Zyozuwe 5:7 - Cebaara Bible 2010

⁷ Pe pìíbèle si wi baa télege di ni be sìndɛɛgi ni. Poro si Zyozuwe baa kɛ́nɛ, níì cán pe maa pye sìngɛ́nɛbéle àmɛɛ gi nyɛ lè pe da be kɛ́nɛ kólogi na í.

Zyozuwe 5:7 Iomraidhean Croise

Làlwaw Kaanziin 1:39

Yele pìipiigèle gele kéele na yele da gi joo lè níì jo pe a sa ge koli yaà, ní yele jáabèle bele be lè pe ga kacànna cán n wàli kapeele ni níjanʔa í, poro pe a jée di ni, poro ma mii a di kaan, poro pe a di taa di pye pe worò.

Córolo 14:31

Yele pìipiigèle gele kéele na yele gi joo lè níì jo pe a sa ge koli yaà, koro mii a lége di ni pe a sa tári kánma cán toro dee kéele yele faʔa lè.

Zyozuwe 5:6

Isirayɛli ye maa ni nyaari ni máari fìími tára ni n baa taa yɛ̀ʔɛlɛ togoye siin, fwɔɔ n taa kapɛɛnkpumɔn-nǎnbèle myɛ pe da yiri Ezyipiti ni lè, a poro myɛ baa kùu fìími tára ni àmɛɛ gi lè pe da fɔ̀lɔ n lóʔo Yawe ma í. A Yawe si kàli níì jo woro a fɔ̀lɔ bi be yaʔa be tári nyaa í, dee nyɔɔfaliga woro da kpéʔele be toolɛɛbèle ma lè níì jo woro a di kaan wolo ma, tári di nyìn nɔ́nɔw ní sárigi na ni fóo lè.

Zyozuwe 5:8

Lǎli ni be syɛɛnfelegi myɛ kɛ́nɛ n kwɔ́ɔ lè, a be kòro tɛʔɛ̀ nibin ni tɛɛkòrogi ni fwɔɔ bi taa be pɔʔɔ.

Sélimɛ 34:14

Pe maa gi joo be ma níì be pye: «Bi wolo cɔnɔw kaan sìngɛ́nɛ nàɔn ma, gee bee a gbǎn kpéʔele í. Níì cán gee bee i nyɛ wolo faʔara kéele.