Zyozuwe 4:10 - Cebaara Bible 2010

¹⁰ Sáriga-wòlobèle pe da joogaanni kásu láa lè, pe maa yére n kòro nya Zyuridɛnw nínge ni fwɔɔ bi taa gee Yawe da joo n gbàn Zyozuwe ma wi joo syɛ́ɛnbèle ma lè, n yɛlɛ ní gee myɛ ní Mowizi da joo n yaʔa Zyozuwe ma lè koro myɛ í foro. A syɛ́ɛnbèle jeli kelekele.

Zyozuwe 4:10 Iomraidhean Croise

Ŋúnuyi 119:60

Mii ga gi yaʔa kàdoʔo ma í, mii n kɔlɔ̀ wári ni sɔ̀ngí mɔ kajoodɛɛngèle kéele na.

Yirile 12:39

Míibirigegi pe da láa n yiri Ezyipiti ni lè, a be gee bee sámaga búrupiigéle n fwɔ́ɔ ki ní sìnyìri ni. Ki maa kòro sìnyìri ni, níì cán pe da be nɛnɛ n yirige Ezyipiti ni wii. Pe da gbàn n yére n mɔn í, pe ga kôdanʔa lìile sámaga peyɛɛ ma í.

Kàseegèle 27:1

Mɔ a kɔ́ ra miyɛɛ gbɔ́ʔɔgi nyɛ̀ʔɛna kéeli na í, níì cán gee canʔa nibin a gbǎn see lè, mɔ ga gi cán í.

Syɛɛnjóow 9:10

Yariga o yariga mɔ kɔ́gi ga taa bàā kpéʔele lè, da gi kpéʔele ní mɔ fangi myɛ ní. Níì cán kapyele, ní katimanana, ní cánna, ní sícilimɛ o yaà kúbèle tɛɛkòrogo ni beè mɔ syée lè í.

Ezayi 28:16

Gee bee na Kàfɔw Yawe syɛ́ɛnri naa joo níì jo: «Wéle, mii n kàdɛnɛgɛ le kàpɔɔn Siyɔn ni, kàdɛnɛgee gi sɛʔɛ n wéle lè, jɛ̀ɛ́nnɛ kadɛnɛgɛ, gee gi nyɛ lè lɔgbanra wóʔo, kàpɔɔnwee wi sámaga n yére lè, wee wi ga wiyɛɛ daʔa wee bee na lè, wee bee a ní foo bàā fé í.

2 Korɛnti ye 6:2

Níì cán wi n gi joo níì jo: «Mii n mɔ nyɛ́ɛrigi lóʔo làrijǎnni ni, ní wɔ́ɔ̀ mɔ dɛ̀ɛmɛ syɔɔli canʔa na.» Wéle, tɔ́ɔliw naa wi nyɛ làrijǎnni, wéle, níjanʔa wi nyɛ syɔɔli canʔa.

Làlwaw Kaanziin 31:9

A Mowizi làlwaw bee sɛ́bɛ, níì wi kaan sáriga-wòlobèle ma pe lè Levii jáabèle, poro bele be pye lè Yawe joogaanni kásu tugofɔɔlɔ, ní wɔ́ɔ̀ wi kaan Isirayɛli wólɛɛbèle myɛ ma.

Zyozuwe 24:11

A yele Zyuridɛnw jeli n sáà nan Zyeriko na. A Zyeriko ye kapɛɛnnɛ kpúmɔn ní yele ní n fàra Amɔri ye, ní Perezi ye, ní Kanaan ye, ní Hɛti ye, ní Giirigasi ye, ní Hɛvi ye,ní Yebusi ye na. A mii be le yele kɔ́yi ni.

Zyozuwe 3:13

Yawe wi lè tári myɛ Kàfɔlɔ, sáriga-wòlobèle be wi joogaanni kásu lée lè, poro ga tɛ́nɛ sáà nyɔ̌ngèle le Zyuridɛn lógi ni, lǎli bee ni Zyuridɛn lógi a ceri. Gee gi yìrigí ǹjoʔo ma ni fóo ni tíri lè, koro a yére bi kpoʔolo yaà.»

Zyozuwe 4:11

Lǎli ni syɛ́ɛnbèle myɛ jeli n kwɔ́ɔ lè péw, a sáriga-wòlobèle náà sɔ̀lɔ n kíni pe yɛ́ɛgi na ní Yawe joogaanni kásu ní.

Zyozuwe 4:9

Sáriga-wòlobèle pe da joogaanni kásu láa lè, tɛ́ɛgee ni poro da yére tɔ́lɔyi na lè, a Zyozuwe kàdɛnɛyaa kɛɛ ní siin taʔala yaà yiyɛɛ na tɛ́ɛgi bee ni Zyuridɛnw nínge ni. Yi i yaà fwɔɔ n baa nan níjanʔa na.