Zyozuwe 3:7 - Cebaara Bible 2010

⁷ A Yawe gi joo Zyozuwe ma níì wi pye: «Níjanʔa mii a mɔ kpɔ́ʔɔli kéele séli Isirayɛli ye myɛ nyɛ́nɛ na, koro ga pye pe gi cán bi cán mii i nyɛ ní mɔ ní àmɛɛ mii da pye ní Mowizi ní lè.

Zyozuwe 3:7 Iomraidhean Croise

1 Cányi kèlē 29:25

A Yawe Salomɔn yìrige ǹjoʔo ma gbanʔama Isirayɛli ye myɛ nyɛ́nɛ na, níì wi fǎngi pye a gi nyɔɔ ni daragi n sɔ̀lɔ Isirayɛli fànʔafɔbèle bele myɛ wóyo na be pye naa wi yɛʔɛ̀ ma lè.

2 Cányi kèlē 1:1

A Davidi jáaw Salomɔn fǎngi tɔ̀nɔ n báriga. Yawe wi Kolocɔlɔw maa pye ní wi ní, níì wi yìrige njoʔo ma gbanʔama.

Zyɔbi 7:17

Syɔɔn wi nyɛ nyàʔá, koro ga pye mɔ í wi kpɔ́ʔɔ nya? Koro ga pye mɔ fúngi í pye wi na kánmi naa na?

Ŋúnuyi 18:35

Woro wi mii kɔ́yi tama kapɛɛnni na, fwɔɔ a mii kɔ́diriyi gbàn ni kanyɛɛnri sedege kíle.

Zyan 17:1

Kérigèle bee joolo kadoʔo ma, a Zyezu wi yɛ́ɛgi yìrige ni wéle nyɛ̀ʔɛni na níì jo: «Mii Tóow, lǎli n nan, nìjangbɔɔri taʔa mɔ Jáaw na, koro ga pye Jaafɔw si wɔ́ɔ nìjangbɔɔri taʔa mɔ na,

Filipikaʔa ye 1:20

N yɛlɛ ní gee ní mii sige lè ní fundaanra ní, ní gee gi nyɛ lè mii sɔ̀ngumi tɛɛtaʔaga, fɛ̀ɛrɛ a tɔ̀nɔ́ ba mii taa keelaa faala na í. Kàjáa mii ga pye sìi na yoo, a mii náà kùu yoo, mii i nànzorodo kpéʔele koro ga pye Kirisi í kpɔʔɔrɔ taa mii céri ni tɔ́ɔliw ni àmɛɛ ki da tée ni kpéʔele lè làrigèle myɛ ni.

Zyozuwe 1:17

Wolo a ra lúro mɔ ma àmɛɛ wolo da ni lúro Mowizi ma kérigèle myɛ ni lè. Ki n yɛlɛ Yawe mɔ Kolocɔlɔw í tɛ́nɛ pye ní mɔ ní àmɛɛ wi da pye ní Mowizi ní kánmee na lè.

Zyozuwe 1:5

Mɔ siiw canya myɛ ni syɔɔn faala a gbǎn fànʔa taa bi yére mɔ sige í. Mii i nyɛ ní mɔ ní àmɛɛ mii da pye ní Mowizi ní lè. Mii a tée mɔ yaʔa í, mii a tée mɔ cáan yaʔa í.

Zyozuwe 1:9

Mii ban wi gi joo n gbàn mɔ ma ì níì jo ki n yɛlɛ mi nìrimɛ le, mí lòmaana le ì? Mɔ a kɔ́ ra fɛ̀ɛgí í. Zɔ̀nviige ga yɛlɛ kaa mɔ kɔɔn í, níì cán tɛʔɛ o tɛʔɛ ni mɔ ga kári lè, mii Yawe mɔ Kolocɔlɔw i nyɛ ní mɔ ní.»

Zyozuwe 3:6

A Zyozuwe gi joo sáriga-wòlobèle ma níì be pye: «Ki n yɛlɛ ye joogaanni kásu láa ye kíni syɛ́ɛnbèle yɛ́ʔɛ na.» A be joogaanni kásu láa n kíni syɛ́ɛnbèle yɛ́ʔɛ na.

Zyozuwe 3:8

Mɔ si na, sáriga-wòlobèle be joogaanni kásu láa lè, ki n yɛlɛ mi syɛ́ɛnri naa joo mi gbàn be ma mí be pye: ‹Yele ga sáà nan Zyuridɛn lógbew na, ye yére Zyuridɛnw ni.› »

Zyozuwe 4:14

Cángi bee na a Yawe Zyozuwe kpɔ́ʔɔ Isirayɛli ye myɛ nyɛ́nɛ na, a be i fɛ̀ɛgí wi na wi sìíw canya myɛ ni àmɛɛ pe da ni fɛ̀ɛgí Mowizi na lè.