Zyozuwe 3:4 - Cebaara Bible 2010

⁴ Cúlo nibin félege si n yɛlɛ wi pye yele ní wi níngi ni, yele a kɔ́ nùuni wi na í. Kólogee yele yɛlɛ bi láa lè, woro wi a gi tɛ̀ɛn yele na, níì cán yele ga kɔ́ɔ̀ sɔ̀lɔ n nyaa kólogi bee ni í.»

Zyozuwe 3:4 Iomraidhean Croise

Sélimɛ 31:2

A Zyakɔbi gi kɔ̀rɔsíi n gi nyaa Laban yɛ́ɛgi ga níì pye ki kanlɛɛmi na woro kàbangi na í.

1 Cányi kèlē 11:2

Lǎli li sɔ̀lɔ n kwɔ́ɔ lè, àlí n sèʔê Sawuli yaʔa fànʔafɔlɔ, mɔ wi da ni Isirayɛli ye yɛ́ɛgi kínigi ni syée ní i lúrugu ni maa ní be ní, á Yawe mɔ Kolocɔlɔw mɔ pye: ‹Mɔ a ba pye mii syɛ́ɛnbèle Isirayɛli ye nàʔafɔw. Mɔ wi a ba pye mii syɛ́ɛnbèle Isirayɛli ye kùndigiw.› »

Ŋúnuyi 25:12

Syɔ́ɔnwee wi fɛ̀ɛgí Yawe na lè, kólogee wi yɛlɛ bi láa lè, Yawe n ni gi tèé wi na.

Ŋúnuyi 89:7

wìí wi yaà nyɛ̀ʔɛgèle ni bi gbǎn tímana ní Yawe ní? Wìí wi nyɛ Yawe félege Kolocɔlɔɔ pìíbèle myɛ ni?

Yirile 19:12

Ki n yɛlɛ mi láʔagologo wòlo syɛ́ɛnbèle ma mi nyanbelegi màʔa mi kpàra, ki joo syɛ́ɛnbèle ma mí be pye: ‹Ki n yɛlɛ yaa kɔ̀rɔsíi, yele a kɔ́ lúgu nyanbelegi na í, wàlá bi caa kɔ́ tánga ki kàgomi na í. Syɔ́ɔnwee faala wi ga tánga lè nyanbelegi na, pe a wee bee kpóo.

Yirile 3:5

A wi jo: «Mɔ a kɔ́ nùuni nɛɛ naa í. Mɔ taʔalayi wòlo mɔ tɔ́lɔyi na. Níì cán tɛ́ɛgi ni mɔ yére lè gee, ki tári i nyɛ tɛɛcànga.»

Yirile 4:10

A Mowizi gi joo Yawe ma níì jo: «Ee Kàfɔw, jooli o syée mii ma í, n téè láa yaà, àlí n baa nan níjanʔa na mɔ nyuu ní mii ní lè, mii wi lè mɔ fálipyew. Níì cán mii tɔ̀nɔ́ o nyɛ n gbàn ni nyuu kelekele í. Mii nyɔ́ɔgi ní mii nyínni n líbe.»

Ezayi 30:33

Nlaa yaà booma ni kàjegbɔnnɔ n sámaga n kwɔ́ɔ, li n sámaga fànʔafɔw kéele na, li taanigi n cùru níì kpɔ́ʔɔ, beè náagi nyín lè, ní kàjenɛʔɛrɛ ní. Yawe nyɔ́ɔgi káfalaga i gi náagi nii àmɛɛ dìrigí-nɛʔɛɔ nyɛ lè.

Ezayi 48:17

Kàfɔw wi lè mɔ Nyunzyɔɔw, Isirayɛli Wojanw, wi n jo: «Mii wi nyɛ Yawe mɔ Kolocɔlɔw, wee wi mɔ tama mɔ tɔnɔ taara kéele na lè, mii i kínigi mɔ yɛ́ɛgi na kólogi ni, gee ni mɔ táanri lè.

Zyozuwe 3:3

n syɛ́ɛnri naa joo n gbàn syɛ́ɛnmi ma níì jo: «Levii ye wóbèle be lè sáriga-wòlobèle, lǎli ni yele ga be nyaa a be Yawe yele Kolocɔlɔw joogaanna kásu láa lè, tɛ́ɛgi naa ni yele nyɛ lè ki n yɛlɛ ye yiri gi ni ye taʔa wi na.

Zyozuwe 3:5

A Zyozuwe gi joo syɛ́ɛnbèle ma níì be pye: «Ki n yɛlɛ ye yeyɛɛ zámaga ye yaʔa, níì cán nyɛ̀ʔɛna Yawe a kakpoloyo kpéʔele yele níngi ni.»