Zyozuwe 7:1 - Cebaara Bible 2010

¹ Lǎli bee ni a Isirayɛli ye kolo yáriri kéele na, dee Yawe da joo be yaʔa lè péw. Zyuda syɛɛnfelegi wówaa maa yáriri bee tàa láa, pe i wi yiri Akan, wi lè Karimii jáaw, Karimii wi lè Zabidii jáaw, Zabidii wi lè Zera jáaw. A Yawe fundanʔari cò naà Isirayɛli ye kánmi na.

Zyozuwe 7:1 Iomraidhean Croise

Sélimɛ 34:27

A Zyakɔbi jáabèle sáà kúbèle ní kěgi lɔ́rɔ myɛ fuguri, níì cán pe maa poro cɔnɔw kálagi.

2 Samyɛli 24:1

A Yawe fúngi ní baa tanʔa gbanʔama Isirayɛli ye kurugo, a wi Davidi kɔ́ri n wáa be na níì jo: «Da syée mi sa Isirayɛli ye ní Zyuda ye córo.»

2 Fànʔafɔbèle 5:24

Lǎli ni be sáà nan Ofɛli na lè, a Gehazii di yirige be kɔ́yi ni n sáà sámaga n tɛ́ʔɛ kpáagi ni, níì nǎnbèle bee lúrugo a be kári.

1 Cányi kèlē 21:7

A tundunri bee kéele Kolocɔlɔɔ bɛɛn, a wi Isirayɛli ye kpúmɔn.

2 Cányi kèlē 24:18

A be Yawe be toolɛɛbèle Kolocɔlɔɔ kpáagi yaʔa, ní sa ni báara Asyerabèle, ní yasunyi ma. A Kolocɔlɔɔ fundanʔari too Zyuda, ní Zyerusalɛmi ye na be péemi kéele na.

Ɛsidirasi 9:6

níì jo: «Mii Kolocɔlɔw, mii n curugo, fɛ̀ɛrɛ n mii taa, bi mii yɛ́ɛgi yìrige bi mɔ wéle, ee mii Kolocɔlɔw. Níì cán wolo kolomi kèlē n nɛʔɛ fwɔɔ n wolo tɔ́n, a wolo kakolobyeri taani tiyɛɛ na fwɔɔ n sáà nan nyɛ̀ʔɛni na.

Zyɔbi 35:8

Mɔ syɛɛnnyɛnnɛ na mɔ péemi nangi, syɔɔn na mɔ sínni kanyɔɔnɔ nyɛ.

Syɛɛnjóow 9:18

Sícilimi n pɔ́rɔ n sɔ̀lɔ kapɛɛnkpumɔn-yáriri na. Kàjáa kapeebyeo nibin i kacàngēle saʔa kálagi.

Danyɛli 9:7

Ee Kàfɔw, mɔ wi nyɛ sínni fɔ́lɔ, wolo wóri si i nyɛ fɛ̀ɛ́ri, àmɛɛ gi nyɛ lè níjanʔa Zyuda syɛ́ɛnbèle, ní Zyerusalɛmi ye, ní Isirayɛli ye myɛ na, poro bele be nùuni lè, ní bele tɛ́ʔɛ gi léeli lè tátɛɛyi myɛ ni, beè mɔ be nɛnɛ n tórigo lè pe sìnzinmi kapyere kéele na, dee be tɛ́ʔɛ n peyɛɛ kolo mɔ ma lè.

Levii ye sáriga-wòlori 10:6

A Mowizi gi joo Aarɔn ní wi jáabèle bele ma be lè Eleyazari ní Itamari, níì be pye: «Yele a kɔ́ yele nyúnyi yaʔa wozigara-sigaraya ní í, yele a kɔ́ yele búroyi sulugu í, jàngó yele a kɔ́ kùu í, si Kolocɔlɔɔ fundanʔari yaʔa di too syɛ́ɛnmi myɛ na í. Kàjáa yele senyɛnbèle be lè Isirayɛli kpáagi wòolo myɛ, poro pe a Yawe naà sórigoli nyɛnigɛ kpéʔele.

Zyonasi 1:7

A pe gi joo peyɛɛ ma níì jo: «Yaa maa wo ba gɔ̌n wáa, jàngó wo gi cán wee kéele na kapeegi naa wolo taa lè.» A be gɔ̌nw wáa, a gɔ̌nw too Zyonasi na.

Zyozuwe 22:16

«Ye wéle, Yawe syɛ́ɛnmi myɛ n jo: ‹Nyàʔá gi nyɛ kakologi naa kpéʔelele nyúngo yele ma Isirayɛli ye Kolocɔlɔw na, àmɛɛ yele wàli n láʔa lè Yawe na níjanʔa, níì sáriga-wòlo-yafaangaa faan n pye yeyɛɛ wóʔo níì Yawe cée níjanʔa?

Zyozuwe 22:18

Yele i wɛ̀ɛ́ bi láʔa Yawe na níjanʔa! Yele ga Yawe cée níjanʔa, nyɛ̀ʔɛna wi fúngi a tanʔa gbanʔama Isirayɛli syɛ́ɛnmi myɛ kurugo.

Zyozuwe 22:20

Lǎli ni Zera jáaw Akan kapeele kpéʔele yáriri kéele na ti da yɛlɛ bi yaʔa lè péw, a Yawe fundanʔagbɔɔri too Isirayɛli syɛ́ɛnmi myɛ na, nǎnw bee nibin ban wi da kúu wi kapeeli kéele na í.› »