Apocalipsis 11:15 - Diosa' kiika; Génesis Éxodo y El Nuevo Testamento

¹⁵ Entsaba mandishpai anjee ya' juipunu tyujtyu pakaanmalan, kai'sha jelekenu velan jurundi' daran papatitu entsa entsa detiwa: Lala' Bale Ruku Dios bain, yachi Mi'ke' Kayamu bain rei dejuñu, entsa tunu naake uudenguen dechuñuba yaichi mandiyave, tsenmin Diosya naa-uwanu' mityaba rei juu tsananu tsuve, tiidetiwa.

Apocalipsis 11:15 Iomraidhean Croise

Éxodo 15:18

Yavé, ñaa naa-uwanuba rei ju' washke' jintsunu tsuve.

Mateo 24:31

Tsenmala Chachi Tiya' Nakayamuya juipunu tyujtyu daran juipukaatu ya' anjeelanu ere', yachi mi'ke' kaya chachillanuya tu kuraa dete'kakare' wa'kaanu eenu tsuve.

Mateo 6:13

Lala ujcha lainuu juubillaya tsangaatyuka; tsangaatyu', urajtutala livee kika, tidei, timi.

Lucas 1:33

tsenmalaa Israel chachillachi naa-uwanuba rei juu chunutsu. Yaa naa-uwanuba tsanguen chunu tsuve, timi.

Lucas 15:10

Tsejtu Jesús tsandimi: Uwaindiyu naa Diosa' anjeela bain tsaren sundyamu deeve ma ruku ujcha lamuren veta' pensa mangue' Diosnu keenguenmala, timi Jesús.

Lucas 15:6

ya' yasha miimiya, sunden puinu titu, yachi ura' kera chachillanu bain, ya' keetala chumulanu bain dewa'kaatu: Iba bulu sundyave'kai, in uveja piyañuren mangata' mitya ¿tinu jutyun?

Hechos 4:26

Tusha chumu reila bain, naa uñila bain debuudi' Bale Ruku Diosnu bain, tsenmin yachi Mi'ke' Kayamunu bain firu' kenu desekuwanguive, tive.

Hebreos 1:8

Tsaaren ya' Nanu laapu' pamiya entsandive: Dios, ñu rei ju' naa-uwanuba tsaa tsananu tsuve, tsenmin ñu rei ju' mika deechu' kemuve.

Apocalipsis 10:7

Tsa' mitya Dios titi kenuu ju'ba juntsa munuba mijakarajtu jumu, matyu yachi taawasha kemu ya' mitya pamulanu tsandimuwaañu, juntsa tsaa i' puinu tsuve, entsaba mandishpai anjee ya' tyujtyu pakaanundiyantsuren, tiwa.

Apocalipsis 12:10

Tsenñu selusha main daran palaachi entsandi pañu meewayu: Livee inu jumu yumaa jave; Dios tyee kiikenu tya'ba juntsanguenu keewaave. Tsenmin Dios rei ju' naajunuuñuba juntsa bain keewaave, tsenmin yachi Mi'ke' Kayamu' mandanguenu malu bain yumaa jave, matyu laaba bulu keranguemu naatalalanu firu' pa', tsa deeve ti' Diosa' ajuusha malumere, naa kepe bain, naa mandala bain tsa tsandintsumu ruku, junga kelara' vee mujtu keviiñu' mitya.

Apocalipsis 15:4

¿Maa ñunu jeetyatyuba juchudeenga, Bale Ruku? ¿Maa ñunu tsamantsa ura rukuve ti'chu deenga? Matyu ñuren main Dios juuve; naaju chachillaba ñu' ajuusha deja' aawa kure' keewaanu dejuve, naake kavitu kenu ju' bain ñu yumaa ke' keewaañu' mitya, tiidetiwa.

Apocalipsis 16:17

Entsaba mandishpallu, tsenmin de-insha jumu anjee, ya' shullanu pumu, ishuwanu yuutsungaajiwa, tsenmalan Diosa' pupunanu kai'sha chumu yanu reila' chuchudinu chunjuusha main daran patu entsandiwa: ¡Yumaa de-i' puive! tiwa.

Apocalipsis 17:14

Tsejtu bene Llupu Kaa Uvejaba vinguenu dejuve; tsenñuren Llupu Kaa Uveja Dioschi mi'ke' kayamu chachillaba, tsandityu' bain, Diosnu bendaa ke' ura' keenguemulaba buudi' vinguetu puinu juve, matyu Llupu Kaa Uvejaya, yaa baleetala kayu Bale' mitya, naa reitala bain kayu Rei' mitya.

Apocalipsis 19:1

Entsaa de-i' puiñu, bene kai'sha chachilla pure' wakuna' beesangue' waratin tsandindetsu meewayu. Tsejtu entsa entsa detiwa: ¡Dios mika aawa kurasa! Naa livee kenu juu bain, naa balenguranu juu bain, naa ti kendya'ba tsanguenu juu bain lala' Dioschive,

Apocalipsis 19:6

Tsenñu kai'sha chachilla pure' puna' velanjuru tin tsa deti' aa pipayu waratin tsa detiwa, tsenmin kuidyaaba daran pan tsa detiñu meewayu. Tsejtu entsa detiwa: ¡Dios mika aawa kurasa! matyu Bale Ruku, tiba kekaamu Dios lalanu yumaa washke' mandanguentsuñu' mitya.

Apocalipsis 20:4

Reila' chuchudinu chunjuu bain katawayu, tsenñu junu Dioschiren kavitu kiikenu tireñu rukulaa dechuwa; tsenmin Jesús' mitya bain, naa Diosa' palaa' mitya bain ura' kuinda kes neneimula tutamulanu katawayu. Juntsalaa naa firuu animaanu bain, naa ya kerake' dechujtiñu chi nawawanu bain teedi' aawa kure' keewaatyula deewa, tsenmin firuu animaa' muute bain, naa llashkapanu muute bain, tsa jutyu'ba, tyaapanu muute bain vityula deewa. Juntsala chumu demandiyatu Dioschi Mi'ke' Kayamuba 1.000 añu mandanguen chula.

Apocalipsis 8:12

Entsaba taapallu jumu anjee ya' juipunu tyujtyu pakaanmalan, pen pela vele' keekiñunguiñuya, manbaate pajta bain, naa manbaate kepe pajta bain, naa manbaate makarala bain tsaa danguityu tiya deiwa. Tsai' pen pela vele' keekiñunguiñuya, manbaate kepe bain, manbaate mandala bain dandajtu tiya deiwa.

Apocalipsis 9:1

Entsaba manda jumu anjee, ya' juipunu tyujtyu pakaanmalan, ma makara kai'sha chumuren tusha pajtya' tsuna katawayu, tsenñu juntsanu jelekenuu juwan juru jumu juukapa juukenu llavi dekuwa.

Apocalipsis 9:13

Entsaba mandishmain jumu anjee, ya' juipunu tyujtyu pakaanmalan, Diosa' ajuusha uruchi jumu ufeenda tsure' keewaanunu taapai mutu kachu keraa usnanutala pañu meejawa.