Zyozuwe 5:5 - Cebaara Bible 2010

⁵ Syɛ́ɛnbèle myɛ pe da yiri Ezyipiti ni lè poro maa kɛ́nɛw kpéʔele. Kàjáa syɛ́ɛnbèle myɛ be see fìími tára ni lè n be yaʔa tánʔani na pe yirili kàdoʔo ma Ezyipiti ni, pe da pe wàa kɛ́nɛ í.

Zyozuwe 5:5 Iomraidhean Croise

Matye 12:7

Yele ga maa syɛ́ɛnri naa kɔ́rɔ cán dee di jo lè: ‹Nyinimɛ mii caa, mii o sáriga caa í,› yele mǎà dée syɛɛnsinbèle faʔa í.

Wɔrɔmi ye 2:26

Ki si ga pye kɛ́nɛnaa-sìngbeʔeleo i táanri ni yɛlɛgi ní làlwaw kajoogéle ní, mɔ ga gi cán Kolocɔlɔɔ a wee bee córo àmɛɛ kɛ́nɛkpeʔeleo nyɛ lè ì?

1 Korɛnti ye 7:19

Kɛ́nɛkpeʔeleri o nyɛ yafyɛn í, kɛ́nɛnaa-sìngbeʔeleri wɔ́ɔ o nyɛ yafyɛn í, fwɔɔ syɔɔn í Kolocɔlɔɔ tundunri foro, koro gi nyɛ yarigaa.

Galasi ye 5:6

Níì cán syɔɔnwaa ga pye Kirisi Zyezu ni, kɛ́nɛkpeʔeleri yoo, kɛ́nɛnaa-sìngbeʔeleri yoo, tàa faala o nyɛ ní tɔ̀nɔ ní í, fwɔɔ tágali li báara lè tàmagi báriga ni.

Galasi ye 6:15

Níì cán kɛ́nɛkpeʔeleri yoo, kɛ́nɛnaa-sìngbeʔeleri yoo, dee bee tàa faala o nyɛ yafyɛn í, fwɔɔ syɔɔn í kàri syɛɛnfɔ́ɔn.

Zyozuwe 5:4

Nyǔngee na Zyozuwe be kɛ́nɛ lè koro gi nyɛ gee naa: Nǎnbèle bele myɛ pe da yiri Ezyipiti ni lè, poro bele be pye kapɛɛnkpumɔnbèle lè, poro myɛw maa kùu kólogi na fìími tára ni pe yirili kàdoʔo ma Ezyipiti ni.

Zyozuwe 5:6

Isirayɛli ye maa ni nyaari ni máari fìími tára ni n baa taa yɛ̀ʔɛlɛ togoye siin, fwɔɔ n taa kapɛɛnkpumɔn-nǎnbèle myɛ pe da yiri Ezyipiti ni lè, a poro myɛ baa kùu fìími tára ni àmɛɛ gi lè pe da fɔ̀lɔ n lóʔo Yawe ma í. A Yawe si kàli níì jo woro a fɔ̀lɔ bi be yaʔa be tári nyaa í, dee nyɔɔfaliga woro da kpéʔele be toolɛɛbèle ma lè níì jo woro a di kaan wolo ma, tári di nyìn nɔ́nɔw ní sárigi na ni fóo lè.