala bain deketu, saaduma mandishpai malunu lekayu. Tsejtaa iya juntsa malunu yuj ura kurave ti', inchin juu tireyu.

Mateo 25:13

Tsandi' dyatu Jesús tsandimi: Tsa' mitya ti maluchee, tsenmin ti urachee Dioschi Mi'ke' Kayamu maanuuñu bain mijdetu' mitya, pashkatyu' keenadei.

Lucas 17:18

¿Tsejtu entsa vee tusha chumu rukuren Diosnu yuj ura' kive tinu majaitu in? timi.

Hechos 14:15

Rukula, ¿nenñu dekiyu entsanguintsula? Laa bain ñulla naadejuñuba juntsaa chachi deeyu. Lala enu tsai' jalaya, Diosa' mika ura kuinda demijakarenmala, aantsaa jumulanu demanbashi' ñulla veta' pensa demangue' ura chumu Dios, matyu naa selu bain, tu bain, lamaa bain dekemu, tsenmin jundala tyee depuñuba juntsa bain dekemu Diosnu dekeenguisa tenñu mijakaanaa dejayu,

1 Pedro 4:7

Ti bain de-i' piyanu malu yumaa kalenave. Tsa' mitya mika ura' pensa deju' deechu' judei, tsejtaa Diosba kuinda kiikenu.

Apocalipsis 11:13

Tsenmalan yala' lunu uranu, kala tsamantsangue daran kiwa, tsenñu pebulu paitya pela vele' keekiñunguiñuya, manbaateya tsaa millaiwa, tsenmin 7.000 chachilla depeyawa, tsenñu mantsa laramulaya jelanchin kai'sha chumu Diosnu uwain yaa tsanguentsuve tya', aawa kure' dekeewaawa.

Apocalipsis 11:18

Ñunu kerandyatyu chachilla de-ajaavi deive, tsaaren naa tsa deiñu bain, yumaa ñu ajaatya' taaju i' puiwaanu malu jave, naa pemulanu bain kavitu kenu tinbu. Tsenmin ñuchi taawasha kemu, ñu' mitya pamu rukulanu bain, naa ñuchin juu chachillanu bain, tsandityu'ba, ñunu ura' keengue' meenguemulanu bain, yala' tsangues nen mitya ñu tyee kunuu juñuba, juntsa malu jave, matyu kumuinchi juntsa chachillanu, naa ne chachillanu bain, naa bale rukulanu bain, ñuchi tsanguenu tinbu jave. Tsenmin entsa tusha firu' kemu chachillanu bain, ñu dekikenuu juñu malu bain yumaa jave, detiwa.

Apocalipsis 15:4

¿Maa ñunu jeetyatyuba juchudeenga, Bale Ruku? ¿Maa ñunu tsamantsa ura rukuve ti'chu deenga? Matyu ñuren main Dios juuve; naaju chachillaba ñu' ajuusha deja' aawa kure' keewaanu dejuve, naake kavitu kenu ju' bain ñu yumaa ke' keewaañu' mitya, tiidetiwa.

Apocalipsis 16:9

Tsenñu kumuinchi uu jeetyanui dejupewa, tsejturen ne Diosnu tsamantsaave detya' bain, veta' pensa ne manguikiba dekityuwa. Tsaju' kayu na'baasa kentsure' ne padetiwa, naa ti taaju puiwarachiba tsamantsanguemu Diosnuren.

Apocalipsis 18:10

Tsejtu tsaa taaju puindu' kityantsu jeetya' baasha uina' kata-eetu, entsa entsandinu dejuve: ¡Mika taaju i' puintsuve! ¡Mika taaju i' puintsuve! ¡Tsamantsa aa pebulu Babilonia, ti kendya'ba kiikemu pebulu! Matyu: Ñunu taaju puiwarenuya jayun mikañuve, tiitinu detsuve, tiwa.

Apocalipsis 18:17

wajtunuren ya' tsamantsa balen jumula, matyu tyeeba ju' de-in tsa deive, tiitinu detsuve. Tsenñu kumuinchi baaku deechu kes nemula bain, naa baakutala vi' nemula bain, lamaasha baakunu taawasha kes nemula bain, tsenmin kumuinchi lamaasha ne' bui atis nemula bain baasha udi' ke-eenataa;

Apocalipsis 18:19

Tsejtu ware' llakinbeyaju', yala' mishbui'sha tu llujpe ka' tsutsudekaatu, entsa detiwa: ¡Mika taaju i' puintsuve! ¡Mika taaju i' puintsuve juntsa tsamantsa aa pebulu! Juntsa pebuluya kumuinchi baaku ta chachillanu, tsamantsa taruku tiwaamuwaave ¡tsaaren ura wajtunuren tsaa millaive! tiidetiwa.

Apocalipsis 19:5

Tsenñu reila' chuchudinu chunjuusha main entsandiwa: Naa ne chachilla bain, bale chachilla bain, matyu kumuinchi ñulla Diosa' chachi deju' yachi taawasha ke' yanu balengure' jeetyamulaya, lala' Diosnu tsamantsa ura rukuve tidei, tiwa.

Apocalipsis 4:11

Bale Ruku, lala' Dios, uwain ñuya laachi tsandikayañu urave. Tsa' mitya laachi tsamantsaa keewarade, naa mu bain ñunu bale dekuresa, naa ti pudee bain ñuchi tene juusa, tiba jutyuwaanun ñaa challa judeeshu juntsa kumuinchi dekemu' mitya, tsenmin ñuren tsanguendya' keñuya entsa tusha tiba dejuñu' mitya.

Apocalipsis 4:9

Tsenmala rei' chuchudinu chunjuunu chumu rukunu, matyu naa-uwanuba chunuu jumu rukunu entsa chumula tsamantsaa keeware' balengure' sunden keewaawaa deke',

Apocalipsis 8:10

Entsaba pema jumu anjee ya' juipunu tyujtyu pakaanmalan, tsamantsa aa makara tu ñillu llukan tsaju', unsururuu entsa tusha pajtya', pijula jumulanu, naa tusha faamu pi jumulanu bain tsaa pen pela vele' keekiñunguiñuya, manbaateya jandala pajtyawa.