Zyozuwe 7:9 - Cebaara Bible 2010

⁹ Kanaan ye ní tári syɛɛnsanbèlē a gi lóʔo si pan ba wolo màʔa bi wolo mɛ́ɛgi kwɔ́ɔ bi yirige péw tári ni. Lǎli bee ni nyàʔá mɔ a kpéʔele mɔ mɛ́ɛkpɔɔgi kéele na?»

Zyozuwe 7:9 Iomraidhean Croise

Ŋúnuyi 115:1

Wolo na ban í, Yawe, wolo na ban í, kàjáa kpɔ́ʔɔri taʔa miyɛɛ mɛ́ɛgi na mɔ funjǎngi ní mɔ kányɛɛgi báriga ni.

Ŋúnuyi 48:10

Ee Kolocɔlɔɔ, bi wolo yaʔa mɔ kpɔʔɔrɔli kpaʔa nínge ni, wolo i sɔ̀ngí mɔ funjǎngi kéele na.

Ŋúnuyi 79:9

Ee Kolocɔlɔɔ, mɔ wi lè wolo Syɔɔfɔw, wolo dɛ̀ɛmɛ mɔ mɛ́ɛgi nìjangbɔɔrɔ kéele na! Wolo syɔɔ mí wolo kapeegèle kùsulugo syɔɔ mɔ mɛ́ɛgi kéele na!

Ŋúnuyi 83:4

Pe i bɛ̀ɛgí jànvaawaa na mɔ syɛ́ɛnbèle kánma na, ní i peyɛɛ nyaagi ni nyuu be kánmi na, bele kpáa mɔ wéle lè.

Ŋúnuyi 83:5

Pe i gi nyuu níì jo: «Yaa maa wo ba be kwɔ́ɔ wo yirige yaà syɛɛnfeleyi nínge ni, syɔɔn a ní kɔ́ sɔ̀ngí taa Isirayɛli mɛ́ɛgi na í!»

Yirile 32:12

Nyàʔá na gi yɛlɛ Ezyipiti ye í kɔ́ gi taa bàā nyuu si jo: ‹Pe kálagila kéele na wi be yirige yaà koro ga pye bi sa be kpóo nyanbeleyi kúlo ni, bi be kálagi kwɔ́ɔ péw tásaligi na?› Ki n yɛlɛ mi mɔ fundanʔari gbànma yaʔa, mɔ syɛ́ɛnbèle yaʔa sìngalagi ni.

Ezekyɛli 20:9

Koro ní ki myɛ ní mii n gi pye mii mɛ́ɛgi kéele na jàngó ki a kɔ́ pye yafaʔaga syɛɛnfeleyi nyɛ́nɛ na, yee nínge ni pe da pye lè í, yoro yee nyɛ́nɛ na mii da niyɛɛ dɛ̀ɛn be na jàngó bi be yirige Ezyipiti tári ni lè í.

Zyowɛli 2:17

Yawe falipyebèle be lè sáriga-wòlobèle, ki n yɛlɛ paa nyaan kpáali ní sáriga-wòlo-yafaangi lariga ni, Páā gi nyuu si jo: «Yawe, mɔ syɛ́ɛnbèle syɔɔ! Mɔ a kɔ́ mɔ kɔ́rigi kaan faʔari ma í, ki pye syɛɛnfeleyi kàseewaa-yáriga í. Nyàʔá na gi yɛlɛ bi kɔ́ ra nyuu syɛɛnfeleyi nínge ni si jo: ‹Sán be Kolocɔlɔw nyɛ?› »

Misye 7:10

Mii nigoow a gi nyaa, fɛ̀ɛrɛ si wi tɔ́n, woro wee wi da ni gi nyuu mii ma lè níì jo: «Sán Yawe mɔ Kolocɔlɔw nyɛ?» Mii nyapiigèle a taʔa nigoow na. Tɔ́ɔliw ni pe n wi tánʔana ní tɔ́lɔyi ní àmɛɛ kàlari-kóloyi fáriga nyɛ lè.

Córolo 14:13

A Mowizi gi joo Yawe ma níì jo: «Kàjáa Ezyipiti ye a kéeli bee lóʔo, poro bele nínge ni mɔ syɛ́ɛnbèle naa yirige lè mɔ fangi báriga ni.

Zyan 12:28

Mii Tóow, nìjangbɔɔri taʔa mɔ mɛ́ɛgi na!» Lǎli bee ni a wi yákpolo lóʔo nyɛ̀ʔɛni na, a li jo: «Mii n sélì nìjangbɔɔri taʔa gi na, mii si a ní di taʔa gi na.»

Làlwaw Kaanziin 9:28

Koro ga pye syɛ́ɛnbèle bele tára ni mɔ wolo yirige lè, poro a kɔ́ gi taa bàā nyuu si jo: Táree nyɔ́ɔ Yawe da fàli be ma lè wi da pye bi gbǎn be lége di ni wii í, a be kéeli da wɔ́ɔ̀ wi bɛɛn wii, koro na wi be kɔ́ri n yirige jàngó bi sa be kpóo fìími tára ni.

Zyozuwe 7:10

A Yawe Zyozuwe pye: «Yìri! Nyàʔá na mɔ too n yɛ́ɛgi cíbele tári na n kòro nya?

Zyozuwe 7:8

Ee Kàfɔw, nyàʔá mii a joo àmɛɛ Isirayɛli ye kàdoʔo kaan tɔ́ɔliw ni pe nigoobèle ma lè?

1 Samyɛli 12:22

Yawe a wi syɛ́ɛnbèle yaʔa í wi mɛ́ɛkpɔɔgi kéele na. Níì cán ki n Yawe dɛ́nɛ a wi yele kpéʔele woro syɛ̀ɛnnɛ.