Zyozuwe 7:6 - Cebaara Bible 2010

⁶ A Zyozuwe wi búroyi sulugu níì too n yɛ́ɛgi cíbele tári na Yawe kásuw yɛ́ʔɛ ma fwɔɔ n baa nan cângwɔɔgi nyɔ́ɔ na, n fàra Isirayɛli wolɛɛbèle na, á be támiigi wo peyɛɛ nyúnyi ni.

Zyozuwe 7:6 Iomraidhean Croise

Sélimɛ 37:29

Lǎli ni Wurubɛn lúru n pan wéegi ma lè, koro n gi taa Zyozɛfu da níì pye yaà gi ni í, a wi wiyɛɛ búroyi sulugu.

Sélimɛ 37:34

Lǎli bee ni a Zyakɔbi wi búroyi sulugu níì gɔ̀nvaʔaga tɛ́ʔɛ n wiyɛɛ bwɔɔ sárigèle ni ní i wi jáaw kùugo nyɛnigɛ kpéʔele n canya saʔa kwɔ́ɔ.

2 Samyɛli 1:11

A Davidi wiyɛɛ búroyi cò n sulugu. Nǎnbèle myɛ be pye ní wi ní lè, a poro ki wonijangi kpéʔele.

2 Samyɛli 1:12

Pe n pye kùu káyaʔa na ní i nyaan níì súnw le fwɔɔ n baa nan cângwɔɔgi nyɔ́ɔ na Sawuli ní wi jáaw Zyonatan kéeli na, ní Yawe syɛ́ɛnbèle, ní Isirayɛli kpáagi wòolo kéele na, poro bele ŋɔséew kpóo n cáan lè.

2 Samyɛli 1:2

Candaanri wógi na, wéle, a nànwaa yìri yaà Sawuli kapɛɛnkpumɔnbèle tɛ́ʔɛ ma n pan. Wi búroyi maa pye wozuluguyo ní, nyǔngi myɛ si i nyɛ támiige. Lǎli ni wi nan Davidi na lè, a wi tìgi n too tári na n wi kpɔ́ʔɔ.

2 Samyɛli 12:16

A Davidi Kolocɔlɔɔ nyɛ́ɛri gbanʔama pìíw kéele na níì súnw le. A wi ga jée, a wi sínɛ n syɔ́ɔn tári na.

2 Samyɛli 13:19

A Tamari cɔnʔɔ wo wiyɛɛ nyǔngi ni, níì felenɛʔɛyɛ burodɔnɔgi sulugu gi pye wi na lè, níì wi kɔ́yi tugo nyǔngi ni ni sùpili wáa ni syée.

2 Samyɛli 13:31

A fànʔafɔw yìri n yére níì wi búroyi sulugu níì tìgi n sínɛ tári na. Wi falipyebèle myɛ maa yére ní búroyi ní wozuluguyo ní.

2 Fànʔafɔbèle 22:11

Lǎli ni fànʔafɔw làlwaw sɛ́bɛ syɛ́ɛnrɛ lóʔo lè, a wi wi búroyi sulugu,

2 Cányi kèlē 34:19

Lǎli ni fànʔafɔw làlwaw syɛ́ɛnrɛ lóʔo lè a wi wi búroyi sulugu.

Ɛsidirasi 10:1

N Ɛsidirasi yaʔa wi i nyaan níì tìgi n too Kolocɔlɔɔ kpáagi yɛ́ʔɛ ma, ní i nyɛ́ɛrigi naa nyɛ́ɛri ní i be kapeeli nyuu ni tèé kánmi naa na a Isirayɛli syɛɛnnɛʔɛmɛ piyɛɛ gbóʔoro wi taana nǎnbèle ní cébèle, ní pìíbèle, a syɛ́ɛnmi tɔ̀nɔ n nyatinnɛʔɛmɛ wo.

Nehemii 9:1

Yégi bee wonijanga ni, ki canya toko ní sicɛrɛ wógi na, a Isirayɛli ye gɔ̀nvaʔaya le buroyo, níì támiigi wo peyɛɛ na, níì kpóʔoro sún lele kéele na.

Ɛsitɛri 4:1

Lǎli ni Maridosye baa ki myɛ cán gee gi kpéʔele lè, a wi wi búroyi sulugu níì gɔ̀nvaʔaga le, níì cɔnʔɔ wo wiyɛɛ na, ní i syée kěgi nínge ni, wi funbɛɛnrɛtɔw si i sùpiigi wáa.

Ɛsitɛri 4:3

Fànʔafɔw kajoolo ní wi sɛ́bɛw ga nan tátɛʔɛ o tátɛʔɛ ní tɛʔɛ̀ o tɛʔɛ̀ na, ki n pye kùu káyaagbɔʔɔ Zyefubèle ma. Pe n súnw le sáā nyaan da peele. Pe saamaw n ni sìnɛ́ gɔ̀nvaʔayi na cɔ́ɔngi ni.

Zyɔbi 1:20

Lǎli bee ni a Zyɔbi yìri n wi burogbɔɔgi sulugu, níì wi nyúngi kùnu, níì tìgi n too tári na, n kpɔ̀ʔɔrɔli kpéʔele,

Zyɔbi 2:12

N be yaʔa léelige, a be nyapiigèle yìrige n le wi ni, pe ga níì wi wéle n cán í. A pe i nyaan ni yákpogèle wáa. A pe be búroyi sulugu ní i támiigi koli ni wáa ǹjogi ni peyɛɛ nyúnyi ni.

Zyɔbi 42:6

Koro na mii n kolomɔ kaan niyɛɛ ma, níì kàdoʔo wáa mii kapeegèle ma, níì tɛ́ɛn támiigi, ní cɔ́ɔngi ni.»

Kayaagi Nyɛnigɛ 2:10

Calipili Siyɔn wólɛɛbèle n tɛ́ɛn tári na n kòro pyèrio. Pe n támiige wo peyɛɛ nyúnyi ni, pe n gɔ̀nvaʔaya le buroyo. Zyerusalɛmi nàngeele sinján pìcaabèle n be nyúnyi jùngu n le tári ni.

Córolo 14:6

Zyozuwe wi lè Nun jáaw, woro ní Kalɛbi wi lè Yefune jáaw, pe da wɔ́ɔ̀ pye lè tásaanribèle ni, a poro peyɛɛ búroyi sulugu,

Córolo 16:22

A be too n yɛ́ɛyi cíbele tári na níì jo: «Ee Kolocɔlɔɔ, mɔ wi lè céri myɛ pìigēle Kolocɔlɔɔ, nàɔn nibin wi kapeeli kpéʔele, mɔ fúngi si tanʔa lé syɛ́ɛnmi myɛ kurugo?»

Kapyegèle 14:14

A pìitunbèle ga gee bee lóʔo pe lè Barinabasi ní Pɔli, a pe be búroyi sulugu, níì fàn n sáà jée syɛ́ɛnmi nínge ni, níì yákpogèle wáa gbanʔama

Zyozuwe 7:7

A Zyozuwe jo: «Ee, Kàfɔw Yawe, nyàʔá na mɔ syɛ́ɛnbèle naa kɔ́ri a be Zyuridɛnw jeli jàngó bi ba wolo le Amɔri ye kɔ́yi ni bi wolo kálagi? Ki mǎà dée caa pɔ́rɔ wolo í kòro yaà Zyuridɛn jeligɔgee na.

Tɛ̀ɛnnɛ 18:19

A be fala ni támiigi koli ni ŋuu peyɛɛ na nyǔnyi ni, àmɛɛ kayaagi nyɛ be ni lè ní i nyaan ni yákpogèle wáa níì jo: «Wɔʔɔlɔ! Wɔʔɔlɔ i nyɛ kèkpɔɔgi na, gee lɔnɛʔɛrɛ báriga ni bàtofanbèle myɛ da be lɔ́ri taa lè, á ki baa kálagi nya lɛ́ɛri nibin nínge ni.»

Jàbɔbèle 11:35

Wi tɛ́nɛ̀ wi nyaa lè, a wi fala n búroyi sulugu wiyɛɛ na níì jo: «Yóò! Nɔ́ɔ̄, mɔ n tɔ̀nɔ n wɔʔɔlɔ taʔa mii na. Mɔ i nyɛ mii wɔʔɔfɔbèle ni, níì cán mii n mii nyɔ́ɔgi fàli Yawe ma, mii si a gbǎn ní gi sàa í.»

Jàbɔbèle 20:23

A Isirayɛli ye lúgu n kári n sa ni nyaan Yawe yɛ́ʔɛ ma fwɔɔ n baa nan cângwɔɔgi nyɔ́ɔ na. A be Yawe yíbe níì jo: «A gi yɛlɛ lé wolo í ní kári sa too wolo senyɛnbèle na pe lè Bɛnzyamɛ yòdaʔayi?» A Yawe be yari: «Yaa syée be kurugo.»

Jàbɔbèle 20:26

A Isirayɛli syɛ́ɛnmi myɛ lúgu n kári Betɛli ma n sa ni nyaan, níì tɛ́ɛn Yawe yɛ́ʔɛ ma yaà. Pe maa súnw le cángi bee fwɔɔ n baa nan cângwɔɔgi nyɔ́ɔ na. A be sáriga-sórigoo ní pínɛnyɛnnɛgɛ sáriga wòlo Yawe yɛ́ʔɛ ma.

Jàbɔbèle 21:2

A syɛ́ɛnmi pan Betɛli ma n baa tɛ́ɛn Kolocɔlɔɔ yɛ́ʔɛ ma fwɔɔ n baa nan cângwɔɔgi nyɔ́ɔ na. Pe maa ni nyaan gbanʔama ni yákpogèle wáa,

1 Samyɛli 4:12

A Bɛnzyamɛ ye nànwaa yìri yaà kapɛɛnni séʔe ma n fàn n pan Silo ma cannijangi na, wi búroyi si i nyɛ wozuluguyo ní, nyǔngi si i nyɛ támiige.