Zyozuwe 3:11 - Cebaara Bible 2010

¹¹ Ye wéle, wee wi nyɛ lè tári myɛ Kàfɔlɔ, woro joogaanni kásu wi a kíni yele yɛ́ɛgi na bi sa jée Zyuridɛnw ni.

Zyozuwe 3:11 Iomraidhean Croise

1 Cányi kèlē 29:11

Ee Yawe, kpɔ́ɔmi, ní fǎngi, ní gbɛ̀ɛ́nmi, ní bàngwɔɔw, ní nìjangbɔɔri i nyɛ mɔ wóro. Níì cán yáriri myɛ di nyɛ lè nyɛ̀ʔɛni, ní tári na, mɔ wóro dii. Fǎngi i nyɛ mɔ wóʔo Yawe. Mɔ wi nyɛ Kàfɔw yáriri myɛ nyúngo na.

Zyɔbi 41:11

Naanyìnye i yirigi gi nyɔ́ɔgi ni, naànijemubéle i yirigi gi ni ni syée.

Ŋúnuyi 24:1

Davidi ŋúnugi. Tári ní di yáriri i nyɛ Yawe wóro, dulunyanw ní wi fúngi syɛ̀ɛnnɛ i nyɛ Yawe wòolo!

Ŋúnuyi 97:5

Nyanbeleyi i nyangi Yawe yɛ́ʔɛ ma àmɛɛ sékuro nyɛ lè, yi i nyangi tári myɛ Kàfɔlɔ yɛ́ʔɛ ma.

Ezayi 3:12

Bele be fǎngi gbàngí mii syɛ́ɛnbèle na lè, pe i nyɛ nìbyapiire, càbala be tɛ́ɛn be nyúngi na. Mii syɛ́ɛnbèle, yele yɛɛ̀kinibèle i yele pùuní, kólogee yele táanri lè, pe i gi kálagi.

Ezayi 54:5

Níì cán mɔ Faanfɔw wi nyɛ mɔ nanbɔriw. Wi mɛ́ɛgi gi nyɛ Yawe wi lè Nyɛ̀ʔɛni Sùlasiibéle Kafɔlɔ. Isirayɛli Wojanw wi nyɛ mɔ Nyunzyɔɔw, wi mɛ́ɛgi gi nyɛ tári myɛ Kolocɔlɔɔ.

Zyeremii 10:7

Wìí wi nyɛ wi a fyáa mɔ na í, syɛɛnfeleyi fànʔafɔlɔ? Mɔ na gi yɛlɛ syɔɔn í da fɛ̀ɛgí, níì cán syɛɛnfeleyi kacanbèlē myɛ ni, ní yi fǎnyi myɛ ni, wàa faala o nyɛ mɔ félege í.

Misye 4:13

Siyɔn calipili, yìri maa tánʔana! Mii a tunmɔrɔ nyɛ́ngɛ sámaga mɔ ma, bi mɔ feriyi sámaga kanyɛɛnrɛ wóyo, mɔ a syɛɛnfele-nɛʔɛyɛ pulɔlɔ, mɔ a yi tɔ̀nɔw yaʔa kɔlɔ̀ na Yawe ma, bi yi lɔnɛʔɛri yaʔa kɔlɔ̀ na tári myɛ Kàfɔlɔ ma.

Sofonii 2:11

Yawe a pye fyáara yáriga be ma, níì cán wi a tári kolocɔlɔbèlē myɛ kálagi bi yirige yaà. Lǒgi nínge tátɛɛgéle syɛɛnfeleye myɛ a ra tíri da tuun wi yɛʔɛ̀ ma, yi myɛ nibin nibin, yi tarà ni.

Zakarii 14:9

Yawe a pye tári myɛ fànʔafɔlɔ. Cángi bee na, Yawe nibin wi a pye yaà, wi mɛ́ɛgi a pye ki nibin.

Zakarii 4:14

A wi jo: «Wonyɛnɛ-wòlobèle siin be yèré lè tári myɛ Kàfɔlɔ yɛ́ʔɛ ma, poro bɛɛ.»

Zakarii 6:5

A nyɛ̀ʔɛni tunduɔn mii yari: «Nyɛ̀ʔɛgèle káfalaya sicɛrɛ yii, yee yi yirigi tɛ́ɛgee ni yi da pye lè woyéreye ní tári myɛ Kàfɔlɔ yɛ́ʔɛ ma.»

Làlwaw Kaanziin 9:3

Ki n yɛlɛ mi gi cán níjanʔa bi cán Yawe wi lè mɔ Kolocɔlɔw, woro wi a ra syée mɔ yɛ́ɛgi na àmɛɛ naà nyɛ, gee gi sórigolo kpéʔele lè. Woro wi a be kálagi, woro wi a be cáan mɔ yɛ́ʔɛ ma, mɔ a be nɛnɛ yirige yaà, si be kálagi kwɔ́ɔ kelekele àmɛɛ Yawe gi joo mɔ ma lè.

Zyozuwe 3:13

Yawe wi lè tári myɛ Kàfɔlɔ, sáriga-wòlobèle be wi joogaanni kásu lée lè, poro ga tɛ́nɛ sáà nyɔ̌ngèle le Zyuridɛn lógi ni, lǎli bee ni Zyuridɛn lógi a ceri. Gee gi yìrigí ǹjoʔo ma ni fóo ni tíri lè, koro a yére bi kpoʔolo yaà.»