Apocalipsis 1:11 - Diosa' kiika; Génesis Éxodo y El Nuevo Testamento

¹¹ Tsejtu tsandiwa: Ñu kataakenu juushu juntsa, ma kiikanu piikide, tsangue' Asia pruvinsiasha kerangue' mandishpai pela waku wakudimulanu eede: Éfesonu bain, Esmirnanu bain, Pérgamonu bain, Tiatiranu bain, Sardesnu bain, Filadelfianu bain, tsenmin Laodiceanu bain, tiwa.

Apocalipsis 1:11 Iomraidhean Croise

Hechos 16:14

Tsenñu junu ma shinbu pumi Tiatira pebulubi chumu uukeraa jali ungalala' yamuraraa jali balenchi ati atikemu, ya' mumu Lidia, tsaaren naa juntsa shinbuya judío chachi jutyu ju' bain, Diosnaa balengure' keewaawaakemu jumi. Tsejtu Pablo pantsuñu yuj tejan meenañu, Bale Ruku ya' tenbukasha ta'ka' keranguikaañu,

Hechos 18:24

Juntsa tinbutala, ma judío ruku ya' mumu Apolo, Alejandría pebulunu chumu Éfeso pebulubi jimi. Yaa ura' kuinda kenu mimin, Diosa' pilla kiika jumulanu bain ura' aseeta jumi.

Hechos 20:17

Pablo Mileto pebulubi putu, Éfeso pebulusha keranguemula' bale rukulanu mikatu,

1 Corintios 15:32

Tsejtu iya Éfesosha firu animaa juuñuulaba vinguikeñunguetu, ne chachilla naakemu deeñuba ne tsanguetuya, ¿tyee juntsan mitya kakenuu junujtuuwa, uwain pemula mangujtan jutyu deeshu juntsaa? Tsa ju'ba juñuya, mantsala naatimu deeñuba juntsaaya kisai: Panda fidaa, kushdaa, ayu pekeenu juve, timu deeve.

1 Corintios 16:8

tsejturen Éfeso pebulunun tsananu tsuyu Pentecostés fandangu malu jangama,

Efesios 1:1

Iya, Pablo, Diosren tsaa mutyañuya, Jesucristo' mitya kuinda kenu lara' eramu ruku, ñulla Éfeso pebulunu, Dioschin juu chudenashu juntsalanu, matyu Diosnu keenguemu deju' Jesucristoba ma bulu juuñuu judeeshu juntsa chachillanu, ura' dechusa tintsuyu.

Colosenses 2:1

Naa iya ñulla' mitya bain, naa Laodicea pebulunu keranguemula' mitya bain, naa veela inu kerajtu chachilla' mitya bain tsamantsangue dera' kentsuñuba demijasa tenve.

1 Timoteo 1:3

Macedonia tusha jindu ñunu Éfesonu tsanade tiwayu. Tsejtaa mantsa chachilla anbukuinda juu mijakaamulanu, tsaa mijakaatyudei ti',

Apocalipsis 1:17

Tsana katamin ya' ajuusha peya' tya'pun tsanguiwayu, tsenmalan ya' urandyaapachi inu ta'kakitu entsandiwa: Jeetyatyude, tichiba iyaa ajke' jumuyu, tsenmin tichiba iren de-insha jumuyu.

Apocalipsis 1:19

Tsa' mitya ñu' kataakishu juntsa piikide: naa challa i' pullaintsushu juntsa bain, naa bene i' pullainu juushu juntsa bain.

Apocalipsis 1:2

Tsenmala Juanya naake kata' puimu'ba uwain tsana keenamu ju' mitya, entsa kuinda Diosnu keranguemulanu dewaintu, Jesucristoren uwain entsaa Diosa' kuindave tiñu manbantsuve.

Apocalipsis 1:20

Ti ju'ba munuba keewarajtu jumula, ura pañuya mandishpai makara in urandyaapasha kataakishu juntsa bain, naa lanpaa chujtintsumi uru tene juu mandishpallu kataakishu juntsa bain entsandi' keewara deeve: mandishpai makara judeeshu juntsalaya, kerangue' mandishpai pela waku wakudimulachi ma anjeejee jumula deeve, tsenmala lanpaa chujtintsumi uru tene juu mandishpallu jumulaya mandishpai pela keranguen chumula deeve.

Apocalipsis 1:4

Iya, Juan, Asia pruvinsiasha kerangue' mandishpai pela waku wakudimulanu piikentsuyu. Kumuinchi ñullanu, estya' keewara', tiba bulla jutyu ura' dechusa tindetsuve, naa tinbunu bain chumu, naa chai bain chumu, naa bene bain majainu juushu juntsa ruku bain, naa ya' uudenguen chunu ajuusha pumu mandishpai espiritu jumula bain,

Apocalipsis 1:8

Naa peepuinsha bain iyaa jumu, naa de-insha bain iren jumu, tive tiba kekaamu Dios, matyu tinbunu bain chumu, naa chai bain chumu, naa bene bain majainu juushu juntsa ruku.

Apocalipsis 10:4

Tsenñu juntsa mandishpai kuidya depa' dyañu iya naadetiñu mere'ba juntsa piikenu kentsuwayu, tsenñu selusha main entsandiñu meejawa: Piikityude, mandishpai kuidya naadetiñu mere'ba maali dus mijaide, tiwa.

Apocalipsis 14:13

Tsenñu selusha main entsandiñu meejawa: Entsa piikide: Entsa ajkeshaa mun Bale Rukunu keenguemu juu peya' bain, Dioschi ura' imu dejuve. Espíritu bain: Uwain tsaave, tiwa, tsenmin yala' taawasha' mitya bain lekanu dejuve, yala titi dekiñuba keengaya junuuñu' mitya, tiwa.

Apocalipsis 19:9

Bene anjee inu entsandiwa: Entsa piikide: Mun Llupu Kaa Uveja' matsunu fandangusha jasa tya' mijakara'ba, Dioschi ura' imu deeve, ti' piikikaawa. Tsejtu entsa bain tsandiwa: Entsala uwain Diosa' palaa deeve, tiwa.

Apocalipsis 2:1

Éfeso pebulubi kerangue' waku wakudimula' anjeenu piiketu entsandide: Ya' urandyaapasha mandishpai makara tanamu, tsenmin lanpaa chujtintsumi uru tene juu mandishpallu jumu chundala nemu ruku keranguemulanu entsandive tide:

Apocalipsis 2:12

Pérgamo pebulubi kerangue' waku wakudimula' anjeenu piiketu entsandide: Ma peeniya kelush kelush ishda tyaya tene tanamu ruku keranguemulanu tsandive tide:

Apocalipsis 2:18

Tiatira pebulubi kerangue' waku wakudimula' anjeenu piiketu entsandide: Llu'wara ñillu juuñuu kapuka pumin, naa ya' neepa bain pi'kelaa brunsenu daran lulaware' keekiñuu Diosa' Na, entsandive keranguemulanu:

Apocalipsis 2:24

Tsaaren mantsa ñulla Tiatiranu chumula juntsaa urajtu kive'tyu deju', veela Satanáschi tyeeba tsamantsaa mijakarave tya' bendaa kemulanu ñulla juntsaatala tsanguive'tyu jumulanuya, tiba dekesa tya' panu jutyuyu.

Apocalipsis 2:8

Esmirna pebulunu kerangue' waku wakudimula' anjeenu piiketu entsandide: Tichiba iya ajke' jumu, tsenmin tichiba iyaa de-insha jumu, matyu peyaturen mangujmu ruku keranguemulanu entsandive tide:

Apocalipsis 21:5

Reila' chuchudinu chunjuunu chumu ruku inu entsandiwa: Iyaa kasa tene manguikemuyu, tiwa. Tsejtu entsa bain tsandiwa: Piikide, entsa kuindaya uwain ura kuindave, meenguenuu kuindave, tiwa.

Apocalipsis 22:10

Tsejtu entsa bain tsandiwa: Entsa tsaa i' puinu juve ti' pilla kuinda wajtun tsaa puinu juñu' mitya dus mii jutyude.

Apocalipsis 22:16

Iya, Jesús, inchi ma anjee eeyu, kerangue' nukaba waku wakudimulanu kumuinchi entsandi wainnu. Iya rei Davidnu shu'ke' sera' jamuyu, tsenmin dechañun chumu makara pi'kelaa jumuyu.

Apocalipsis 3:1

Sardes pebulubi kerangue' waku wakudimula' anjeenu piiketu entsandide: Dioschi mandishpai espiritu tanamin, naa mandishpai makara bain tanamu ruku, keranguemulanu entsandive: Ñulla titi kemu deeñu bain iya kerayu, tsenmin veelachiya ñulla chuve detyañu bain, yumaa peyaañuuren tsa denañuba iya miyu.

Apocalipsis 3:14

Laodicea pebulubi kerangue' waku wakudimula' anjeenu piiketu entsandide: Naati Ura' Pa'ba Tsanguemu, Deechu' jumu ruku titalaba uwain tsana keenamu ruku, tsenmin Dios peepundu tu dekenu uwanu yanaa ti bain kikaañu kemu ruku, keranguemulanu tsandive:

Apocalipsis 3:4

Tsaaren Sardesbi urajtu ken chutyu ju', yala' jali tu mayiiñuu jutyu chachillaya jayun juu dechuve; entsalaa iba bene fiba jali pana nenu detsuve, Dioschi tsaikutyanuu deju' mitya.

Apocalipsis 3:7

Filadelfia pebulubi kerangue' waku wakudimula' anjeenu piiketu entsandide: Dioschin juu ruku, naakenu pa'ba tsangue ura' kemu, rei David' llavi tanamu ruku, matyu yaren juukishu juntsaa muba mallu'nu jutyu, tsenmin yaren mallu'shu juntsaa muba majuukenu' jutyu jumu, keranguemulanu entsandive: