Zyozuwe 8:2 - Cebaara Bible 2010

² Gee mɔ kpéʔele Zyeriko, ní wi fànʔafɔw na lè, koro mɔ a kpéʔele Ayi, ní wi fànʔafɔw na, kàjáa yele a wi lɔ́ri ní wi yaweeri koli bi kòro ní di ní. Ki si n yɛlɛ mɔ í sa syɛ́ɛnbèle pèle làriga kěgi kàdoʔo ma.»

Zyozuwe 8:2 Iomraidhean Croise

2 Cányi kèlē 13:13

Zyerobowami maa kapɛɛnkpumɔnbèle pèle làriga Zyuda ye kàdoʔo ma, wi kapɛɛnkpumɔnbèle bele si i nyɛ pe yɛʔɛ̀ ma, wolarigabèle si i nyɛ be kàdoʔo ma.

2 Cányi kèlē 20:22

Lǎli ni be ŋúnuyi ŋùunɔ, ní sòololi séli lè, a Yawe pèle làriga n Amɔn ye, ní Mowabi ye, ní Seyiiri nyanbelegi wòolo sige, poro bele be pan Zyuda ye kánmi na lè, a pe be jáa.

Ŋúnuyi 39:6

Wéle, mɔ n mii sìíw canya pye kadatɛɛ̀ kánma, mii sìíw canya kánma o nyɛ yafyɛn mɔ nyɛ́nɛ na í. Kányɛʔɛ na syɔɔn o syɔɔn wi yìri lè, wi i nyɛ nyɔɔ káfalaga yagana.

Kàseegèle 13:22

Syɛɛncaɔn i kɔrigɔ yaari wi pìinyanbiiyi ma, syɛɛnpeew lɔ́rɔ si i kɔngi ni yaari syɛɛnsinw ma.

Kàseegèle 28:20

Wee wi nyɛ lè tágala syɔ́ɔn, wi a dùba saʔa taa. Kàjáa wee wi fungo wáriga taali kurugo lè, wi a kòro wɔʔɔgɔ sìndaa ni í.

Zyeremii 17:11

Syɔ́ɔnwee wi lɔ́ri taagi lè sìnzinmɛ na, wi i nyɛ móō sìndyoò wii, wee wi kùru lè cɛ̀nɛ na, gele ge lè woro ban wi ge cáan í. Wi a fɔ̀n di ni wi cányi nínge ni, wi kwɔ́ɔmi na, wi a pye nilabalaga.

Zyeremii 51:12

Ye dirapo yìrige Babilɔni tǒbèle kánma na! Ye kàa fàra kpaàwelebèle na, ye kɔ̀rɔsiifɔɔlɔ télege, ye pèle làriga paa sigi. Níì cán kakɔrirɔlɔ i nyɛ Yawe ma, gee wi joo Babilɔni ye kánmi na lè, wi i gi forogi.

Làlwaw Kaanziin 2:35

Kěyi wolo syɔɔ n taa lè, a wolo yi yaweeri, ní yi lɔ́ri yagana koli n pye woyɛɛ wóro.

Làlwaw Kaanziin 20:14

Kàjáa cébèle, ní pìíbèle, ní yaweeri, n fàra kěgi fúngo yárira myɛ na, yakoliri mɔ ga taa mɔ nigoobèle ni lè, bele Yawe mɔ Kolocɔlɔw le mɔ kɔ́yi ni lè, mɔ a di lìi.

Làlwaw Kaanziin 3:2

A Yawe mii pye: ‹Mɔ a kɔ́ ra fɛ̀ɛgí wi na í. Níì cán mii n wi le mɔ kɔ́yi ni, woro ní wi syɛ́ɛnbèle myɛ, ní wi tári ní. Mɔ a wi pye àmɛɛ mɔ Amɔri ye fànʔafɔw Sihɔn pye lè, woro wee wi pye lè wodɛ́ɛɔn ní Hɛsyibɔn ni.›

Zyozuwe 10:1

Adoni-Sedɛki wi pye lè Zyerusalɛmi fànʔafɔw, wi maa gi lóʔo àmɛɛ Zyozuwe fànʔa taa Ayi na lè, níì gi syɛ́ɛnbèle myɛ kálagi n kwɔ́ɔ lè. Gee wi kpéʔele Zyeriko ní wi fànʔafɔw na lè, koro wonijangi wi wɔ́ɔ̀ kpéʔele Ayi ní wi fànʔafɔw na. A wi wɔ́ɔ̀ gi lóʔo Gabaɔn ye n kári n sáà bɛ̀ɛlɛ caa Isirayɛli ye ma níì kòro be níngi ni.

Zyozuwe 10:28

Cángi bee wonijanga na Zyozuwe fànʔa taa Makeda na, níì ŋɔséew tɛ́ʔɛ n gi jaa, níì gi fànʔafɔw kpóo n fàra gi syɛ́ɛnbèle myɛ na, wi ga pe wàa faala yaʔa a wi syɔɔ í. Gee wi kpéʔele Zyeriko fànʔafɔw na lè, koro wonijangi wi kpéʔele Makeda fànʔafɔw na.

Zyozuwe 11:14

Isirayɛli ye si maa kěyi bee yarira koli n fàra yi yaweeri na n kòro ní di ní. Kàjáa pe maa syɛ́ɛnbèle myɛ kpóo n kwɔ́ɔ ní ŋɔséew ní. Yala o yala li ŋɔ́ngi lè pe ga li làa yaʔa í.

Zyozuwe 6:21

Yáriri myɛ di pye kěgi ni lè, a be ŋɔséew tɛ́ʔɛ n di kálagi n kwɔ́ɔ péw, gee bee n jo nǎnbèle, ní cébèle, ní pìíbèle, ní wolɛɛbèle n fàra yaweekpologèle ní yaweeyiligèle, ní jòfanibèle na.

Zyozuwe 8:12

A Zyozuwe nànbēle selebingéle siin ní saala kagunɔ félege kɔ́ri n làriga kěgi canʔajeemɛ ma Betɛli ní Ayi níngi ni.

Zyozuwe 8:14

Lǎli ni Ayi fànʔafɔw gee bee nyaa lè, a woro ní wi syɛ́ɛnbèle myɛ sɔ̀li n yìri kelekele. A woro ní kěgi nànbēle yiri n yɛlɛ ní fɛ̀ɛ́w ní wi kaan lè ni Isirayɛli ye fàrá bi sa kapɛɛnni kpúmɔn ní be ní Araba zǐnmi na. Wi si da gi cán ncan pèle i yaà n làra n woro sige kěgi kàdoʔo ma í.

Zyozuwe 8:19

Lǎli ni wi kɔ́gi sánʔa lè, nǎnbèle pe da làra ni sige lè, a poro fùru n yiri be tɛɛlaragi ni n fàn n jée kěgi ni n gi syɔɔ n taa, níì náagi le gi na kelekele.

Zyozuwe 8:24

Lǎli ni Isirayɛli ye Ayi ye myɛ kpóo n kwɔ́ɔ ní ŋɔséew ní fìími tára ni lè, beè pe da yiri n taʔa Isirayɛli ye na ni nɛnɛ lè, a Isirayɛli ye myɛ lúru n pan Ayi ma n baa ŋɔséew tɛ́ʔɛ n kěgi syɛ̀ɛnnɛ myɛ kpóo.

Zyozuwe 8:3

A Zyozuwe yìri ní wi kapɛɛnkpumɔnbèle myɛ ní n lúgu n kári Ayi ma. Zyozuwe si maa kapɛɛnkpumɔn-sànbalibèle pèle sirakama ní selebingéle kagunɔ nyɛ́nɛ n wòlo be ni n tórigo yaà yébiligi ni,

Zyozuwe 8:7

yele si fùrú yiri tɛɛlaragi ni bi kěgi syɔɔ taa. Yawe yele Kolocɔlɔw a gi le yele kɔ́yi ni.

Zyozuwe 8:8

Lǎli ni yele ga kěgi taa n cò lè, ye naà le gi na. Ye gi pye ye yɛlɛ ní Yawe syɛ́ɛnri ní. Ye kɔ̀rɔsíi! Mii n gi joo n gbàn yele ma.»

Zyozuwe 8:9

A Zyozuwe be tórigo, a be kári n sáà làra kapɛɛnni kánma na Betɛli ní Ayi níngi ni, Ayi canʔajeemɛ kabangi na. Zyozuwe si maa syɔ́ɔn ní kapɛɛnkpumɔn-sànbalibèle ní yébiligi bee ni.

Zyozuwe 9:3

Gee Zyozuwe kpéʔele lè Zyeriko ní Ayi na, a Gabaɔn ye wɔ́ɔ̀ gee bee lóʔo.