Zyozuwe 4:5 - Cebaara Bible 2010

⁵ A Zyozuwe baa be pye: «Yaa syée ye sa kàdɛnɛyɛ nibin nibin láa Yawe yele Kolocɔlɔw joogaanna kásu yɛ́ʔɛ ma Zyuridɛnw nínge ni ye taʔala yele fókaannyunyi na bi yɛlɛ ní Isirayɛli ye syɛɛnfeleyi nyɔ́ɔ ní,

Zyozuwe 4:5 Iomraidhean Croise

Sélimɛ 31:46

Koro kàdoʔo ma a Zyakɔbi gi joo wi senyɛnbèle ma níì jo: «Ki n yɛlɛ ye kàdɛnɛrɛ jóo.» A be kàdɛnɛri jóo n kpoʔolo gboolo níì lìi nɛɛ bee kàdɛnɛgbooli na.

Yirile 24:4

A Mowizi Yawe syɛ́ɛnri myɛ sɛ́bɛ. Koro kàdoʔo ma a wi sɔ̀li n yìri n sáriga-wòlo-yafanʔa faan nyanbelegi tìgimɛ ni, n fàra gàángéle kɛɛ ní siin na n yɛlɛ ní Isirayɛli syɛɛnfeleyi kɛɛ ní siin nyɔ́ɔ ní.

Làlwaw Kaanziin 27:2

Táree Yawe mɔ Kolocɔlɔw a kaan mɔ ma lè, cángee na yele ga Zyuridɛnw jeli n jée di ni lè, mɔ a kàdɛnɛgboloyo láa bi yérige, si yi pɔ̀li ní làsofiio ní,

Làlwaw Kaanziin 9:1

«Ki n yɛlɛ mi lóʔo Isirayɛli. Mɔ wi a Zyuridɛnw jeli wee níjanʔa, syɛɛnfeleyee yi nɛʔɛ lè á yi séew wɔ́ɔ̀ nɛʔɛ n sɔ̀lɔ mɔ wów na, mɔ a yee bee tára syɔɔ yi ma bi taa, si wɔ́ɔ kèkpoloyi taa, yee tòbēle be tɔnɔ fwɔɔ n sáà nan nyɛ̀ʔɛni na lè.

Zyozuwe 22:10

Lǎli ni Wurubɛn ye, ní Gadi ye, ní Manase syɛɛnfelegi tíla sáà nan lè Zyuridɛnw na, ní sèʔé i nyɛ Kanaan tári ni, a be kàdɛnɛyɛ tɛ́ʔɛ n sáriga-wòlo-yafaangbɔʔɔ faan wojanga ní, Zyuridɛnw nyɔ́ɔ na.

Zyozuwe 4:4

A Zyozuwe nǎnbèle kɛɛ ní siin yeri, bele wi da nyɛ́nɛ n wòlo lè Isirayɛli ye níngi ni syɛɛnfelege o syɛɛnfelege ni, nàɔn nibin.

Zyozuwe 4:6

jàngó gee bee í pye fɛ̀ɛ yele níngi ni. Lǎli ni yele pìíbèle ga kɔ́ baa yele yíbe lè nyɛ̀ʔɛna níì jo: ‹Nyàʔá gi nyɛ kàdɛnɛyi naa kɔ́rɔ yele ma?›