Zyozuwe 3:8 - Cebaara Bible 2010

⁸ Mɔ si na, sáriga-wòlobèle be joogaanni kásu láa lè, ki n yɛlɛ mi syɛ́ɛnri naa joo mi gbàn be ma mí be pye: ‹Yele ga sáà nan Zyuridɛn lógbew na, ye yére Zyuridɛnw ni.› »

Zyozuwe 3:8 Iomraidhean Croise

2 Fànʔafɔbèle 2:6

A Elii wi pye: «Kòro nɛɛ naa, níì cán Yawe n mii tun Zyuridɛnw ma.» A wi wi yari: «Amɛɛ Yawe nyɛ lè sìi na, ní àmɛɛ mɔ pili nyɛ lè sìi na, mii a tée mɔ yaʔa í.» A be myɛ siinw taʔa n fala be kólogi na.

2 Cányi kèlē 29:15

A pe be senyɛnbèle kpóʔoro, a pe ga peyɛɛ sámaga-nyɔɔni fáli kpéʔele n kwɔ́ɔ, a be pan n baa Yawe kpáagi jéemununɔ fáli kpéʔele n yɛlɛ ní gee ní fànʔafɔw joo n gbàn lè, á gi pye n yɛlɛ ní Yawe syɛɛnjóori ní.

2 Cányi kèlē 29:27

A Ezekyasi jo be sáriga-sórigow wòlo sáriga-wòlo-yafaangi na. Lǎli ni be séli sáriga-sórigow wòlolo na lè, a Yawe ŋúnugi wɔ́ɔ̀ séli, n fàra búrubèle wìile na ní Isirayɛli fànʔafɔw Davidi yatingbumɔnri ní.

2 Cányi kèlē 29:30

Koro kàdoʔo ma a fànʔafɔw Ezekyasi ní syɛɛnkpolobèle Levii ye pye paa Yawe kpɔ̀ʔɔrɔ́ ní Davidi syɛ́ɛnri, ní kanyaaw Azafi syɛ́ɛnri ní. A be i wi kpɔ̀ʔɔrɔ́ ní fundaanra ní, níì lɛ̀ɛlɛ n tìgi n too n cíbele.

2 Cányi kèlē 30:12

Kolocɔlɔɔ kɔ́gi maa wɔ́ɔ̀ báara Zyuda ni n funnijanga kaan be ma, n gi yaʔa a be gi kpéʔele n yɛlɛ ní gee ní fànʔafɔw ní syɛɛnkpolobèle da joo n gbàn lè n yɛlɛ ní Yawe syɛ́ɛnri ní.

Nehemii 13:22

A mii Levii ye pye pe peyɛɛ jéemununi fáli kpéʔele, pé pan pe ba ra kpàánweegèle kɔ̀rɔsíi, koro ga pye be cândɛnɛgi sámaga nyɔɔ. Ee mii Kolocɔlɔw, sɔ̀ngi mi taa mii na kéeli bee na wɔ́ɔgēle, mí nyinimɛ taa mii na mi yɛlɛ ní mɔ nyininɛʔɛmi ní.

Nehemii 13:28

Yoyada wi lè sáriga-wòlobèle kàfɔlɔ Eliyasyibi jáaw, woro pìiwaa maa pye Horɔn ye Sanbala pyà nàɔn. Koro na mii wi nɛnɛ n núngo niyɛɛ daana.

Yirile 14:13

A Mowizi gi joo syɛ́ɛnbèle ma níì be pye: «Yele a kɔ́ ra fɛ̀ɛgí í. Ki n yɛlɛ ye yére sági, yele a gi nyaa kánmee na Yawe a yele syɔɔ lè níjanʔa. Níì cán Ezyipiti ye yele nyaagi lè bele níjanʔa, yele a ní be nyaa nyáana í.

Kayaagi Nyɛnigɛ 3:26

Bàā syɔɔli sigi pyèrio, lee Yawe a kaan lè, gee bee n nyɔɔ.

Zyozuwe 3:17

Sáriga-wòlobèle pe da Yawe joogaanni kásu láa lè, a poro sámaga n yére tɛɛwaagi ni n kòro nya Zyuridɛnw nínge ni. A Isirayɛli ye myɛ i sɔ̀lɔ́ tɛɛwaagi ni fwɔɔ n taa a syɛɛnfelegi myɛ baa sɔ̀lɔ n kwɔ́ɔ n Zyuridɛnw jeli.

Zyozuwe 3:3

n syɛ́ɛnri naa joo n gbàn syɛ́ɛnmi ma níì jo: «Levii ye wóbèle be lè sáriga-wòlobèle, lǎli ni yele ga be nyaa a be Yawe yele Kolocɔlɔw joogaanna kásu láa lè, tɛ́ɛgi naa ni yele nyɛ lè ki n yɛlɛ ye yiri gi ni ye taʔa wi na.

Zyozuwe 3:7

A Yawe gi joo Zyozuwe ma níì wi pye: «Níjanʔa mii a mɔ kpɔ́ʔɔli kéele séli Isirayɛli ye myɛ nyɛ́nɛ na, koro ga pye pe gi cán bi cán mii i nyɛ ní mɔ ní àmɛɛ mii da pye ní Mowizi ní lè.

Zyozuwe 3:9

A Zyozuwe Isirayɛli ye pye: «Ki n yɛlɛ ye nùuni nɛɛ naa ye ba Yawe yele Kolocɔlɔw syɛ́ɛnrɛ lóʔo.»

Zyozuwe 4:11

Lǎli ni syɛ́ɛnbèle myɛ jeli n kwɔ́ɔ lè péw, a sáriga-wòlobèle náà sɔ̀lɔ n kíni pe yɛ́ɛgi na ní Yawe joogaanni kásu ní.