Zyozuwe 3:16 - Cebaara Bible 2010

¹⁶ lǎli bee ni lǒgi gi yìrigí ǹjoʔo ma ni fóo ni tíri lè, a koro yére yaà n kpoʔolo kiyɛɛ na. A lǒgi bee kpoʔolo kiyɛɛ na fwɔɔ n sáà nan Saritan taana kěgi na pe yiri lè Adami. Gee si ki da ni fóo ni syée Araba Sólomi Lɔ̀ʔɔ ma lè, ki lè solonɛʔɛmi lɔ̀ʔɔ a koro sɔ̀lɔ n tìgi kelekele n ceri. A syɛ́ɛnbèle Zyuridɛnw jeli Zyeriko zǐnmi na.

Zyozuwe 3:16 Iomraidhean Croise

Sélimɛ 14:3

A bele bee myɛ sáà peyɛɛ gbóʔoro Sidiimi jǐnlɔgi ni. Tɛ́ɛgi bee gi nyɛ Solonɛʔɛmi lɔ̀ʔɔ.

1 Fànʔafɔbèle 4:12

Ahiludi jáaw Baana kɔ́lɔ na Taanaki, ní Megido, ní Bɛti-Syeyan myɛ da pye, Bɛti-Syeyan wi lè Saritan taana, Zyizireyɛli tìgimi ni, n séli Bɛti-Syeyan na fwɔɔ n kári n sáà nan Abɛli-Mehola na, ní níì kári fwɔɔ n sáà sɔ̀lɔ Yokineyami taana.

1 Fànʔafɔbèle 7:46

Zyuridɛnw tɛɛfiige na fànʔafɔw da be pye a be di gbàla tágunw tɛ́ʔɛ ni Sukɔti ní Saritan níngi ni.

Ŋúnuyi 114:3

Sólomi lɔ̀ʔɔ n gee bee nyaa a gi fàn, Zyuridɛnw n lúru kàdoʔo ma.

Ŋúnuyi 114:5

Nyàʔá gi mɔ taa Sólomi Lɔ̀ʔɔ á mɔ fàn? Nyàʔá gi mɔ taa Zyuridɛnw á mɔ lúru kàdoʔo ma?

Ŋúnuyi 29:10

Yawe maa pye yaà wodɛ́ɛɔn ní fǎngi na lòkpɔɔgi làla ni, Yawe i nyɛ wodɛ́ɛɔn ní fànʔafɔlɔ làrigèle myɛ ni.

Ŋúnuyi 33:7

Wi i sólomi lòyo kpóʔoro ni kpoʔolo yiyɛɛ na, wi n lòcuruyi kpóʔoro n yaʔa yi tɛ́ɛyi ni.

Ŋúnuyi 66:6

Wi n sólomi lɔ̀ʔɔ kàriga n pye táwaara, pe n cábigi jeli tɔ́lɔyi na, tɛ́ɛgi bee ni, a wolo fundaanra kpéʔele wi ni.

Ŋúnuyi 74:15

Mɔ wi púloweegèle ní lòcoologi pye ki i fóo. Cábiyi yi lè yi o waari í, mɔ i yi waari.

Ŋúnuyi 77:19

Mɔ nyɛʔɛvololi maa pye káfala-sìnjinni ni, nyɛ̀ʔɛni nyɛ́ʔɛnɛmɛ n gbɛ̀ɛnmɛ yirige dulunyanw ma. Tári n cúngo níì cɛ̀lɛ.

Ŋúnuyi 78:13

Wi maa sólomi lɔ̀ʔɔ tíla níì be yaʔa a be tánʔa n sɔ̀lɔ, wi maa lǒgi yérige n kpoʔolo.

Yirile 14:21

A Mowizi wi kɔ́gi sánʔa sólomi lɔ̀ʔɔ ǹjoʔo ni. A Yawe sólomi lɔ̀ʔɔ ŋɔrigɔ yébiligi bee myɛ ni ní káfalakpɔʔɔ ní, gee gi yìri canʔafolomɔ ma lè. A gi sólomi lɔ̀ʔɔ ceri n pye tɛɛwaʔa.

Yirile 14:22

A Isirayɛli ye jée n foro sólomi lɔ̀ʔɔ nínge ni ní tɔ́lɔyi ní woweregiye ní. A lǒgi yére n pye be ma gungo pe kàliige, ní be kàmɔnɔ ma.

Yirile 14:29

Kàjáa Isirayɛli syɛ́ɛnbèle maa tánʔa n foro sólomi lɔ̀ʔɔ nínge ni ní tɔ́lɔyi ní woweregiye ní. A lǒgi yére n pye be ma gungo pe kàliige ní be kàmɔnɔ ma.

Yirile 15:8

Mɔ fínaaweegèle ŋɔ́ngara n lǒgi kpoʔolo kiyɛɛ na n yérige. Lòfóozɔ̀lɔyi n yére n pye àmɛɛ gungo nyɛ lè. Lǒgi kùnguruyo n nìri n yére sólomi lɔ̀ʔɔ nínge ni.

Ezayi 50:2

Mii pan lè, nyàʔá na mii ga baa syɔɔn faala nyaa í? Mii yeri lè, nyàʔá na syɔɔn faala ga syɔɔ í? A mii kɔ́gi kpere lé wii n sɔ̀lɔ syɔɔn syɔɔlɔ na? Fànʔa o nyɛ mii ma bi gbǎn syɔɔn syɔɔ wii ì? Mii i mii fúloli téeri ni sólomi lɔ̀ʔɔ waari, mii i cábiyi kàragí fìimɛ tára. Yi fábèle i fɔ́ɔnri lǒgi fɔ̀ngɔ kéele na, pe i kúu lògbaalaagi kéele na.

Ezekyɛli 47:8

A wi mii pye: «Lǒgi naa i syée canʔafolomɔ tɛ́nɛmi kàbaan na, ki i tíri ni jǐn Araba ni, bi sa jée sólomi lɔ̀ʔɔ ni. Lǎli ni ki ga sáà jée sólomi lɔ̀ʔɔ ni lè, ki lǒyi a kàri wojanya ní.

Nahumi 1:4

Wi i fúlo sólomi lɔ́ʔɔ na ní i gi waari, wi i cábiyi myɛ lòyo syɔɔnri. Basyan ní Karimɛli fǎngi i kálagi ni syée, Liban tiifyɛɛnri i fánagi.

Habakuki 3:8

A Yawe fúngi tanʔa lé cábiyi kurugo? Cábiyi kurugo lé mɔ fundanʔari cò naà? Sólomi lɔ̀ʔɔ kurugo lé mɔ fúngi yìri, fwɔɔ á mɔ kànʔâ lúgu mɔ syɔ́ɔnyi na, ní mɔ fandaari kapɛɛnkpumɔn-wòtorobéle na?

Córolo 34:3

Wòrogulo kàbangi a séli Sɛn fìími tára na Edɔmi taana, kánmi bee na yele láʔagologi a séli solonɛʔɛmi lɔ̀ʔɔ láʔala na, canʔafolomɔ kabangi na.

Làlwaw Kaanziin 1:1

Syɛ́ɛnri naa Mowizi joo Isirayɛli ye myɛ ma n be yaʔa Zyuridɛnw canʔafolomɔ ma, fìími tára ni, Araba ni Suf zǐnmi na, Paran, ní Tofɛli, ní Laban, ní Haserɔti, ní Di-Zahabi níngi ni.

Làlwaw Kaanziin 3:17

A mii wɔ́ɔ tɛɛfiigi kaan be ma gi tɛɛ̀laʔali li pye Zyuridɛn, n séli Kinerɛti na níì kári fwɔɔ n sáà nan tɛɛfiigi Solomɔ Lɔ̀ʔɔ na, ki lè Solonɛʔɛmi Lɔ́ʔɔ Cábikpɔʔɔ, Pisiga nyanbelegi tìgimɛ ni, canʔafolomɔ ma.

Zyozuwe 12:3

níì láa Araba ma fwɔɔ n sáà nan Kinarɔti lòkpɔɔgi na canʔafolomɔ ma, níì kári n sáà nan Araba Sólomi Lɔ̀ʔɔ na ki lè Solonɛʔɛmi Lɔ̀ʔɔ, canʔafolomɔ ma, Bɛti-Yesyimɔti kàbangi na, ní wòrogulo kàbangi na Pisiga tìgimi ni.

Zyozuwe 15:2

Pe wòrogulo kàbangi láʔagologo maa séli Solonɛʔɛmi Lɔ̀ʔɔ tɛɛ̀laʔala na, wòrogulo kàbangi na.

Zyozuwe 16:7

A gi níì láa Yanowa ma n tìgi n fala Atarɔti ní Naarata ma, n sáà sígi Zyeriko na, níì kári n sáà nan Zyuridɛnw na.

Zyozuwe 3:13

Yawe wi lè tári myɛ Kàfɔlɔ, sáriga-wòlobèle be wi joogaanni kásu lée lè, poro ga tɛ́nɛ sáà nyɔ̌ngèle le Zyuridɛn lógi ni, lǎli bee ni Zyuridɛn lógi a ceri. Gee gi yìrigí ǹjoʔo ma ni fóo ni tíri lè, koro a yére bi kpoʔolo yaà.»

Zyozuwe 4:22

Ye yi kéeli tɛ́ʔɛ ye be tama yé jo: ‹Isirayɛli ye n Zyuridɛnw naa jeli táwaara na.

Zyozuwe 5:1

Amɔri ye fànʔafɔbèle myɛ be pye lè Zyuridɛn jeligi na canʔajeemɛ ma n fàra Kanaan ye fànʔafɔbèle myɛ na be pye lè Sólomi Lòkpɔʔɔ nyɔ́ɔ na, a pe ga gi lóʔo Yawe n Zyuridɛnw waʔa Isirayɛli ye yɛ́ʔɛ ma fwɔɔ n taa a be sɔ̀lɔ, zɔ̀n ga níì pye be ni í, a fyáari be cò Isirayɛli ye yɛ́ʔɛ ma.

Jàbɔbèle 7:22

Lǎli ni nǎnbèle sirakele ní dabata tòmaayi wìi lè, a Yawe tɛɛ̀tɛ́ɛngi wòolo myɛ wáa peyɛɛ na ní ŋɔséebèle ní. A tɛɛ̀tɛ́ɛngi nànbēle yiri ni fé fwɔɔ n sáà nan Bɛti-Syita na, Serera kàbangi na, ní níì kári fwɔɔ n sáà nan Abɛli-Mehola nyɔ́ɔgi na, Tabati taana.