Zyozuwe 8:4 - Cebaara Bible 2010

⁴ níì gi joo n gbàn be ma níì be pye: «Ye kɔ̀rɔsíi! Ye sa làra kěgi kàdoʔo ma, ye gi sige. Yele a kɔ́ léeli kěgi na cama í. Ye myɛ si n yɛlɛ ye pye wogboʔoro-yaʔabéle ní.

Zyozuwe 8:4 Iomraidhean Croise

2 Fànʔafɔbèle 7:12

A fànʔafɔw yìri yébiligi ni n gi joo wi falipyebèle ma níì jo: «Gee Sirii ye tímana ní wolo ní lè, mii a gi tɛ̀ɛn yele na. Amɛɛ pe gi cán lè kateegi i nyɛ wolo na, koro na be yìri tɛɛ̀tɛ́ɛngi ni n làra sìnbirigi ni, ní i gi nyuu peyɛɛ ma níì jo: ‹Pe ga yiri kěgi ni, wolo a be taa cò woweebèlē ní si jée kěgi ni.› »

2 Cányi kèlē 13:13

Zyerobowami maa kapɛɛnkpumɔnbèle pèle làriga Zyuda ye kàdoʔo ma, wi kapɛɛnkpumɔnbèle bele si i nyɛ pe yɛʔɛ̀ ma, wolarigabèle si i nyɛ be kàdoʔo ma.

Syɛɛnjóow 7:19

Sícilimi i sícilio nìrí n sɔ̀lɔ kùndigibéle kɛɛ na be nyɛ lè kàʔa nibin ni.

Syɛɛnjóow 9:16

A mii si jo: Sícilimi n pɔ́rɔ n sɔ̀lɔ fǎngi na. Kàjáa pe i fɔ̀ngɔfɔw sícilimɛ faari, syɔɔn o wi syɛ́ɛnri córo í.

Kapyegèle 23:21

Ki si ga yɛlɛ mɔ í be syɛ́ɛnri lóʔo í, níì cán poro pèle i yaà ni wi sige, pe n nɛʔɛ n sɔ̀lɔ syɛ̀ɛnnɛ togoye siin na, pe n kàli n le peyɛɛ na níì jo, poro a lìi í, poro a wɔ́ɔ gbaa í bi taa poro í Pɔli taa kpóo. Tɔ́ɔliw ni pe n sámaga n kwɔ́ɔ yaà, níì kòro ni líiyi cáan naa mɔ ma.»

Zyozuwe 8:16

A be kěgi syɛ̀ɛnnɛ myɛ yeri n yirige jàngó be taʔa be na da nɛnɛ. A pe baa léeli kěgi na.

Zyozuwe 8:3

A Zyozuwe yìri ní wi kapɛɛnkpumɔnbèle myɛ ní n lúgu n kári Ayi ma. Zyozuwe si maa kapɛɛnkpumɔn-sànbalibèle pèle sirakama ní selebingéle kagunɔ nyɛ́nɛ n wòlo be ni n tórigo yaà yébiligi ni,

Jàbɔbèle 20:29

A Isirayɛli ye pèle làriga n Gibeya màʔa.

Jàbɔbèle 20:33

A Isirayɛli nǎnbèle myɛ fala n sáà peyɛɛ zámaga Baali-Tamari ma. Isirayɛli wóbèle bele pe da pye wolarabéle ní lè, a poro tìn n yiri be tɛɛlaragi ni Geba tɛɛfiigi kàbaan na.

Jàbɔbèle 20:36

A Bɛnzyamɛ yòdaʔayi gi nyaa pe n poro jáa. Isirayɛli nǎnbèle maa tɛɛgaa yaʔa Bɛnzyamɛ ye ma, níì cán pe maa be sɔ̀ngumi taʔa bele na poro da làriga Gibeya kánmi na lè.

Jàbɔbèle 9:25

A Sisyɛmi mɛ́ɛyi fɔ̀ɔlɔ syɛ́ɛnbèle pèle làriga wi kánmi na nyanbeleyi ǹjoyo ni, a poro i tuun syɛ́ɛnbèle na ni be kɔlɔ̀ yáriri syoo, poro bele myɛ pe da ni sɔ̀lɔ́ be taana lè kólogi ni. A gee bee baa joo Abimelɛki ma.

Jàbɔbèle 9:32

Koro na yìri tɔ́ɔliw ni yébiligi ni ní syɛ́ɛnbèle bele ní pe yaà ní mɔ ní lè, ye ba làra ye sige sìnbirigi ni.

1 Samyɛli 15:2

Yawe wi lè Nyɛ̀ʔɛni Sùlasiibéle Kafɔlɔ, wi n jo: ‹Mii a keele tɛ́ʔɛ Amalɛki ye na gee kéele na be kpéʔele Isirayɛli ye na lè, lǎli ni be yiri Ezyipiti ni ni maa lè, á pe baa kólogi tɔ́n be na.

1 Samyɛli 15:5

A Sawuli kári fwɔɔ n sáà nan Amalɛki kěgi na níì làra n sige jǐnlɔgi ni.