Zyozuwe 7:12 - Cebaara Bible 2010

¹² Isirayɛli ye a gbǎn yére bi be nigoobèle sige í. Pe a kàdoʔo kaan pe nigoobèle ma, níì cán pe tiimaw n baa yɛlɛ pe be kálagi. Yáriree mii da joo lè yele a kɔ́ di tàa láa í, yele ga pye yele ga di kálagi n yirige yeyɛɛ níngi ni í, mii a ní pye ní yele ní í.

Zyozuwe 7:12 Iomraidhean Croise

Ŋúnuyi 44:10

A mɔ si wolo yirige n wáa bele, mɔ n fɛ̀ɛrɛ wáa wolo na, mɔ ní o yirigi ní wolo sùlasiibèle ní í.

Ŋúnuyi 60:10

Mowabi i nyɛ lǒgi yalege, gee ni mii wíri lè. Mii n mii taʔalagi wáa Edɔmi na, mii i fàndaara yákpolo wáa Filisitini ye tári kánma na!»

Kàseegèle 28:1

Syɛɛnpeeo i fé bi gi taa wàa o nyɛ wi kurugo í, syɛɛnsinbèle n soro àmɛɛ càarabɔ-yɛlɛɔ nyɛ lè.

Ezayi 59:2

Kàjáa yele kakolobyeri di wàlima lége yele ní yele Kolocɔlɔw nínge ni, yele kapeegèle ke wi yɛ́ɛgi làriga yele na, koro na wi o lúro yele ma í.

Zyeremii 23:33

«Syɛ́ɛnbèle naa, wàlá kanyaajoowaa, wàlá sáriga-wòlowaa ga mɔ yíbe níì jo: ‹Yawe túgori di nyɛ dìí?› Mɔ a be pye: ‹Túgori bee di nyɛ yele, wi n jo: Mii a yele yaʔa,› Yawe wi jo nya.

Zyeremii 6:8

Zyerusalɛmi, ki n yɛlɛ mi fɔ̀lɔ tamani na, koro ga pye mii a kɔ́ láʔa mɔ na í, si mɔ kàriga fìimɛ tára, mɔ í pye syɔɔn fun í.»

Oze sɛ́bɛw 9:12

Alí pe ga ni be pìíbèle gbóo, mii a be bɔ̀nɔ be ni sáni pe lɛɛ bi nìri lè, mii ga kàdoʔo wáa be ma lǎli ni lè, wɔʔɔli a pye be na.

Habakuki 1:13

Mɔ nyapiigèle n nyɔɔ n sɔ̀lɔ kapeegi nyaana na, mɔ a gbǎn ra fǎngi gbànna wéle í. Nyàʔá si na mɔ námarafɔbèle wéle, ní i kòró pyèrio lǎli ni syɛɛnpeew ga ni syɔɔnwaa jóori, wee wi sín n sɔ̀lɔ woro na lè?

Córolo 14:39

A Mowizi syɛ́ɛnri bee joo Isirayɛli ye myɛw ma, a syɛ́ɛnbèle tɔ̀nɔ n pye funbɛɛnrɛ na gbanʔama.

Córolo 14:42

Yele a kɔ́ lúgu yaà í. Níì cán Yawe o nyɛ yele níngi ni í. Yele a kɔ́ yeyɛɛ gaan yele nigoobèle í kpóo cáan í.

Córolo 14:43

Níì cán Amalɛki ye, ní Kanaan ye i yaà yele yɛ́ʔɛ ma. Ŋɔséew a yele kpóo cáan, níì cán yele n lúru Yawe kurugo, koro na Yawe a pye ní yele ní í.»

Córolo 14:45

Amalɛki ye ní Kanaan ye be pye lè nyanbeleyi na, a poro tìgi n baa fànʔa taa be na ni be cɔ̀nʔɔ́ ni ŋuu ni syée fwɔɔ n sáà nan Horima na.

Làlwaw Kaanziin 7:26

Mɔ a kɔ́ yanɔnʔɔgɔ lége mɔ kpáagi ni í, jàngó mɔ a kɔ́ pye gi felege bi yɛlɛ pe mɔ kálagi péw í. Mɔ a gi córo yanɔnʔɔgɔ ní yapeʔe, níì cán yarigaa gii, gee gi yɛlɛ ki yaʔa lè péw.

Zyozuwe 6:18

Ki si n yɛlɛ yaa yeyɛɛ kɔ̀rɔsíi yáriri na, dee yele yɛlɛ bi yaʔa lè. Yáriri bee di yɛlɛ di yaʔa lè, yele a kɔ́ di tàa láa í, si yele Isirayɛli ye tɛɛkòrogi lége kálagigwɔɔli ni bi nyáʔamina yaʔa li nan gi na í.

Jàbɔbèle 16:20

Lǎli bee ni a wi jo: «Filisitini ye n pan mɔ kurugo, Samisɔn!» A wi yìri wi ŋúnɔmi na níì jo: «Mii a niyɛɛ zyɔɔ be ma àmɛɛ ki da pye tɔ́lɔyee na lè, mii a niyɛɛ yirige yaà.» Wi si da gi cán Yawe n woro yaʔa í.

Jàbɔbèle 2:14

A Yawe fundanʔari cò naà Isirayɛli ye kánmi na, a wi be le yakolibèle kɔ́yɔ ni a poro be yáriri koli. Wi n be pára pe nigoobèle ma pe da be màʔa lè, pe ga níì gbàn n yére n be nigoobèle sige í.

Jàbɔbèle 2:4

Lǎli ni Yawe nyɛ̀ʔɛni tunduɔn syɛ́ɛnri bee joo n kwɔ́ɔ Isirayɛli ye myɛ ma lè, a syɛ́ɛnmi i yákpogèle wáa ní i nyaan.

1 Samyɛli 14:38

A Sawuli jo: «Ye nùuni naa, yele bele myɛ ye nyɛ lè syɛ́ɛnbèle kùndigibéle, koro ga pye ye ba gi wéle, bi gi cán kapeelìí li kpéʔele níjanʔa.