Zyozuwe 8:1 - Cebaara Bible 2010

¹ A Yawe Zyozuwe pye: «Mɔ a kɔ́ ra fɛ̀ɛgí í, zɔ̀nviige a kɔ́ ra mɔ kɔɔn í. Kapɛɛnkpumɔnbèle myɛ kɔ́ri mi yìri maa syée Ayi kánmi na. Wéle, mii n Ayi fànʔafɔw, ní wi syɛ́ɛnbèle, ní wi kěgi, ní wi tári le mɔ kɔ́gi ni n kwɔ́ɔ.

Zyozuwe 8:1 Iomraidhean Croise

Ŋúnuyi 27:1

Davidi ŋúnugi. Yawe wi nyɛ mii gbɛ̀ɛ́nmi, ní mii syɔɔli, wìí na mii a ní da fɛ̀ɛgí? Yawe wi nyɛ mii sìíw tɛɛlàraga, wìí na mii a ní fyáa?

Ŋúnuyi 44:3

Mɔ n syɛɛnfeleye nɛnɛ n yirige yaà ní mɔ kɔ́gi ní, níì be télege. Mɔ n syɛɛnfeleye kálagi, níì be yaʔa be sínɛ sánʔa.

Ŋúnuyi 46:11

Wi n jo: «Ye yére, ye gi cán mii wi nyɛ Kolocɔlɔɔ, mii wi nyɛ syɛɛnfeleyi nyúngo na, mii wi nyɛ tári nyúngo na.»

Ezayi 12:2

Ye mii syɔɔli Kolocɔlɔɔ wéle wee, mii sɔ̀ngumi n tɛ́ɛn, mii a ra fɛ̀ɛgí í. Níì cán Yawe, Yawe tiimaa wi nyɛ mii bárigaw, ní mii ŋúnugi. Woro wi nyɛ mii syɔɔli.»

Ezayi 43:2

Mɔ ga ni lǒyi jeligi lǎli ni lè, mii a pye ní mɔ ní, ní cábiyi, yi a tée mɔ wáa í. Mɔ ga ni táanri náagi ni, mɔ a miyɛɛ sórigo gi ni í, naanyǐngi a mɔ sórigo í.

Zyeremii 46:27

«Mɔ si na mii falipyew Zyakɔbi, mɔ a kɔ́ ra fɛ̀ɛgí í. Mɔ a kɔ́ ra cɛ̀lɛ́ í, Isirayɛli! Níì cán wéle, mii a mɔ syɔɔ bi yirige yaà táleelire ni, ní mɔ yodaʔayi, bi yi yirige yaà táree ni yi nyɛ lè púlori ni. Zyakɔbi a ní lúru pan, wi a ba pye ŋɔ́ndaala na, si wɔ́ɔ tɛ́ɛn sági, syɔɔn faala a ní pye yaà bàā wi tɔ́ɔrɔ í.

Zyeremii 49:3

«Hɛsyibɔn, da cɛ́ɛn, níì cán Ayi n kálagi! Araba calipiigèle, yaa sùpiigèle wáa, ye gɔ̀nvaʔaya le buroyo, yaa kùugo nyɛnigɛ kpéʔele, yáā fé yaa máari tǒbèle sɔ́lɔgɔmɔ ni! Níì cán Milikɔmi n cò ni syée n fàra wi sáriga-wòlobèle, ní wi syɛɛnkpolobèle na.

Danyɛli 2:21

Woro wi làrigèle ní kérigèle kàragí. Wi i fànʔafɔbèle cáan, ní wɔ́ɔ i fànʔafɔbèle télegi. Wi i sícilimɛ kaangi sícilibèle ma ní wɔ́ɔ i cánna kaangi kacánbèle ma.

Danyɛli 4:25

A gee bee myɛ baa foro fànʔafɔw Nebukadinezari na.

Matye 8:26

A wi be pye: «Nyàʔá na yele fɛ̀ɛgí? Yele tágali n cɛ́rɛ.» A wi náà yìri n yére níì fúlo káfalagi ní lòkpɔɔgi na. A ti myɛ sámaga n yére.

Làlwaw Kaanziin 1:21

Wéle, Yawe mɔ Kolocɔlɔw n tári tɛ́ʔɛ mɔ yɛ́ʔɛ ma. Lúgu mi sa di syɔɔ mi taa àmɛɛ Yawe mɔ tóolɛɛbèle Kolocɔlɔɔ gi joo mɔ ma lè. Mɔ a kɔ́ fyáa í, zɔ̀nviige a kɔ́ ra mɔ kɔɔn í.›

Làlwaw Kaanziin 31:8

Yawe tiimaa wi táanri mɔ yɛ́ɛgi na, woro wi a pye ní mɔ ní, wi a tée mɔ yaʔa í, wi a mɔ cée í. Mɔ a kɔ́ ra fɛ̀ɛgí í, zɔ̀nviige a kɔ́ ra mɔ kɔɔn í.»

Làlwaw Kaanziin 7:18

Mɔ a kɔ́ fyáa yi na í. Gee Yawe mɔ Kolocɔlɔw kpéʔele Faraɔnw ní Ezyipiti myɛw na lè, sɔ̀ngi mi taa gi na.

Làlwaw Kaanziin 7:21

Mɔ a kɔ́ ra fɛ̀ɛgí be kéeli na í, níì cán Yawe mɔ Kolocɔlɔw i nyɛ yele níngi ni, woro wi nyɛ Kolocɔlɔɔ wi lè wogbɔɔw, ní i nyɛ fyáara yáriga.

Zyozuwe 1:9

Mii ban wi gi joo n gbàn mɔ ma ì níì jo ki n yɛlɛ mi nìrimɛ le, mí lòmaana le ì? Mɔ a kɔ́ ra fɛ̀ɛgí í. Zɔ̀nviige ga yɛlɛ kaa mɔ kɔɔn í, níì cán tɛʔɛ o tɛʔɛ ni mɔ ga kári lè, mii Yawe mɔ Kolocɔlɔw i nyɛ ní mɔ ní.»

Zyozuwe 10:7

A Zyozuwe yiri Giiligali ni n kári, woro ní wi kapɛɛnkpumɔnbèle, ní wi kapɛɛnkpumɔn-sànbalibèle myɛ ní.

Zyozuwe 10:8

A Yawe Zyozuwe pye: «Mɔ a kɔ́ ra fɛ̀ɛgí be na í. Níì cán mii n be le mɔ kɔ́yi ni. Pe wàa a gbǎn fànʔa taa bi yére mɔ sige í.»

Zyozuwe 2:24

Pe n baa gi joo Zyozuwe ma níì jo: «Kányɛʔɛ na Yawe n tɔ̀nɔ n tári myɛ le wolo kɔ́yi ni. Tári syɛ̀ɛnnɛ myɛ báriga n tɔ̀nɔ n kwɔ́ɔ wolo yɛ́ʔɛ ma.»

Zyozuwe 6:2

A Yawe Zyozuwe pye: «Wéle, mii n Zyeriko, ní gi fànʔafɔw, ní gi kapɛɛnkpumɔn-sànbalibèle le mɔ kɔ́yi ni.

Zyozuwe 7:9

Kanaan ye ní tári syɛɛnsanbèlē a gi lóʔo si pan ba wolo màʔa bi wolo mɛ́ɛgi kwɔ́ɔ bi yirige péw tári ni. Lǎli bee ni nyàʔá mɔ a kpéʔele mɔ mɛ́ɛkpɔɔgi kéele na?»