Zyozuwe 3:5 - Cebaara Bible 2010

⁵ A Zyozuwe gi joo syɛ́ɛnbèle ma níì be pye: «Ki n yɛlɛ ye yeyɛɛ zámaga ye yaʔa, níì cán nyɛ̀ʔɛna Yawe a kakpoloyo kpéʔele yele níngi ni.»

Zyozuwe 3:5 Iomraidhean Croise

Zyɔbi 1:5

Lìigboloyi bee canya ga foro, Zyɔbi n tun pe n sáà wi jáabèle yeri, wi n baa be sámaga-nyɔɔni fáli kpéʔele. Wi i gáà sɔ̀li n yìri n sáriga-sórigoo wòlo pe myɛ nibin nibin kéele na. Zyɔbi i gáà jo: «Dɔ̀ʔɔ́ mii jáabèle n kapeele pye, níì dánga syɛ́ɛnrɛ joo n wáa Kolocɔlɔɔ na be fúngi ni.» Koro Zyɔbi da tàli ni kpéʔele.

Ŋúnuyi 77:15

Mɔ wi nyɛ Kolocɔlɔɔ, wee wi kakpoloyo kpéʔele lè. Mɔ n mɔ séew tɛ̀ɛn syɛɛnfeleyi nínge ni.

Ŋúnuyi 86:10

Níì cán mɔ n kpɔ́ʔɔ, mɔ i kakpoloyo kpéʔele, mɔ nibin wi nyɛ Kolocɔlɔɔ.

Zyowɛli 2:16

Ye syɛ́ɛnbèle kpóʔoro, ye kpóʔorojànna kpéʔele! Ye wolɛɛbèle kpóʔoro, ye pìíbèle kpóʔoro, àlí pìíbèle be ŋɔri lè! Cefɔnw fɔ́lɔ n yɛlɛ bi yiri wi kpaafungi ni, cefɔnw í yiri wi tɛɛ̀sinɛgi ni!

Levii ye sáriga-wòlori 10:3

Lǎli bee ni a Mowizi gi joo Aarɔn ma níì jo: «Gee bee Yawe da joo níì jo: ‹Syɛ́ɛnbèle bele be nùuni mii na lè, mii a mii sínni tɛ̀ɛn be na. Si kpɔʔɔrɔ taa syɛ́ɛnbèle myɛ nyɛ́nɛ na.› » A Aarɔn pyèri.

Levii ye sáriga-wòlori 20:7

Ki n yɛlɛ yele í yeyɛɛ jée mùnu, yele a pye wojanbéle ní, níì cán mii wi nyɛ Yawe yele Kolocɔlɔw.

Córolo 11:8

Syɛ́ɛnmi maa ni caragi ni wi koli, ní i wi tire tírege na, wàlá ni wi súu súgo ni. Pe maa ni wi soori kòdɔɔlɔ ni, ní i wàa sámagi ŋɔ̀mi. Wi tàánmi maa pye mɔ a jo sìnmɛ kàgbalaya wómɔ bii.

Zyan 17:19

Mii i niyɛɛ zámagi ni yaari mɔ ma be kéeli na koro ga pye mɔ í wɔ́ɔ ra be sámagi da yaari miyɛɛ ma kányɛɛgi báriga ni.

Zyozuwe 3:13

Yawe wi lè tári myɛ Kàfɔlɔ, sáriga-wòlobèle be wi joogaanni kásu lée lè, poro ga tɛ́nɛ sáà nyɔ̌ngèle le Zyuridɛn lógi ni, lǎli bee ni Zyuridɛn lógi a ceri. Gee gi yìrigí ǹjoʔo ma ni fóo ni tíri lè, koro a yére bi kpoʔolo yaà.»

Zyozuwe 3:15

Ki si maa pye yaliiri làrilaala ni. Lǎli bee ni Zyuridɛnw gáà nyìn n kabi n fala seʔe tári ni. Sáriga-wòlobèle be joogaanni kásu láa lè, a poro ga sáà nan Zyuridɛnw na níì be tɔ́lɔyi le lǒgi ni kàgogi na,

Zyozuwe 3:4

Cúlo nibin félege si n yɛlɛ wi pye yele ní wi níngi ni, yele a kɔ́ nùuni wi na í. Kólogee yele yɛlɛ bi láa lè, woro wi a gi tɛ̀ɛn yele na, níì cán yele ga kɔ́ɔ̀ sɔ̀lɔ n nyaa kólogi bee ni í.»

Zyozuwe 3:6

A Zyozuwe gi joo sáriga-wòlobèle ma níì be pye: «Ki n yɛlɛ ye joogaanni kásu láa ye kíni syɛ́ɛnbèle yɛ́ʔɛ na.» A be joogaanni kásu láa n kíni syɛ́ɛnbèle yɛ́ʔɛ na.

Zyozuwe 7:13

Yìri mi syɛ́ɛnbèle jéemununɔ fáli kpéʔele. Mɔ a be pye: ‹Ye yeyɛɛ jéemununi fáli kpéʔele nyɛ̀ʔɛna yɛ́ʔɛ na, níì cán Yawe wi lè Isirayɛli ye Kolocɔlɔw, wi n jo: Yele Isirayɛli ye, yáriree mii da yele pye lè yele a kɔ́ di láa í, di tàa i nyɛ yele níngi ni. Yele si ga pye yele ga di yirige yeyɛɛ níngi ni í, yele a gbǎn yére yele nigoobèle sige í.

1 Samyɛli 16:5

A wi be yari: «Li n tɛ́nɛ. Sáriga mii pan ba wòlo Yawe ma. Ki n yɛlɛ ye yeyɛɛ jéemununi fáli kpéʔele, yáā maa ní mii ní sárigaw ma.» A wi wɔ́ɔ̀ Izayi ní wi jáabèle jéemununɔ fáli kpéʔele níì be yeri sárigaw na.