Zyozuwe 5:1 - Cebaara Bible 2010

¹ Amɔri ye fànʔafɔbèle myɛ be pye lè Zyuridɛn jeligi na canʔajeemɛ ma n fàra Kanaan ye fànʔafɔbèle myɛ na be pye lè Sólomi Lòkpɔʔɔ nyɔ́ɔ na, a pe ga gi lóʔo Yawe n Zyuridɛnw waʔa Isirayɛli ye yɛ́ʔɛ ma fwɔɔ n taa a be sɔ̀lɔ, zɔ̀n ga níì pye be ni í, a fyáari be cò Isirayɛli ye yɛ́ʔɛ ma.

Zyozuwe 5:1 Iomraidhean Croise

Sélimɛ 12:6

A Abirami tári foro n kári fwɔɔ n sáà nan tɛ́ɛgi na pe yiri lè Sisyɛmi, níì kári n sáà nan fwɔɔ More syɛni tíigi na. Lǎli bee ni Kanaan ye be pye tári bee ni.

Sélimɛ 48:22

Mii si na, mii n lɛɛlaa nibin taʔa mɔ wóli na n sɔ̀lɔ mɔ senyɛnbèle wòʔolo na. Loro li nyɛ Sisyɛmi tɛ́nɛmi mii syɔɔ lè Amɔri syɛɛnfelegi ma mii ŋɔséew ní mii sedegi báriga ni.»

2 Samyɛli 21:2

A fànʔafɔw Gabaɔn ye yeri bi ba joo ní be ní. Gabaɔn ye da pye Isirayɛli wóbèle pèle í. Amɔri ye wogorobèle pèle be pye. Isirayɛli ye si maa kàli be ma. Kàjáa Sawuli maa gi kɔ̀rirɔ bi be kpóo àmɛɛ Isirayɛli ní Zyuda yòdaʔayi kéele wi dɛ́nɛ lè.

1 Fànʔafɔbèle 10:5

ní wi tɛɛlìigi yaliire, ní wi syɛɛnkpolobèle tɛɛ̀syɔɔnyɔ, ní bele be báara wi ma lè poro fáliw ní bee yaleri, ní wi yagbaagi kaanfɔɔlɔ, ní sáriga-sórigow wi da ni wóo Yawe kpáagi ni lè, a gee bee wi nyínima.

Ɛsidirasi 9:1

Gee bee cɔɔnrigwɔɔlɔ kadoʔo ma, a kùndigibèle pan mii ma n baa jo: «Isirayɛli syɛ́ɛnbèle, ní sáriga-wòlobèle, ní Levii ye ga wàli n láʔa tátɛɛyi syɛ̀ɛnnɛ, ní be yanɔnʔɔri na í, ti lè Kanaan ye, ní Hɛti ye, ní Perezi ye, ní Yebusi ye, ní Amɔn ye, ní Mowabi ye, ní Ezyipiti ye, ní Amɔri ye wóri.

Ŋúnuyi 135:11

Sihɔn wi lè Amɔri syɛɛnfelegi fànʔafɔlɔ, ní Ogi wi lè Basyan fànʔafɔw, n fàra Kanaan tári fànʔafɔɔlɔ myɛ na.

Yirile 23:28

Mii a zèrenaàjiriye tórigo mɔ yɛ́ʔɛ ma, yee bee a sa Hɛvi ye ní Kanaan ye, ní Hɛti ye nɛnɛ bi léeli mɔ na.

Ezayi 41:5

Lǒgi nínge tátɛɛgéle woolo i wi nyaagi, a fyáara pye be na. Tári láʔagéle woolo i cɛ̀lɛ́, pe i nùuní ni maa.

Ezekyɛli 16:3

Mɔ a gi joo si jo: ‹Kàfɔw Yawe wi syɛ́ɛnri naa nyuu Zyerusalɛmi ma níì jo: Bi yɛlɛ ní mɔ sélimi, ní mɔ seeli ní, mɔ i nyɛ Kanaan ye tári wówaa. Mɔ tóow n pye Amɔri ye wóo, mɔ nɔ́ɔw si i nyɛ Hɛti ye wóo.

Ezekyɛli 21:7

«Syɔɔn-pya, mɔ yɛ́ɛgi fíige Zyerusalɛmi kàbangi na, mí joo tɛɛcǎnyi kánma na! Kérigèle nyaa mi joo Isirayɛli tásaligi kánma na!

Danyɛli 5:6

Lǎli bee ni a fànʔafɔw césaliga fàli, a wi sɔ̀nguri curugo, a ki wi sárigèle ceri, a wi yégunyi i cɛ̀lɛ́ ni cínɛ yiyɛɛ na.

Amɔsi 2:9

Bi gi taa mii n Amɔri ye kálagi pe yɛʔɛ̀ ma, poro bele tɔnɔganma bi pye àmɛɛ sɛdiri tíiri nyɛ lè pe fǎngi si i nyɛ àmɛɛ syɛni tíiri wóʔo nyɛ lè. Mii n be yasanri kálagi ǹjogi ni, níì be nǐnri kálagi táàma.

Córolo 13:29

Amalɛki ye i nyɛ tári wòrogulo kàbangi na. Hɛti ye, ní Yebusi ye, ní Amɔri ye si i nyɛ nyanbeleyi kúlo ni, Kanaan ye si i nyɛ wodɛ́ɛnbéle ní sólomi lɔ̀ʔɔ nyɔ́ɔ na, ní Zyuridɛnw nyɔ́ɔ na.»

Zyozuwe 17:12

Manase jáabèle da gbàn n kěyi bee syɔɔ n taa í. Kanaan ye da fɔ̀lɔ n yiri tári bee ni í.

Zyozuwe 17:18

Kàjáa nyanbeleyi kúlo a pye yele wólo àlí àmɛɛ li wírē nyɛ lè kɔligɔ tɛ́ʔɛ, yele a gi jaa si tɔ̀nɔ taa gi ni. Yele a Kanaan ye nɛnɛ yirige yaà, àlí tunmɔrɔ kapɛɛnkpumɔn-wòtorobéle wírē nyɛ be ma lè, á be fǎngi wɔ́ɔ̀ nɛʔɛ.»

Zyozuwe 24:15

Kapye yele o caa bàā báara Yawe ma í, wee má yele a ra báara lè, ye wee bee nyɛ́nɛ ye wòlo níjanʔa, gee bee n jo kolocɔlɔbèle bele má yele tóolɛɛbèle da ni báara lè cábigi jeligɔgee na, wàlá Amɔri ye tári ni yele tɛ́ɛn lè, poro kolocɔlɔbèle. Mii ní mii kpáagi wòolo si na, Yawe má wolo a ra báara.»

Zyozuwe 3:16

lǎli bee ni lǒgi gi yìrigí ǹjoʔo ma ni fóo ni tíri lè, a koro yére yaà n kpoʔolo kiyɛɛ na. A lǒgi bee kpoʔolo kiyɛɛ na fwɔɔ n sáà nan Saritan taana kěgi na pe yiri lè Adami. Gee si ki da ni fóo ni syée Araba Sólomi Lɔ̀ʔɔ ma lè, ki lè solonɛʔɛmi lɔ̀ʔɔ a koro sɔ̀lɔ n tìgi kelekele n ceri. A syɛ́ɛnbèle Zyuridɛnw jeli Zyeriko zǐnmi na.

Zyozuwe 3:17

Sáriga-wòlobèle pe da Yawe joogaanni kásu láa lè, a poro sámaga n yére tɛɛwaagi ni n kòro nya Zyuridɛnw nínge ni. A Isirayɛli ye myɛ i sɔ̀lɔ́ tɛɛwaagi ni fwɔɔ n taa a syɛɛnfelegi myɛ baa sɔ̀lɔ n kwɔ́ɔ n Zyuridɛnw jeli.

Tɛ̀ɛnnɛ 18:10

Pe a canʔana yére léelige ki wɔʔɔli fyáara kéele na sáā gi nyuu si jo: «Wɔʔɔli, wɔʔɔli i nyɛ mɔ na, kèkpɔɔgi Babilɔni, mɔ wee wi da nìri lè nya! Ncan mɔ kútiiw n ceri lɛ́ɛri nibin nínge ni!»

Jàbɔbèle 1:1

Zyozuwe kùúli kàdoʔo ma a Isirayɛli ye Yawe yíbe níì jo: «Wìí wi a lúgu kári wolo ni Wozeliw Kanaan ye kánmi na bi sa kapɛɛnni kpúmɔn ní be ní?»

Jàbɔbèle 11:23

Amɛɛ si Yawe Isirayɛli Kolocɔlɔw Amɔri ye tɛ́ɛgi syɔɔ n kaan wi syɛ́ɛnbèle Isirayɛli ye ma lè, mɔ si ba gi nɛnɛ syɔɔ lé?

Jàbɔbèle 3:3

Syɛɛnfeleyi bee yi nyɛ Filisitini ye fànʔafɔbèle kagunɔ, ní Kanaan ye myɛw, ní Siidɔn ye, ní Hɛvi ye be pye lè wodɛ́ɛnbéle ní Liban nyanbeleyi kúlo ni, nlaa Baali-Hɛrimɔn nyanbelegi na fwɔɔ n sáà nan Lebo-Hamati na.

Jàbɔbèle 4:2

A Yawe si be le Yabɛn kɔ́yi ni wi pye lè Kanaan ye fànʔafɔwaa. Hasɔɔri ni wi da pye wodɛ́ɛɔn ní fǎngi na. Wi kapɛɛnkpumɔnbèle kàfɔlɔ wi da pye Sisera. Woro maa pye wodɛ́ɛɔn ní Harosyɛti-Goyimi ni.

1 Samyɛli 25:37

A ki ga pye nyǐngi nyɔ́ɔ na, lǎli ni dùvɛɛnw cèlege Nabali ni lè, gee gi kpéʔele lè a wi céw gi joo n tɛ̀ɛn wi na. A wi zɔ̌nw kàri n pye àmɛɛ kàdɛnɛgɛ nyɛ lè.