Biblia Todo Logo
Bìoball air-loidhne

- Sanasan -




Zyozuwe 5:6 - Cebaara Bible 2010

6 Isirayɛli ye maa ni nyaari ni máari fìími tára ni n baa taa yɛ̀ʔɛlɛ togoye siin, fwɔɔ n taa kapɛɛnkpumɔn-nǎnbèle myɛ pe da yiri Ezyipiti ni lè, a poro myɛ baa kùu fìími tára ni àmɛɛ gi lè pe da fɔ̀lɔ n lóʔo Yawe ma í. A Yawe si kàli níì jo woro a fɔ̀lɔ bi be yaʔa be tári nyaa í, dee nyɔɔfaliga woro da kpéʔele be toolɛɛbèle ma lè níì jo woro a di kaan wolo ma, tári di nyìn nɔ́nɔw ní sárigi na ni fóo lè.

Faic an caibideil Dèan lethbhreac




Zyozuwe 5:6
20 Iomraidhean Croise  

Pe maa ni curugu ni máari fìími tára ni, táwaara kóbeʔe ni, pe ga kàʔa taa bi tɛ́ɛn í.


Mii si n jo: Mii a yele yirige Ezyipiti ni, beè yele nyɛ lè fɔ̀rɔgi ni bi kári ní yele ní Kanaan ye, ní Hɛti ye, ní Amɔri ye, ní Perezi ye, ní Hɛvi ye, ní Yebusi ye tári ma, táraa ma, dee di nyìn nɔ́nɔw, ní sárigi na ni fóo lè.›


A mii si tìgi n pan ba be yirige Ezyipiti ye kɔ́yi ni, bi be yirige tári bee ni bi kári ní be ní táraa ma, dee di nyɔɔ lè níì kpɔ́ʔɔ. Táraa dii, dee di nyìn nɔ́nɔw, ní sárigi na ni fóo lè. Kanaan ye, ní Hɛti ye, ní Amɔri ye, ní Perezi ye, ní Hɛvi ye, ní Yebusi ye be yaà tári bee ni.


«Da syée mi sa yákpoli wáa ní syɛ́ɛnri naa ní mi le Zyerusalɛmi syɛ́ɛnbèle líiweegéle ni mí jo: ‹Yawe n jo: Mii i sɔ̀ngí ni taagi mɔ picaagi làla tàmaga na, ki lè mɔ larijoli tàmaga, lǎli ni mɔ da taʔa mii na lè fìími tára ni, táraa ni, dee di pɛɛn lè.


Mii wi wɔ́ɔ̀ kɔ́gi yìrige níì kàli be ma fìími tára ni, níì jo mii a tée kári ní be ní pe sa jée tári ni, dee mii da kaan be ma lè í, táraa dii, dee di nyìn nɔ́nɔw ní sárigi na ni fóo lè, dee di nyɔɔ n sɔ̀lɔ tátɛɛyi myɛ na lè.


Cángi bee na mii mii kɔ́gi yìrige níì kàli be ma níì jo mii a be yirige Ezyipiti tári ni bi sa lége táraa ni, dee mii da wéle n yaʔa be ma lè, táraa dii, dee di nyìn nɔ́nɔw ní sárigi na ni fóo lè, dee di nyɔɔ n sɔ̀lɔ tátɛɛyi myɛ na lè.


pe a tée tári nyaa í, dee kéele na mii kàli be toolɛɛbèle ma lè níì jo mii a di kaan be ma. Bele myɛ pe mii faʔa lè, pe wàa faala a di nyaa í.


Syɛ́ɛnbèle bee si Mowizi ní sáriga-wòlow Eleyazari córo Mowabi tɛɛfiiyi na, Zyuridɛn cábigi nyɔ́ɔ na, Zyeriko zǐnmi na.


Yɛ̀ʔɛlɛ togoye siin wóli yeye kɛɛ ní nibin wógi cânzelige na, syɛ́ɛnri Yawe da joo n gbàn Mowizi ma Isirayɛli ye kéeli na lè, a Mowizi ti myɛ joo be ma.


Lǎlee wolo kwɔ́ɔ tánʔani na lè n yìri Kadɛsyi-Barineya ma n taa n sáà Zeredi lòcoologi jeli lè, li n pye yɛ̀ʔɛlɛ toko ní kpɔrigɔ ní kɔrɔtaanri, fwɔɔ n taa yìrili bee syɛ̀ɛnnɛ be pye lè kapɛɛnkpumɔnbèle, a poro kwɔ́ɔ n yiri tɛɛkòrogi ni àmɛɛ Yawe da kàli be ma lè.


Níì cán Yawe mɔ Kolocɔlɔw n dùbaw taʔa mɔ na mɔ kɔ́yi fáli myɛ ni. Wi n mɔ kpáaw wéle mɔ tánʔani làla ni fìimɛ tákpɔɔri naa ni. Ki yɛ̀ʔɛlɛ togoye siin wi wee Yawe mɔ Kolocɔlɔw i nyɛ ní mɔ ní, yarigaa faala ga mɔ fɔ̀n í.


Mɔ búrogi ga lɛɛ n sulugu n láʔa mɔ na í. Mɔ tɔ́lɔgaa ga wɔ́ɔ̀ fɛɛ yɛ́ɛgèle bee togoye siin fúngo ni í.


Koro na mii kàli mii fundanʔari làla ni níì jo: Pe a tée jée mii ŋɔ́ndaali ni nyáana í.»


Ki n yɛlɛ mi nìrimɛ le, mí lòmaana le, níì cán mɔ bárigaw ni syɛ́ɛnbèle naa a tári kɔ́rigɔ lìi, dee kéele na mii da kàli be toolɛɛbèle ma níì jo mii a di kaan be ma lè.


Lǎli bee ni a yele tóolɛɛbèle yákpogèle wáa mii Yawe kurugo, a mii yébilimɛ lége yele ní Ezyipiti ye níngi ni, níì Sólomi Lɔ̀ʔɔ tɛ́ʔɛ n be tɔ́n. Gee mii kpéʔele Ezyipiti na lè, yele nyapiigèle n gi nyaa. Yele n tɔ̀nɔ n tɛ́ɛn n mɔn fìími tára ni.


Syɛ́ɛnbèle myɛ pe da yiri Ezyipiti ni lè poro maa kɛ́nɛw kpéʔele. Kàjáa syɛ́ɛnbèle myɛ be see fìími tára ni lè n be yaʔa tánʔani na pe yirili kàdoʔo ma Ezyipiti ni, pe da pe wàa kɛ́nɛ í.


Pe pìíbèle si wi baa télege di ni be sìndɛɛgi ni. Poro si Zyozuwe baa kɛ́nɛ, níì cán pe maa pye sìngɛ́nɛbéle àmɛɛ gi nyɛ lè pe da be kɛ́nɛ kólogi na í.


Lean sinn:

Sanasan


Sanasan