Zyozuwe 6:1 - Cebaara Bible 2010

¹ Zyeriko kpàánweegèle maa sámaga n tɔ́n gbanʔama Isirayɛli ye kéeli na. Syɔɔn faala da ni yirigi gi ni í, syɔɔn faala da wɔ́ɔ ni jǐn yaà í.

Zyozuwe 6:1 Iomraidhean Croise

2 Samyɛli 10:5

A pe baa koro joo Davidi ma, a wi syɛ́ɛnbèle pèle tórigo pe sa be fàra, níì cán ki maa tɔ̀nɔ n pye nǎnbèle bee na fɛ̀ɛkpɔɔrɔ. A fànʔafɔw jo be sa be pye: «Ye sa kòro Zyeriko ni bi taa yele bàʔajɔɔw í fùn, koro kàdoʔo ma yele a ra maa.»

2 Fànʔafɔbèle 17:4

Kàjáa a Asirii fànʔafɔw kɔ́ baa gi nyaa a Oze nyɔɔ kúun woro na, níì cán wi maa tundunbéle tun Ezyipiti fànʔafɔw So ma, wi si da ní ni nyǔnyi lɔ́rɔ kaangi yɛɛgbaraw na Asirii fànʔafɔw ma í. A Asirii fànʔafɔw si wi cò n le kàso ni, nyɔ̀ʔɔmɔ na.

2 Fànʔafɔbèle 2:4

A Elii wi pye: «Elize, kòro nɛɛ naa, níì cán Yawe n mii tun Zyeriko ma.» A wi wi yari: «Amɛɛ Yawe nyɛ lè sìi na, ní àmɛɛ mɔ pili nyɛ lè sìi na, mii a tée mɔ yaʔa í.» A be sáà nan Zyeriko na.

Ŋúnuyi 127:1

Njogi lúgufɔɔlɔ ŋúnugo, Salomɔn wógi. Kapye Yawe o kpáagi faanri í, bele be gi faanri lè, pe i báara gbanzan. Kapye Yawe o kěgi kpáa wéle í, wee wi gi kpáaw wéle lè, wi i syɔ̀ɔ́n nyɛ̀nɛ na gbanzan.

Zyozuwe 16:7

A gi níì láa Yanowa ma n tìgi n fala Atarɔti ní Naarata ma, n sáà sígi Zyeriko na, níì kári n sáà nan Zyuridɛnw na.

Zyozuwe 18:21

Bɛnzyamɛ yòdaʔayi syɛɛnfelege keye yi nyɛ yee naa, n yɛlɛ ní be túluyi ní, yoro yi nyɛ Zyeriko, ní Bɛti-Hogila, ní Emɛki-Kesiisi,

Zyozuwe 2:1

A Nun jáaw Zyozuwe tundunlarabéle siin yìrige Syitimi ni n tun làrama ni níì jo: «Yaa syée ye sa tári ní Zyeriko kěgi saanri ye wéle.» A be kári, ní sáà jée nànjaacewaa kpaʔa ni, pe i wi yiri Arahabi, níì syɔ́ɔn yaà beè.

Zyozuwe 2:24

Pe n baa gi joo Zyozuwe ma níì jo: «Kányɛʔɛ na Yawe n tɔ̀nɔ n tári myɛ le wolo kɔ́yi ni. Tári syɛ̀ɛnnɛ myɛ báriga n tɔ̀nɔ n kwɔ́ɔ wolo yɛ́ʔɛ ma.»

Zyozuwe 2:7

A syɛ́ɛnbèle bee yiri n Zyuridɛn kólogi láa ni syée be kurugo n sáà nan tɛɛjeligi na. Lǎli ni be yiri be kurugo lè, a be kpàánweeli tɔ́n.

Zyozuwe 5:15

A Yawe kapɛɛnkpumɔnbèle kàfɔlɔ Zyozuwe pye: «Mɔ taʔalayi wòlo mɔ tɔ́lɔyi na, níì cán tɛ́ɛgee ni mɔ yére lè, ki i nyɛ tɛɛcànga.» A Zyozuwe gi kpéʔele.

Zyozuwe 6:2

A Yawe Zyozuwe pye: «Wéle, mii n Zyeriko, ní gi fànʔafɔw, ní gi kapɛɛnkpumɔn-sànbalibèle le mɔ kɔ́yi ni.