Zyozuwe 7:2 - Cebaara Bible 2010

² A Zyozuwe nǎnbèle pèle yìrige Zyeriko ni n tun Ayi ma, wi lè Bɛti-Avɛn taana Betɛli canʔafolomɔ kabangi na. Wi n be pye: «Ye lúgu ye sa tári saanri ye wéle.» A nǎnbèle bee lúgu n sáà Ayi saanri n wéle.

Zyozuwe 7:2 Iomraidhean Croise

Sélimɛ 12:8

A Abirami ga yiri yaà beè, a wi fala nyanbeleyi kúlo kàbaan na Betɛli canʔafolomɔ ma, ní sáà wi fànikpaagi kóri, níì Betɛli yaʔa canʔajeemɛ kabangi na, Ayi si i nyɛ canʔafolomɔ kabangi na. A wi níì sáriga-wòlo-yafaangaa faan tɛ́ɛgi bee ni Yawe ma níì Yawe mɛ́ɛgi yeri.

Sélimɛ 28:19

Níì tɛ́ɛgi bee mɛ́ʔɛ le ni gi yiri Betɛli. Kěgi bee pe da ni yiri booma ni Luzi.

1 Fànʔafɔbèle 12:29

A wi kàa tɛ́ʔɛ Betɛli ni níì gee tɛ́ʔɛ Dan ni.

Nehemii 11:31

A Bɛnzyamɛ yòdaʔayi wòolo tɛ́ɛn n séli yaà Geba na fwɔɔ n sáà nan Mikimasyi, ní Aya, ní Betɛli, ní gi tɛ́nɛmi kèye na,

Kàseegèle 20:18

Nyaa-mí-joogèle i fànʔa nii katimanagèle ni. Da kapɛɛnni kpúmɔn ní tímanaganjànma ní.

Kàseegèle 24:6

Níì cán ní tímanajànma ní mɔ a gbǎn kapɛɛnni kpúmɔn, yarifɔbèle ga nɛʔɛ, syɔɔlɔ n taa.

Ezayi 10:28

Wi n nan Ayati na, wi n foro Migurɔn ni, wi n wi túgori yaʔa Mikimasi ni.

Zyeremii 49:3

«Hɛsyibɔn, da cɛ́ɛn, níì cán Ayi n kálagi! Araba calipiigèle, yaa sùpiigèle wáa, ye gɔ̀nvaʔaya le buroyo, yaa kùugo nyɛnigɛ kpéʔele, yáā fé yaa máari tǒbèle sɔ́lɔgɔmɔ ni! Níì cán Milikɔmi n cò ni syée n fàra wi sáriga-wòlobèle, ní wi syɛɛnkpolobèle na.

Oze sɛ́bɛw 4:15

Isirayɛli, àlí mɔ ga miyɛɛ gaan nànjaari ma, Zyuda ga yɛlɛ wi kolomɔ yaʔa bi nan woro na í. Yele a kɔ́ kári Giiligali ma í, yele a kɔ́ lúgu kári Bɛti-Avɛn ma í, yele a kɔ́ ra kɛ̀ɛ́ bàā gi nyuu si jo: ‹Yawe woweew mɛ́ʔɛ na í.› »

Matye 10:16

«Ye wéle, mii i yele tórogi solomikaari nínge ni àmɛɛ bàala nyɛ lè. Koro na gi yɛlɛ yele í cìlige àmɛɛ wàbiyi nyɛ lè, si pye kajoolo fun àmɛɛ kàtogèle nyɛ lè.

Efɛzi ye 5:15

Gee bee na gi yɛlɛ yaa yele tánʔaganmi kɔ̀rɔsíi, yele a kɔ́ ra táanri àmɛɛ sícilimɛ-fùnvɔɔlɔ nyɛ lè í, fwɔɔ àmɛɛ sícilimɛfɔɔlɔ nyɛ lè.

Zyozuwe 12:9

Zyeriko fànʔafɔw nibin. Ayi wi pye lè Betɛli taana, woro fànʔafɔw, nibin.

Zyozuwe 18:12

Pe solomɔkulo kàbangi láʔagologo maa séli Zyuridɛnw na, níì sɔ̀lɔ Zyeriko solomɔkulo kàbangi na n foro nyanbeleyi kúlo ni n kári canʔajeemɛ kabangi na fwɔɔ n sáà nan Bɛti-Avɛn fìími tára na.

Zyozuwe 2:1

A Nun jáaw Zyozuwe tundunlarabéle siin yìrige Syitimi ni n tun làrama ni níì jo: «Yaa syée ye sa tári ní Zyeriko kěgi saanri ye wéle.» A be kári, ní sáà jée nànjaacewaa kpaʔa ni, pe i wi yiri Arahabi, níì syɔ́ɔn yaà beè.

Zyozuwe 7:3

A pe ga lúru n pan Zyozuwe ma, a pe baa wi pye: «Syɛ́ɛnbèle myɛ ga náà yɛlɛ bi kári yaà í. Nànbēle selebinnɛ wàlá selebinnɛ ní saala kagunɔ wi yɛlɛ bi kári sa Ayi jaa. Mɔ a kɔ́ fɔ̀rɔgi naa taʔa syɛ́ɛnbèle myɛ na í, níì cán syɛ́ɛnbèle bee ga nɛʔɛ yaà í.»

1 Samyɛli 13:5

A Filisitini ye peyɛɛ gbóʔoro bi sa kapɛɛnni kpúmɔn ní Isirayɛli ní. Kapɛɛnkpumɔn-wòtorobéle sirakama ní selebingéle kagunɔ maa pye be ma n fàra syɔɔnyɔ fɔ̀ɔlɔ selebingéle taanri ní syɛɛnnɛʔɛmɛ na, bee pi da pye àmɛɛ sólomi lɔ́ʔɔ nyɔ́ɔ táminyɔɔ nyɛ lè. A be pan n baa tɛ́ɛn Mikimasyi taana, Bɛti-Avɛn canʔafolomɔ ma.

1 Samyɛli 14:23

A Yawe Isirayɛli ye syɔɔ cángi bee, á kapɛɛnni si i syée fwɔɔ n sáà nan Bɛti-Avɛn màʔami na.

1 Samyɛli 30:27

A wi tàa tórigo Betɛli wóbèle, ní Aramɔti wòrogulo wóbèle ní Yatiiri wóbèle ma,