Zyozuwe 5:9 - Cebaara Bible 2010

⁹ A Yawe gi joo Zyozuwe ma níì jo: «Mii n Ezyipiti fɛ̀ɛ́ri pɛ́ɛ n láʔa yele na níjanʔa.» Koro na be tɛ́ɛgi be mɛ́ʔɛ le ni gi yiri Giiligali, a mɛ́ɛgi bee kòro gi na fwɔɔ n baa nan níjanʔa na.

Zyozuwe 5:9 Iomraidhean Croise

Sélimɛ 34:14

Pe maa gi joo be ma níì be pye: «Bi wolo cɔnɔw kaan sìngɛ́nɛ nàɔn ma, gee bee a gbǎn kpéʔele í. Níì cán gee bee i nyɛ wolo faʔara kéele.

2 Samyɛli 19:15

A Davidi Zyuda wóbèle myɛ fúnyo kàriga a be pye mɔ a jo nàɔn nibin wii. A be tun be sa fànʔafɔw pye: «Lúru maa maa ní mɔ falipyebèle myɛ ní.»

Nehemii 12:29

ní Bɛti-Giiligali ni, ní Geba, ní Azimavɛti sìnbiriyi ma. Níì cán ŋùuvɔbèle maa kèye faan peyɛɛ wóyo n Zyerusalɛmi màʔa.

Ŋúnuyi 119:39

Faʔari léeli mii na, toro dee na mii fɛ̀ɛgí lè gbanʔama! Níì cán mɔ lalwaw kajoogéle n nyɔɔ.

Zyeremii 9:25

gee bee n jo Ezyipiti ye, ní Zyuda ye, ní Edɔmi ye, ní Amɔn ye, ní Mowabi ye, ní bele myɛ be bàʔajɔɔw cɛnɛ lè, be nyɛ lè fìími tára ni. Níì cán syɛɛnfeleyi bee myɛ i nyɛ sìngɛnɛbéle, á Isirayɛli kpáagi wòolo si i nyɛ sìngɛnɛbéle fúnyi ni.»

Ezekyɛli 23:3

Pe n nànjaari kpéʔele Ezyipiti ni, pe n peyɛɛ gbéʔele nànjaabéle pe cárimi làla ni. Nɛɛ bee pe da ni be yíregèle có, beè be tánga be nàngeele sinjánmi fìcibiye na.

Ezekyɛli 23:8

Wi ga láʔa wi nànjaari na í, dee di séli yaà lè fwɔɔ Ezyipiti ma, níì cán pe maa sínɛ ní wi ní wi cárimi làla ni, pe maa tánga wi nàngeele sinjánmi fìcibige na, ní i wi kɔ́ri ni légi nànjaari ni.

Oze sɛ́bɛw 4:15

Isirayɛli, àlí mɔ ga miyɛɛ gaan nànjaari ma, Zyuda ga yɛlɛ wi kolomɔ yaʔa bi nan woro na í. Yele a kɔ́ kári Giiligali ma í, yele a kɔ́ lúgu kári Bɛti-Avɛn ma í, yele a kɔ́ ra kɛ̀ɛ́ bàā gi nyuu si jo: ‹Yawe woweew mɛ́ʔɛ na í.› »

Levii ye sáriga-wòlori 24:14

«Ye yiri ní mɛ́ɛkalagi-syɛ́ɛnri joofɔlɔ ní tɛɛkòrogi kàdoʔo ma. Bele myɛ be wi syɛ́ɛnri lóʔo lè, poro a sa be kɔ́yi taʔa wi nyúngi na, syɛ́ɛnmi myɛ si wi wábagi kpóo ní kàdɛnɛri ní.

Amɔsi 5:5

Yele a kɔ́ sa ra caa Betɛli ma í, yele a kɔ́ kári Giiligali ma í, yele a kɔ́ sɔ̀lɔ́ kári Bɛɛri-Syeba ma í. Níì cán Giiligali myɛw a cǒ kári, Betɛli si kálagi bi kwɔ́ɔ.»

Misye 6:5

Mii syɛ́ɛnbèle, ye sɔ̀ngi ye taa gee na Mowabi fànʔafɔw Balaki da tímana lè, ní syɛɛnlurugori na, dee Beyɔɔri jáaw Balaami da kaan wi ma lè, n séli yaà Syitimi na fwɔɔ n sáà nan Giiligali na, koro ga pye yele í ní Yawe sínni kapyegèlē kéele cán.»

Sofonii 2:8

«Mii n Mowabi ye tɛʔɛlɛyi lóʔo, ní Kolocɔlɔɔ mɛ́ɛkalagiri syɛ́ɛnrɛ Amɔn ye joo lè n mii syɛ́ɛnbèle faʔa, níì yìri pe tári láʔagoloyo kánma na.»

Zyozuwe 24:14

Tɔ́ɔliw ni ki n yɛlɛ yaa fɛ̀ɛgí Yawe na yáā báara wi ma ní funvii, ní kányɛɛgi na. Kolocɔlɔbèle bele má yele tóolɛɛbèle da ni báara lè cábigi jeligɔgee na, ní bele má pe da ni báara lè Ezyipiti ni, ki n yɛlɛ ye be yirige yaà yáā báara Yawe ma.

Zyozuwe 4:19

Yɛ́ɛli yézelige canya kɛɛ wóʔo na syɛ́ɛnbèle Zyuridɛnw jeli, ní sáà tɛ́ɛn Giiligali ma, Zyeriko láʔali na canʔafolomɔ ma.

Zyozuwe 5:8

Lǎli ni be syɛɛnfelegi myɛ kɛ́nɛ n kwɔ́ɔ lè, a be kòro tɛʔɛ̀ nibin ni tɛɛkòrogi ni fwɔɔ bi taa be pɔʔɔ.

1 Samyɛli 14:6

A Zyonatan gi joo nìgɔcariw ma, wee wi wi kapɛɛnkpumɔn-yáriri tugu lè, níì jo: «Da maa wo jeli wo kári sìngɛ́nɛbèle yaa kabiga ma. Dɔ̀ʔɔ́ Yawe a sa báara ní wolo ní. Níì cán bi syɔɔlɔ kpéʔele syɛɛnnɛʔɛmɛ báriga ni, wàlá syɛ̀ɛnnɛ cɛɛri báriga ni, ki kàa faala a gbǎn Yawe jáa í.»

1 Samyɛli 17:26

A Davidi gi joo nǎnbèle ma be pye wi taana lè níì jo: «Wàa ga Filisitini ye wów naa kpóo, níì faʔari láʔa dee di wáa Isirayɛli na lè, nyàʔá pe a pye wi ma? Filisitini ye sìngɛ́nɛw naa wi nyɛ wìí, ní si i Kolocɔlɔɔ woweew kapɛɛnkpumɔnbéle kabiya faari?»

1 Samyɛli 17:36

Kánmi bee na mɔ falipyew càaraw ní ursiw kpúmɔn n kpóo, ànbée ki a kpéʔele Filisitini ye sìngɛ́nɛw bee na. Níì cán wi n Kolocɔlɔɔ woweew kapɛɛnkpumɔnbéle kabiya faʔa.»

1 Samyɛli 7:16

Yɛɛlɛ o yɛɛlɛ wi maa ni sɔ̀lɔ́ ni máari Betɛli, ní Giiligali, ní Misipa níngi ni ni Isirayɛli ye kútiiw nyuu tɛ́ɛyi bee myɛ ni.