Zyozuwe 9:1 - Cebaara Bible 2010

¹ Lǎli ni Zyuridɛn canʔajeemɛ fanʔafɔbèle myɛ kéeli bee lóʔo lè, pe lè nyanbeleyi kúlo fànʔafɔɔlɔ, ní tɛɛfiigi, ní Sólomi Lòkpɔʔɔ nyɔ́ɔ fànʔafɔɔlɔ, nlaa n sáà sígi Liban na, pe nyɛ lè Hɛti ye, ní Amɔri ye, ní Kanaan ye, ní Perezi ye, ní Hɛvi ye, ní Yebusi ye,

Zyozuwe 9:1 Iomraidhean Croise

2 Samyɛli 24:7

A be kári Tiiri tɛɛnirigi ma, ní Hɛvi ye, ní Kanaan ye kěyi myɛ ma. A be sáà gi kwɔ́ɔ Zyuda wòrogulo kàbangi na, Bɛɛri-Syeba ma.

Yirile 23:23

Mii nyɛ̀ʔɛni tunduɔn a kári ní mɔ ní sa lége Amɔri ye tári, ní Hɛti ye wóri, ní Perezi ye wóri ni, n fàra Kanaan yé, ní Hɛvi ye ní Yebusi ye wóri na. Mii a bele bee myɛ kálagi péw.

Yirile 23:31

Mii a mɔ láʔagologi yaʔa gi séli Nyɛnɛri solomɔ lɔ́ʔɔ na si kári sa láʔa Filisitini tári solomɔ lɔ́ʔɔ na, si ní láa yaà fìími tára na bi kári sa nan Ufurati cábigi na. Níì cán mii a tári syɛ̀ɛnnɛ le mɔ kɔ́yi ni, mɔ a be nɛnɛ yirige yaà miyɛɛ yɛ́ʔɛ ma.

Yirile 3:17

Mii si n jo: Mii a yele yirige Ezyipiti ni, beè yele nyɛ lè fɔ̀rɔgi ni bi kári ní yele ní Kanaan ye, ní Hɛti ye, ní Amɔri ye, ní Perezi ye, ní Hɛvi ye, ní Yebusi ye tári ma, táraa ma, dee di nyìn nɔ́nɔw, ní sárigi na ni fóo lè.›

Yirile 34:11

Gee mii nyuu ni gbàngí mɔ ma lè gee níjanʔa, ki n yɛlɛ mi yákirii yaʔa gi na. Koro gi nyɛ mii a Amɔri ye, ní Kanaan ye, ní Hɛti ye, ní Perezi ye, ní Hɛvi ye, ní Yebusi ye nɛnɛ bi yirige yaà mɔ yɛ́ʔɛ ma.

Córolo 13:29

Amalɛki ye i nyɛ tári wòrogulo kàbangi na. Hɛti ye, ní Yebusi ye, ní Amɔri ye si i nyɛ nyanbeleyi kúlo ni, Kanaan ye si i nyɛ wodɛ́ɛnbéle ní sólomi lɔ̀ʔɔ nyɔ́ɔ na, ní Zyuridɛnw nyɔ́ɔ na.»

Córolo 34:6

Sólomi Lòkpɔʔɔ ki a pye yele canʔajeemɛ kabangi láʔagologo.

Làlwaw Kaanziin 1:7

Ye kolo ye kàri yaa syée, ye sɔ̀lɔ Amɔri ye nyanbeleyi kúlo ma, ní be taana tátɛɛyi myɛ ni, ní tɛɛfiigi ni, ní nyanbeleyi na, ní tìgimi tára ni, ní wòrogulo kàbangi na, ní Sólomi Lɔ̀ʔɔ nyɔ́ɔ na, ní Kanaan ye tári ma, ní Liban ma, fwɔɔ bi sa nan cábikpɔɔgi na, ki lè Ufurati.

Làlwaw Kaanziin 3:25

Mii i mɔ nyɛ́ɛri, mii i caa bi jeli kári sa tácǎnri bee nyaa, ti lè Zyuridɛn jeligɔgee na, nyanbeleye kúlo tácǎnri bee, ní Liban.›

Làlwaw Kaanziin 4:49

Ní Araba tɛ́ɛgi myɛ Zyuridɛn canʔafolomɔ ma, níì kári n sáà láʔa Araba Sólomi Lɔ́ʔɔ na, Pisiga nyanbelegi tìgimɛ ni.

Làlwaw Kaanziin 7:1

«Lǎli ni Yawe mɔ Kolocɔlɔw ga sáà mɔ lége lè tári ni, dee ni mɔ a sa jée lè bi di syɔɔ taa, níì syɛɛnfeleyi nɛnɛ mɔ yɛ́ʔɛ ma, yee yi nɛʔɛ lè, yi lè Hɛti ye, ní Giirigasi ye, ní Amɔri ye, ní Kanaan ye, ní Perezi ye, ní Hɛvi ye, ní Yebusi ye, syɛɛnfeleyi kɔrɔsiin, yee yi nɛʔɛ á yi fangi nɛʔɛ n sɔ̀lɔ mɔ wógi na lè,

Zyozuwe 1:15

fwɔɔ bi taa Yawe í sa ŋɔ́ndaala kaan yele senyɛnbèle ma àmɛɛ wi li kaan yele ma lè, pé wɔ́ɔ tári fáliga taa, dee Yawe yele Kolocɔlɔw a kaan be ma lè. Koro kàdoʔo ma tári di lè yele wóri, toro dee Yawe falipyew Mowizi kaan yele ma lè Zyuridɛn jeligi naa na canʔafolomɔ ma, yele a náa lúru pan ba tɛ́ɛn di ni.»

Zyozuwe 1:4

Yele tári láʔagoloyo a séli fìími tára na bi fala Liban ma wi yaà lè wee, si kári fwɔɔ bi sa nan cabikpɔɔgi na ki lè Ufurati cábigi, gee bee n joo Hɛti ye tári myɛw fwɔɔ bi kári sa nan Sólomi Lòkpɔʔɔ na canʔajeemɛ ma.

Zyozuwe 10:23

Kánmi bee na pe gi kpéʔele n sáà fànʔafɔbèle bee kagunɔ yirige fálaweegi ni n pan wi ma. Poro be nyɛ Zyerusalɛmi fànʔafɔw, ní Heburɔn fànʔafɔw, ní Yarimuti fànʔafɔw, n fàra Lakiisyi fànʔafɔw, ní Egulɔn fànʔafɔw na.

Zyozuwe 11:17

A wi fànʔa taa tári bee fànʔafɔɔlɔ myɛ na, níì be kpóo nlaa yaà nyanbewaagi na gi nyɛ lè Seyiiri kàbangi na fwɔɔ n sáà nan Baali-Gadi na, Liban jǐnlɔgi ni ki nyɛ lè nyanbelegi tìgimɛ ni ki lè Hɛrimɔn.

Zyozuwe 13:5

Gibilii ye tári, ní Liban canʔafolomɔ kabangi myɛ, nlaa Baali-Gadi tári ma yaà nyanbelegi tìgimɛ ni ki lè Hɛrimɔn, níì kári fwɔɔ n sáà nan Lebo-Hamati na,

Zyozuwe 15:12

Sólomi Lòkpɔʔɔ lógbê wi pye canʔajeemɛ kabangi láʔagologo. Yoro yi pye Zyuda yòdaʔayi láʔagologo kàbanyi myɛ na n yɛlɛ ní be túluyi ní.

Zyozuwe 22:4

Tɔ́ɔliw ni àmɛɛ Yawe yele Kolocɔlɔw ŋɔ́ndaala kaan yele senyɛnbèle ma n yɛlɛ ní syɛ́ɛnri ní wi da joo be ma lè, ye kólogi láa ye lúru yaa syée yele kpaaya ma, ye sa tɛ́ɛn tári ni, dee Yawe falipyew Mowizi kaan yele ma lè Zyuridɛnw canʔafolomɔ ma.

Zyozuwe 22:7

Mowizi maa kɔrigɔ kaan Manase syɛɛnfelegi tílawaa ma Basyan ni, á Zyozuwe baa kàa kaan tílawee ma be senyɛnbèle bele nínge ni Zyuridɛnw jelige na canʔajeemɛ kabangi na. Lǎli ni Zyozuwe be lúrugo n tórigo paa syée be kpaaya ma lè, a wi dùba kpéʔele be ma

Zyozuwe 23:4

Ye wéle, syɛɛnfeleyi bee wozanya yi kòro lè n séli yaà Zyuridɛnw na, ní yee myɛ mii kálagi n kwɔ́ɔ lè péw fwɔɔ n sáà nan Sólomi Lòkpɔʔɔ na canʔatoomɔ ma, mii n yee bee myɛ tára lɛɛ yele na gɔ̌nw wáala báriga ni a di pye yele Isirayɛli ye syɛɛnfeleyi kɔ́rigɔ.

Zyozuwe 24:11

A yele Zyuridɛnw jeli n sáà nan Zyeriko na. A Zyeriko ye kapɛɛnnɛ kpúmɔn ní yele ní n fàra Amɔri ye, ní Perezi ye, ní Kanaan ye, ní Hɛti ye, ní Giirigasi ye, ní Hɛvi ye,ní Yebusi ye na. A mii be le yele kɔ́yi ni.

Zyozuwe 3:10

A Zyozuwe jo: «Gee naa a gi tɛ̀ɛn yele na yele í gi cán bi cán Kolocɔlɔɔ woweew i nyɛ yele níngi ni, si wɔ́ɔ gi cán bi cán wi a tɔ̀nɔ́ syɛ́ɛnbèle naa nɛnɛ yele yɛ́ʔɛ ma, poro bele be nyɛ lè Kanaan ye, ní Hɛti ye, ní Hɛvi ye, ní Perezi ye, ní Giirigasi ye, ní Amɔri ye, n fàra Yebusi ye na.

Zyozuwe 3:17

Sáriga-wòlobèle pe da Yawe joogaanni kásu láa lè, a poro sámaga n yére tɛɛwaagi ni n kòro nya Zyuridɛnw nínge ni. A Isirayɛli ye myɛ i sɔ̀lɔ́ tɛɛwaagi ni fwɔɔ n taa a syɛɛnfelegi myɛ baa sɔ̀lɔ n kwɔ́ɔ n Zyuridɛnw jeli.

Zyozuwe 5:1

Amɔri ye fànʔafɔbèle myɛ be pye lè Zyuridɛn jeligi na canʔajeemɛ ma n fàra Kanaan ye fànʔafɔbèle myɛ na be pye lè Sólomi Lòkpɔʔɔ nyɔ́ɔ na, a pe ga gi lóʔo Yawe n Zyuridɛnw waʔa Isirayɛli ye yɛ́ʔɛ ma fwɔɔ n taa a be sɔ̀lɔ, zɔ̀n ga níì pye be ni í, a fyáari be cò Isirayɛli ye yɛ́ʔɛ ma.

Zyozuwe 6:27

Yawe maa pye ní Zyozuwe ní, woro wee mɛ́ʔɛ ki da yiri lè tári myɛ ni.

Zyozuwe 9:7

A Isirayɛli nǎnbèle si Hɛvi ye yari: «Dɔ̀ʔɔ́ yele tɛɛkòrogi i nyɛ nɛɛ naa wolo taana. Ki ga pye nya, mɛ̀ɛ́ wolo a gbǎn joogaanna kpéʔele ní yele ní bi sɛ́ɛ?»