Zyozuwe 24:2 - Cebaara Bible 2010

² Lǎli bee ni a Zyozuwe syɛ́ɛnmi myɛ pye: «Yawe wi lè Isirayɛli ye Kolocɔlɔw, wi n jo: ‹Booma ni yele tóolɛɛbèle maa pye wodɛ́ɛnbéle ní cábigi jelige na pe lè Tera kpáagi wòolo wi lè Abirahami ní Nahɔri tóow. Pe maa ni báara kolocɔlɔbèle pèle nikwɔɔlɔ ma.

Zyozuwe 24:2 Iomraidhean Croise

Sélimɛ 11:22

A Serugi ga yɛ̀ʔɛlɛ toko ní kpɔrigɔ taa, a wi Nahɔri see.

Sélimɛ 11:24

A Nahɔri ga yɛ̀ʔɛlɛ toko ní kpanjɛrɛ taa, a wi Tera see.

Sélimɛ 11:26

A Tera ga yɛ̀ʔɛlɛ togoye taanri ní kpɔrigɔ taa a wi Abirami, ní Nahɔri, ní Haran see.

Sélimɛ 11:27

Tera yòdaʔayi wéle yee. Tera n Abirami, ní Nahɔri, ní Haran see, á Haran Lɔti see.

Sélimɛ 31:19

Laban maa kári sa wi yaweeyiligèle síire cɛnɛ, a Arasyɛli wi tóow Laban màdebiigèle yùu.

Sélimɛ 31:30

Awá tɔ́ɔliw ni, kapye mɔ si n baa gi nyaa ki n yɛlɛ mɔ í kári, níì cán mɔ tóow kpaʔa kéele i nyɛ mɔ fúngi ni, nyàʔá na si mɔ mii kolocɔlɔbèle yùu?»

Sélimɛ 31:32

Mɔ ga mɔ kolocɔlɔbèle nyaa wee ma lè, wee bee a ní kòro beè sìi na í. Mii yáriri myɛ waragi wo senyɛnbèle myɛ nyɛ́nɛ na, gee mɔ ga nyaa lè mɔ wóʔo, mí gi láa.» Zyakɔbi si da gi cán ncan Arasyɛli wi be yùu í.

Sélimɛ 31:53

Ki n yɛlɛ Abirahami Kolocɔlɔw, ní Nahɔri Kolocɔlɔw, ní be tóow Kolocɔlɔɔ í pye kútiijoow wo níngi ni.» A Zyakɔbi kàli Kolocɔlɔɔ na, woro wee na wi tóow Izaaki da ni fɛ̀ɛgí lè.

Sélimɛ 35:4

Kolocɔlɔɔ-nibɔnbèle be pye be ma lè, a be bele bee myɛ kaan Zyakɔbi ma n fàra be líiyi vèʔebēle na. A Zyakɔbi di tɔ́n terebɛnti tíigi láara ni ki lè Sisyɛmi taana.

1 Cányi kèlē 1:27

Abirami wi lè Abirahami.

Ezayi 51:2

Ye yele tóow Abirahami wéle, ní Sara, wee wi yele see lè. Níì cán wi maa pye wi nibin lǎli ni mii wi yeri lè, níì dùbaw kpéʔele wi ma, níì wi yòdaʔayi nɛʔɛ.»

Ezekyɛli 16:3

Mɔ a gi joo si jo: ‹Kàfɔw Yawe wi syɛ́ɛnri naa nyuu Zyerusalɛmi ma níì jo: Bi yɛlɛ ní mɔ sélimi, ní mɔ seeli ní, mɔ i nyɛ Kanaan ye tári wówaa. Mɔ tóow n pye Amɔri ye wóo, mɔ nɔ́ɔw si i nyɛ Hɛti ye wóo.

Luki 3:34

Zyuda si i nyɛ Zyakɔbi jáa, Zyakɔbi si i nyɛ Izaaki jáa, Izaaki si i nyɛ Abirahami jáa, Abirahami si i nyɛ Tara jáa, Tara si i nyɛ Nahɔri jáa,

Làlwaw Kaanziin 26:5

Mɔ a syɛ́ɛnri naa joo Yawe mɔ Kolocɔlɔw yɛ́ʔɛ ma si jo: ‹Mii tóolɛɛgi maa pye Arami ye ninyaariga. Wi n tìgi n kári Ezyipiti ma n sáà tɛ́ɛn yaà, wi syɛ́ɛnbèle si i nyɛ cɛɛri, a wi syɛ́ɛnbèle baa pye yaà beè syɛɛnfelegaa, gee gi nɛʔɛ lè á gi séew ní gi fǎngi wɔ́ɔ̀ kpɔ́ʔɔ.

Zyozuwe 24:15

Kapye yele o caa bàā báara Yawe ma í, wee má yele a ra báara lè, ye wee bee nyɛ́nɛ ye wòlo níjanʔa, gee bee n jo kolocɔlɔbèle bele má yele tóolɛɛbèle da ni báara lè cábigi jeligɔgee na, wàlá Amɔri ye tári ni yele tɛ́ɛn lè, poro kolocɔlɔbèle. Mii ní mii kpáagi wòolo si na, Yawe má wolo a ra báara.»