Zyozuwe 6:4 - Cebaara Bible 2010

⁴ Sáriga-wòlobēle kɔrɔsiin a kíni kásuw yɛ́ʔɛ na ní bànyɛnyɛ tomaaya kɔrɔsiin ní. Canya kɔrɔsiin wógi na ye kěgi màʔa tɔlɔyɔ kɔrɔsiin, sáriga-wòlobèle sáā tòmaayi wíi.

Zyozuwe 6:4 Iomraidhean Croise

Sélimɛ 2:3

A Kolocɔlɔɔ si dùbaw taʔa canya kɔrɔsiin wógi na, níì gi sámaga n yaʔa wiyɛɛ ma, ncan cángi bee ni wi ŋɔ́n n daa fáliw myɛ na wi kpéʔele lè dulunyanw faanna na.

1 Fànʔafɔbèle 18:43

Níì wi falipye-nìgɔcariw pye: «Lúgu mi sa wéle sólomi lɔ́ʔɔ kàbaan na.» A woro lúgu n sáà wéle yaà níì wi pye: «Yafyɛn o naa í.» A Elii jo: «Ki kpéʔele tɔlɔyɔ kɔrɔsiin.»

2 Fànʔafɔbèle 5:10

A Elize tunduɔn tun wi sa wi pye: «Da syée mi sa wéli Zyuridɛnw ni tɔlɔyɔ kɔrɔsiin, mɔ céri a lúru nyɔɔ, mɔ a mùnú nyɔɔ.»

2 Fànʔafɔbèle 5:14

Lǎli bee ni a wi tìgi Zyuridɛnw ma, ní sáà kéle yaà tɔlɔyɔ kɔrɔsiin n yɛlɛ ní Kolocɔlɔɔ syɔ́ɔnw syɛ́ɛnrɛ ní. A wi céri lúru n pye àmɛɛ pyà wóro nyɛ lè, a wi mùnu n nyɔɔ.

2 Cányi kèlē 13:12

Wéle, Kolocɔlɔɔ ní wi sáriga-wòlobèle i nyɛ ní wolo ní, pe i nyɛ wolo nyúngi na, ní búrubèle ní bele pe a ra wíi lè páā kapɛɛnni yákpogéle wáa yele kánmi na. Isirayɛli pìíbèle, yele a kɔ́ kapɛɛnnɛ kpúmɔn ní Yawe, yele tóolɛɛbèle Kolocɔlɔɔ ní í. Níì cán yele a fànʔa taa í.»

2 Cányi kèlē 20:17

Yele ban ye a kapɛɛnni naa kpúmɔn í. Ye yeyɛɛ dɛ̀ɛn, yé yére yaà beè. Yele a syɔɔli nyaa, lee Yawe a kaan yele ma lè. Zyuda ní Zyerusalɛmi ye, yele a kɔ́ fyáa í, zɔ̀nviige a kɔ́ ra yele kɔɔn í. Ye yiri yaa be fàrá nyɛ̀ʔɛna, Yawe a pye ní yele ní.› »

2 Cányi kèlē 20:19

Levii ye be lè Kehati yòdaʔayi wòolo, ní bele be lè Kore yòdaʔayi wòolo, a poro pèle yìri n yére bàā Yawe Isirayɛli ye Kolocɔlɔw kpɔ̀ʔɔrɔ́ ní yákpogbɔɔlɔ ní.

2 Cányi kèlē 20:21

A wi ní syɛ́ɛnbèle peyɛɛ nyaa n joo, á wi ŋùuvɔɔlɔ nyɛ́nɛ n wòlo n kínige kapɛɛnkpumɔnbèle yɛ́ʔɛ na, jàngó paa Yawe kpɔ̀ʔɔrɔli ŋúnuyo ŋúu ní nìjanri yárira ní peyɛɛ na, sáā gi nyuu si jo: «Yaa bariga kaangi Yawe ma, níì cán wi funjǎngi a tée kwɔ́ɔ í.»

Zyɔbi 42:8

Ye náapɛʔɛlɛ kɔrɔsiin ní bàpɔɔlɔ kɔrɔsiin cò tɔ́ɔliw ni ye kári mii falipyew Zyɔbi ma ye sa wòlo yeyɛɛ kéeli na sáriga-sórigoo. Mii falipyew Zyɔbi a nyɛ́ɛri yele kéeli na, woro mii a wéle mii si a yele cò bi yɛlɛ ní yele cúromi kapyele ní í, yele bele ye nyɛ lè ye ga sín n joo mii kéeli na àmɛɛ mii falipyew Zyɔbi gi kpéʔele lè í.»

Ezayi 27:13

Cángi bee na pe a tòmaakpɔɔgi wìi, lǎli bee ni bele pe da pùuni lè Asirii tári ni, pe a lúru pan, ní bele pe da cariga lè Ezyipiti tári ni. Pe a ba ra tuun da cíbele Yawe yɛ́ʔɛ ma nyanbejǎngi na, ki lè Zyerusalɛmi ni.

Levii ye sáriga-wòlori 14:16

Sáriga-wòlow a wi kàliige kɔ́lɔ kábeli tàmi wi kàmɔnɔ kadatɛɛw sìnmɛ ni bi nyari nyari Yawe yɛ́ʔɛ ma tɔlɔyɔ kɔrɔsiin.

Levii ye sáriga-wòlori 4:6

Wi a wi kabeli tàmi sìsyaanw ni bi nyari nyari tɔlɔyɔ kɔrɔsiin Yawe yɛ́ʔɛ ma, tɛɛcǎngi fànipariɔ zinmɛ na.

Zakarii 4:2

A wi mii pye: «Nyàʔá mɔ nyaagi?» A mii wi yari: «Fètindaʔala mii nyaagi, li myɛ tɔ̀nɔ́ i nyɛ tɛɛ̀, sìngbolo si i nyɛ li ǹjogi ni, fètingéle kɔrɔsiin si i nyɛ li na, n fàra sìnmɛ tɛɛsɔ̀lɔgēle kɔrɔsiin na, fètingèle kéele na ge nyɛ lè fètindaʔali ǹjoʔo ni.»

Zakarii 4:6

Lǎli bee ni a wi níì mii yari: «Syɛ́ɛnri di nyɛ dee naa, dee Yawe joo Zorobabɛli ma lè, wi n jo: ‹Sée báriga ni ban í, fànʔa báriga ni ban í, kàjáa mii Pǐli báriga ni wii,› Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Córolo 23:1

A Balaami gi joo Balaki ma níì jo: «Sáriga-wòlo-yafaanya kɔrɔsiin faan mii ma nɛɛ naa, mí náapɛʔɛlɛ kɔrɔsiin ní bàpɔɔlɔ kɔrɔsiin kpóʔoro mii ma.»

Zyozuwe 6:13

Sáriga-wòlobèle bele kɔrɔsiin má bànyɛnyi tòmaaya kɔrɔsiin pye lè Yawe kásuw yɛ́ʔɛ ma, a poro níì tánʔani séli ní i tòmaayi wíi. Kapɛɛnkpumɔnbèle bele maa pye pe yɛ́ɛgi na, á poro kàdoʔo ma wóbèle si taʔa Yawe kásuw na. A be i táanri ni syée, pé si i tòmaayi wíi.

Zyozuwe 6:3

Yele kapɛɛnkpumɔn-nǎnbèle myɛ a ra kěgi máari canʔa o canʔa tɔlɔgɔ nibin. Mɔ a gi kpéʔele kánmi bee na bi taa canya kɔrɔni.

Zyozuwe 6:5

Lǎli ni pe ga bànyɛnyi wìi lè gbanʔama, lǎli ni yele ga tòmaayi wìimɛ lóʔo lè, syɛ́ɛnbèle myɛ a yákpogèle wáa gbanʔama, kěgi tò a kabi too wiyɛɛ na, syɛ́ɛnbèle myɛ si n yɛlɛ paa lúru paa jǐn gbakama.»

Tɛ̀ɛnnɛ 1:20

Ŋɔripiigèle kɔrɔsiin mɔ nyaa lè mii kàliige kɔ́gi ni, ní tɛ́ɛw fètindaʔagéle kɔrɔsiin ní, ke kalarali wéle lee, ŋɔripiigèle kɔrɔsiin i nyɛ Egilizibèle kɔrɔsiin tundunbéle, fètindaʔagèle kɔrɔsiin si i nyɛ Egilizibèle kɔrɔsiin.

Tɛ̀ɛnnɛ 1:4

Mii Zyan a sɛ́bɛw naa tórigo yele Egilizibèle kɔrɔsiin ma ye nyɛ lè Azii tári ni, ki n yɛlɛ Kolocɔlɔɔ í kpɔ́ʔɔri ní fûnnyingi kaan yele ma, woro wee wi yaà lè, ní woro wee wi da pye yaà lè, ní woro wee wi maa lè, pìígèle kɔrɔsiin í di kaan yele ma, gele ge nyɛ lè wi fàngoli yɛ́ʔɛ ma.

Tɛ̀ɛnnɛ 10:3

níì yákpogbɔɔlɔ wáa àmɛɛ càaraɔ fúlomɔ nyɛ lè. A wi ga wi yákpoli wáa, a nyɛ̀ʔɛvōlogéle kɔrɔsiin gi sogi n falaga.

Tɛ̀ɛnnɛ 15:1

A mii níì fɛ̀ɛwaa nikwɔɔ nyaa nyɛ̀ʔɛni ni, wi maa kpɔ́ʔɔ ní i nyɛ bìngaara wóo ní. Fɛ̀ɛ́w bee wi nyɛ nyɛ̀ʔɛni tundunbéle kɔrɔsiin, poro bele má wɔʔɔzanyi kɔrɔsiin nyɛ lè, yoro yi nyɛ wozanyi, níì cán yoro ní Kolocɔlɔɔ a ba wi fundanʔari kwɔ́ɔ.

Tɛ̀ɛnnɛ 15:7

Sìi yáriyi sicɛrɛ ni, a kàa nibin fala n yalegéle kɔrɔsiin kaan nyɛ̀ʔɛni tundunbéle kɔrɔsiin ma, tɛɛ̀ wòʔolo, gele ge nyìn lè Kolocɔlɔɔ fundanʔari na, woro wee wi nyɛ lè sìi na làla o làla kwɔ́ɔmɔ fun.

Tɛ̀ɛnnɛ 16:1

A mii yákpogbɔɔlɔ lóʔo kpɔ̀ʔɔrɔli kpaʔa ni, a li nyɛ̀ʔɛni tundunbéle kɔrɔsiin pye: «Yaa syée ye sa Kolocɔlɔɔ fundanʔari yalegéle kɔrɔsiin sòʔo ye wo tári na!»

Tɛ̀ɛnnɛ 5:1

Wee wi tɛ́ɛn lè fàngoli ni, a mii sɛ́bɛ nyaa wi kàliige kɔ́gi ni, pe maa sɛ́bɛ fúngi ni ní kàdogi myɛ na níì wi tɔ́n ní fɛ̀ɛbēle kɔrɔsiin ní.

Tɛ̀ɛnnɛ 5:6

A mii bàpile nyaa, li maa pye mɔ a jo pe n li kpóo, kàjáa li n yìri n yére fàngoli nínge ni, á sìi yáriyi sicɛrɛ, ní wolɛɛbèle li màʔa. Nyɛngéle kɔrɔsiin maa pye Bàpili na, ní nyapiigèlē kɔrɔsiin ní, gele ge nyɛ lè Kolocɔlɔɔ pìígèle kɔrɔsiin wi tórigo lè dulunyanw tɛ́ɛyɛ myɛ ni.

Tɛ̀ɛnnɛ 8:2

Nyɛ̀ʔɛni tundunbéle kɔrɔsiin be yèré lè Kolocɔlɔɔ yɛ́ʔɛ ma, a mii bele bee nyaa a be búrubéle kɔrɔsiin kaan be ma.

Tɛ̀ɛnnɛ 8:6

Nyɛ̀ʔɛni tundunbéle kɔrɔsiin kɔ́yɔ ni búrubèle kɔrɔsiin da pye lè, a be peyɛɛ zámaga bi búrubèle wìi.