Apocalipsis 12:2 - Diosa' kiika; Génesis Éxodo y El Nuevo Testamento

² Juntsa shinbu na puuwa. Tsaju' yachi nakanu ura jañu kityatu jelekendintsuwa.

Apocalipsis 12:2 Iomraidhean Croise

Mateo 24:8

Tsaaren kumuinchi tsaa de-i' pullandu bain, ti ju'ba umaa taaju peepukendun tsainu tsuve.

Juan 16:21

Ma shinbu yachi yumaa nakanu ura jañu kityanchin naa-in tsandyamuve, tsaaren nei'ba nakamin naa kityandu bain manbashinchi iimuve, entsa tusha ma kaana kayañu' mitya.

Gálatas 4:19

Kailla, in kailla, manen ñulla' mitya mika pensandenve, ñulla Cristochi narake tirekutindetyuya.

Gálatas 4:27

Matyu Diosa' Kiikanu entsandive: Ñu, nakatyu shinbu, na miyajtu shinbuya, sundyade; matyu sundenganchin wati watitide, nakandu naa-i kityamu deeñuba mijtu shinbuya. Matyu challa unbee mangueviiñu imu shinbuya, unbee miyanuba kayu pullake na miyandinu tsuve, tive.

Apocalipsis 12:4

Tsejtu ya' nepelechi kai'sha chumu makaralanu pen pela vele' keekiñunguiñuya, manbaate makaraya tsaa dekasha' ere' tusha dekepukiwa. Tsangue' dyatu juntsa paa piñi, nakanundiyantsumu shinbu' ajuubi ji' uidiwa, na pajtenmalan juntsa nanu ka' finu.