Zyozuwe 4:6 - Cebaara Bible 2010

⁶ jàngó gee bee í pye fɛ̀ɛ yele níngi ni. Lǎli ni yele pìíbèle ga kɔ́ baa yele yíbe lè nyɛ̀ʔɛna níì jo: ‹Nyàʔá gi nyɛ kàdɛnɛyi naa kɔ́rɔ yele ma?›

Zyozuwe 4:6 Iomraidhean Croise

Ŋúnuyi 44:1

Ŋúnuŋùúbèle kùndigi wóʔo. Kore jáabèle wóʔo. Tamana ŋúnugo.

Ŋúnuyi 71:18

Ee Kolocɔlɔɔ, àlí mii ga baa lɛɛ, a mii ǹjoori fílige, mɔ a kɔ́ mii cée í, koro ga pye mii í da mɔ fangi kéele nyuu lǎli naa syɛ̀ɛnnɛ ma, mii í ba ra mɔ séew kéele nyuu bele myɛ ma pe a ba yìri lè kàdoʔo ma.

Yirile 12:14

Cángi bee a kòro yele ma sɔ̀ngudaara canʔa. Yele a gi yaʔa Yawe ma fɛ́tii. Gee bee a kòro yele yirigèle myɛ syɛ̀ɛnnɛ ma bàngwɔɔ làlwa.

Yirile 13:14

Mɔ piiw ga kɔ́ baa mɔ yíbe nyɛ̀ʔɛna níì jo: ‹Nyàʔá gi nyɛ gee bee pyele kɔ́rɔ?› Mɔ a wi yari: ‹Yawe n wolo yirige púlori kpaʔa ni, Ezyipiti ni, ní wi séew kɔ́lɔ ní.

Yirile 13:9

Gee bee a pye mɔ ma fɛ̀ɛ mɔ kɔ́gi na, ní sɔ̀ngudaara yáriga mɔ nyapiigèle lariga ni, koro ga pye Yawe làlwaw í pye mɔ nyɔ́ɔgi na. Níì cán Yawe n mɔ yirige Ezyipiti ni ní wi séekpɔɔw kɔ́lɔ ní.

Yirile 31:13

«Ki joo Isirayɛli ye ma mí be pye: ‹Ki n yɛlɛ yele í tɔ̀nɔ́ mii cândɛnɛyi yaʔa. Gee bee a pye fɛ̀ɛ mii ní yele níngi ni yele yìrigèle myɛ syɛ̀ɛnnɛ ma, wee báriga ni pe a gi cán lè bi cán mii wi nyɛ Yawe, wee wi yele sámagi ni yaari wiyɛɛ ma lè.

Ezayi 38:19

Wee wi lè niweew, wee wi lè niweew, woro wi mɔ kpɔ̀ʔɔrɔ́ àmɛɛ mii nyɛ ni gi kpéʔele lè níjanʔa. Tofɔlɔ i mɔ funviiw kéele nyuu wi pìíbèle ma.

Ezayi 55:13

Siipirɛ tíire a fìin wúuro tiipiire sindɛʔɛ ni, miiriti tíire a fìin wúuro tírire sindɛʔɛ ni. Gee bee a Yawe mɛ́ɛgi kpɔ́ʔɔ, gee bee a pye bàngwɔɔ fɛ̀ɛ, wee wi lè wi a kwɔ́ɔ bi nyaa í.»

Ezekyɛli 20:12

Mii n wɔ́ɔ̀ mii cândɛnɛyi kaan be ma, yoro í pye fɛ̀ɛ mii ní be níngi ni, koro ga pye pe gi cán mii wi nyɛ Yawe, mii wee wi poro yaari kɔlɔ̀ na niyɛɛ ma lè.

Ezekyɛli 20:20

Ye mii cândɛnɛyi yaʔa, yi pye fɛ̀ɛ mii ní yele níngi ni, fɛ̀ɛ́wee báriga ni yele a gi cán lè bi cán mii wi nyɛ Yawe wi lè yele Kolocɔlɔw.

Kapyegèle 2:39

Níì cán Kolocɔlɔɔ maa li nyɔ́ɔgi fàli yele ní yele pìíbèle ma n fàra bele myɛ na be nyɛ lè léelige, poro bele kánma wolo Kàfɔw Kolocɔlɔɔ a yeri lè.»

Làlwaw Kaanziin 11:19

Yaa yele pìíbèle tama di na. Mɔ ga pye wodɛ́ɛɔn ní mɔ kpáagi ni yoo, mɔ ga pye tánʔana na yoo, mɔ ga sínɛ yoo, mɔ ga yìri yoo, da di kéeli nyuu be ma.

Zyozuwe 22:27

Kàjáa ki a pye séera wolo ní yele níngi ni, si wɔ́ɔ ba pye séera wolo yòdaʔayi ní yele wóyi nínge ni naa wolo kàdoʔo ma jàngó wolo í kòro bàā Yawe sériw kèlē kpéʔele bàā wolo sáriga-sórigow, ní wolo sárigaw yaweegéle, ní wolo pínɛnyɛnnɛgi sáriga wóo Yawe ma wi kpɔ̀ʔɔrɔli kpaʔa yɛ́ʔɛ ma. Ki a pye séera jàngó yele pìíbèle a kɔ́ ba gi joo wolo wóbèle ma nyɛ̀ʔɛna í si jo: ‹Lɛɛlɛ o nyɛ yele ma Yawe kéeli ni í.›

Zyozuwe 4:21

A wi gi joo Isirayɛli ye ma níì jo: «Yele pìíbèle ga kɔ́ baa yele yíbe nyɛ̀ʔɛna níì jo: ‹Nyàʔá gi nyɛ kàdɛnɛyi naa kɔ́rɔ?›

Zyozuwe 4:5

A Zyozuwe baa be pye: «Yaa syée ye sa kàdɛnɛyɛ nibin nibin láa Yawe yele Kolocɔlɔw joogaanna kásu yɛ́ʔɛ ma Zyuridɛnw nínge ni ye taʔala yele fókaannyunyi na bi yɛlɛ ní Isirayɛli ye syɛɛnfeleyi nyɔ́ɔ ní,