Zyozuwe 3:10 - Cebaara Bible 2010

¹⁰ A Zyozuwe jo: «Gee naa a gi tɛ̀ɛn yele na yele í gi cán bi cán Kolocɔlɔɔ woweew i nyɛ yele níngi ni, si wɔ́ɔ gi cán bi cán wi a tɔ̀nɔ́ syɛ́ɛnbèle naa nɛnɛ yele yɛ́ʔɛ ma, poro bele be nyɛ lè Kanaan ye, ní Hɛti ye, ní Hɛvi ye, ní Perezi ye, ní Giirigasi ye, ní Amɔri ye, n fàra Yebusi ye na.

Zyozuwe 3:10 Iomraidhean Croise

Sélimɛ 15:21

ní Amɔri ye wóri, ní Kanaan ye, ní Giirigasi ye, ní Yebusi ye wóri na.»

1 Fànʔafɔbèle 22:28

A Misye jo: «Mɔ ga tɔ̀nɔ n lúru n pan yɛɛ̀nyinge na, Yawe ban wi joo mii ni í.» A wi níì jo: «Yele syɛɛnfeleyi myɛ, ye lóʔo.»

2 Fànʔafɔbèle 19:4

Dɔ̀ʔɔ́ Yawe mɔ Kolocɔlɔw n sùlasiibèle myɛ kàfɔlɔ taʔara syɛ́ɛnrɛ lóʔo, dee wi kàfɔw Asirii fànʔafɔw wi tun a wi baa joo n Kolocɔlɔɔ woweew tɛʔɛlɛ lè. Dɔ̀ʔɔ́ syɛ́ɛnri Yawe mɔ Kolocɔlɔw lóʔo lè wi a wi wɔʔɔyi taʔa wi na di kéeli na. Koro na nyɛ́ɛri wolo wozanbèle kéele na wo sèʔê kòro beè lè.› »

1 Cányi kèlē 1:14

ní Yebusi ye, ní Amɔri ye, ní Giirigasi ye,

Ŋúnuyi 42:2

Kánmee na sɔ̀ɔ ŋɔ́ngi ni fɔ̀ngí lókoloyo lɔ̀ʔɔ kurugo lè, kánmi bee na mii ŋɔ́ngi ni fɔ̀ngí mɔ kurugo mii fúngi ni, ee Kolocɔlɔɔ!

Ŋúnuyi 9:16

Wéegee tári syɛɛnfeleye da túgu lè, yi tiimaa n too gi ni, cɔ̀ɔ́wee yi cáan làrama ni lè, yi tiimaa tɔ́lɔyi n cò wi na.

Yirile 17:7

A wi tɛ́ɛgi bee mɛ́ʔɛ le ni gi yiri Masa ní Meriba, Isirayɛli ye kàsiiw kéele na, ní àmɛɛ pe da Yawe pye n wéle lè níì jo: «A Yawe i nyɛ lé wolo níngi ni láà, ba fwɔɔ wi o nyɛ wolo níngi ni í?»

Yirile 3:8

A mii si tìgi n pan ba be yirige Ezyipiti ye kɔ́yi ni, bi be yirige tári bee ni bi kári ní be ní táraa ma, dee di nyɔɔ lè níì kpɔ́ʔɔ. Táraa dii, dee di nyìn nɔ́nɔw, ní sárigi na ni fóo lè. Kanaan ye, ní Hɛti ye, ní Amɔri ye, ní Perezi ye, ní Hɛvi ye, ní Yebusi ye be yaà tári bee ni.

Yirile 33:2

Mii a nyɛ̀ʔɛni tundunwaa tórigo mɔ yɛ́ʔɛ ma, si Kanaan ye, ní Amɔri ye, ní Hɛti ye, ní Perezi ye, ní Hɛvi ye, ní Yebusi ye nɛnɛ.

Ezayi 7:14

Gee bee na Kàfɔw tiimaa a fɛ̀ɛ kaan yele ma: Wéle, pìcaaw a fícɛnnɛ taa, wi a pyà see nàɔn, si wi mɛ́ɛgi le paa wi yiri Emanuwɛli.

Zyeremii 10:10

Kàjáa Yawe i nyɛ Kolocɔlɔɔ kányɛʔɛ na, woro wi nyɛ Kolocɔlɔɔ woweew, ní bàngwɔɔ fànʔafɔw. Tári i cɛ̀lɛ́ wi fundanʔari yɛ́ʔɛ ma, wi fundanʔagbɔɔri o kúngu syɛɛnfeleyi ni í.

Córolo 13:29

Amalɛki ye i nyɛ tári wòrogulo kàbangi na. Hɛti ye, ní Yebusi ye, ní Amɔri ye si i nyɛ nyanbeleyi kúlo ni, Kanaan ye si i nyɛ wodɛ́ɛnbéle ní sólomi lɔ̀ʔɔ nyɔ́ɔ na, ní Zyuridɛnw nyɔ́ɔ na.»

Matye 16:16

A Siimɔn Pyɛri wi pye: «Mɔ wi nyɛ Kirisi, Kolocɔlɔɔ woweew Jáa.»

Zyan 6:69

Wolo n tɔ̀nɔ n tága gi na, ní wɔ́ɔ̀ gi cán ncan mɔ wi nyɛ Kirisi, wi lè Kolocɔlɔɔ syɛɛncanw.»

Làlwaw Kaanziin 31:17

Cángi bee na mii fundanʔari a cò naà be kánmi na, mii a be cée, si mii yɛ́ɛgi làriga be na. Pe a be káa. Wɔʔɔyɔ saʔa ní kálagila saʔa a nan be na. Pe a ra gi nyuu cángi bee na si jo: ‹Amɛɛ kapeeyi naa wolo taa lè, gee bee ga taa ncan wolo Kolocɔlɔw o nyɛ wolo níngi ni í ì?›

Làlwaw Kaanziin 5:26

Níì cán syɔɔnwìí wi kɔ́ɔ̀ Kolocɔlɔɔ Woweew yákpolo lóʔo àmɛɛ wolo nyɛ lè a wi i nyuu naà nínge ni, ní sèʔê kòro sìi na?

Làlwaw Kaanziin 7:1

«Lǎli ni Yawe mɔ Kolocɔlɔw ga sáà mɔ lége lè tári ni, dee ni mɔ a sa jée lè bi di syɔɔ taa, níì syɛɛnfeleyi nɛnɛ mɔ yɛ́ʔɛ ma, yee yi nɛʔɛ lè, yi lè Hɛti ye, ní Giirigasi ye, ní Amɔri ye, ní Kanaan ye, ní Perezi ye, ní Hɛvi ye, ní Yebusi ye, syɛɛnfeleyi kɔrɔsiin, yee yi nɛʔɛ á yi fangi nɛʔɛ n sɔ̀lɔ mɔ wógi na lè,

Làlwaw Kaanziin 7:21

Mɔ a kɔ́ ra fɛ̀ɛgí be kéeli na í, níì cán Yawe mɔ Kolocɔlɔw i nyɛ yele níngi ni, woro wi nyɛ Kolocɔlɔɔ wi lè wogbɔɔw, ní i nyɛ fyáara yáriga.

1 Tesaloniki ye 1:9

Pe tiimaa i gi nyuu àmɛɛ yele da fɔ̀lɔ wolo na lè, ní àmɛɛ yele yasunyi yaʔa lè níì kàri Kolocɔlɔɔ ma ni Kolocɔlɔɔ woweew fáli kpéʔele, wi lè Kolocɔlɔɔ wodelew,

Heburubèle 10:31

Bi jée Kolocɔlɔɔ woweew kɔ́yɔ ni, gee bee i nyɛ fyáakpɔɔrɔ kéele!

Zyozuwe 11:3

Wi maa wɔ́ɔ̀ tun Kanaan ye ma be pye lè canʔafolomɔ ní canʔajeemɛ kabangi na n fàra Amɔri ye, ní Hɛti ye, ní Perezi ye, ní Yebusi ye na be pye lè nyanbeleyi kúlo ni, n wɔ́ɔ̀ tun Hɛvi ye ma be pye lè wodɛ́ɛnbéle ní Hɛrimɔn nyanbelegi tìgimɛ ni Misipa tári ni.

Zyozuwe 12:8

Tári bee i nyɛ nyanbeleyi kúlo, ní tìgimi tára, ní Araba, ní nyanbeleyi tìgimɛ, ní fìími tára, ní wòrogulo kàbangi tára. Bele be pye tári bee ni lè, poro be pye Hɛti ye, ní Amɔri ye, ní Kanaan ye, ní Perezi ye, ní Hɛvi ye, ní Yebusi ye.

Zyozuwe 21:45

Kánmi bee na syɛɛntaanri myɛ Yawe da joo Isirayɛli kpáagi wòolo ma lè, ti tàa faala ga kòro sìnvoro ni í, ti myɛ n foro.

Zyozuwe 22:31

A sáriga-wòlow Eleyazari jáaw Fineyasi Wurubɛn ye, ní Gadi ye, ní Manase ye pye: «Níjanʔa, wolo n gi cán ncan Yawe i nyɛ wolo níngi ni, níì cán yele ga kolomɔ kéele kpéʔele Yawe na í. Ki si i lè nya yele n Isirayɛli ye syɔɔ Yawe kpúmɔnri ma.»

Zyozuwe 24:11

A yele Zyuridɛnw jeli n sáà nan Zyeriko na. A Zyeriko ye kapɛɛnnɛ kpúmɔn ní yele ní n fàra Amɔri ye, ní Perezi ye, ní Kanaan ye, ní Hɛti ye, ní Giirigasi ye, ní Hɛvi ye,ní Yebusi ye na. A mii be le yele kɔ́yi ni.

Zyozuwe 3:9

A Zyozuwe Isirayɛli ye pye: «Ki n yɛlɛ ye nùuni nɛɛ naa ye ba Yawe yele Kolocɔlɔw syɛ́ɛnrɛ lóʔo.»

Zyozuwe 9:1

Lǎli ni Zyuridɛn canʔajeemɛ fanʔafɔbèle myɛ kéeli bee lóʔo lè, pe lè nyanbeleyi kúlo fànʔafɔɔlɔ, ní tɛɛfiigi, ní Sólomi Lòkpɔʔɔ nyɔ́ɔ fànʔafɔɔlɔ, nlaa n sáà sígi Liban na, pe nyɛ lè Hɛti ye, ní Amɔri ye, ní Kanaan ye, ní Perezi ye, ní Hɛvi ye, ní Yebusi ye,

1 Samyɛli 17:26

A Davidi gi joo nǎnbèle ma be pye wi taana lè níì jo: «Wàa ga Filisitini ye wów naa kpóo, níì faʔari láʔa dee di wáa Isirayɛli na lè, nyàʔá pe a pye wi ma? Filisitini ye sìngɛ́nɛw naa wi nyɛ wìí, ní si i Kolocɔlɔɔ woweew kapɛɛnkpumɔnbéle kabiya faari?»

1 Samyɛli 26:6

A Davidi syɛ́ɛnri láa n gi joo Ahimelɛki ma, wi lè Hɛti ye wów, ní Abisyayi ma, wi lè Seruya jáaw ní i nyɛ Zyowabi senyɛnnɛ̀, níì jo: «Wìí wi a tìgi kári ní mii ní tɛɛ̀tɛ́ɛngi ma, Sawuli ma?» A Abisyayi wi yari: «Mii wi a tìgi yaà ní mɔ ní.»