Zyozuwe 24:1 - Cebaara Bible 2010

¹ A Zyozuwe Isirayɛli syɛɛnfeleyi myɛ yeri n kpóʔoro Sisyɛmi ma, pe lè pe wolɛɛbèle, ní be kùndigibèle, ní be kútiijoobèle n fàra be yɛɛ̀kinibèle na. A be pan n baa kpóʔoro Kolocɔlɔɔ yɛ́ʔɛ ma.

Zyozuwe 24:1 Iomraidhean Croise

Sélimɛ 12:6

A Abirami tári foro n kári fwɔɔ n sáà nan tɛ́ɛgi na pe yiri lè Sisyɛmi, níì kári n sáà nan fwɔɔ More syɛni tíigi na. Lǎli bee ni Kanaan ye be pye tári bee ni.

Sélimɛ 35:4

Kolocɔlɔɔ-nibɔnbèle be pye be ma lè, a be bele bee myɛ kaan Zyakɔbi ma n fàra be líiyi vèʔebēle na. A Zyakɔbi di tɔ́n terebɛnti tíigi láara ni ki lè Sisyɛmi taana.

1 Fànʔafɔbèle 12:1

A Worobowami kári Sisyɛmi ma níì cán Isirayɛli ye myɛ maa pan Sisyɛmi ma bi ba wi télege fànʔafɔlɔ.

2 Fànʔafɔbèle 23:1

A fànʔafɔw tun, a be sáà Zyuda wólɛɛbèle, ní Zyerusalɛmi wólɛɛbèle myɛ yeri n kpóʔoro woro ma yaà.

Kapyegèle 10:33

A mii si wɔ́ɔ̀ fala n tun mɔ ma lǎli bee wonijanna ni, mɔ panganmi n tɔ̀nɔ n nyɔɔ. Gee Kàfɔw joo mɔ ma lè wolo myɛ i naa Kolocɔlɔɔ yɛ́ʔɛ ma bi gee bee lóʔo mɔ ma tɔ́ɔliw ni.»

Làlwaw Kaanziin 29:9

«Yele myɛ ye nyɛ bele woyérebéle ní Yawe yele Kolocɔlɔw yɛ́ʔɛ ma níjanʔa, yele syɛɛnfeleyi kùndigibéle, ní yele wolɛɛbèle, ní yele sùlasiibèle kàfɔɔlɔ, yele Isirayɛli nǎnbèle myɛw,

Zyozuwe 20:7

A be Kedɛsyi wòlo n yaʔa kɔlɔ̀ na Galile tári ni, Nɛfitalii nyanbeleyi kúlo ni, ní Sisyɛmi, Efirayimi nyanbeleyi kúlo ni, ní Kiiriyati-Ariba wi lè Heburɔn, Zyuda nyanbeleyi kúlo ni.

Zyozuwe 23:2

Lǎli bee ni a Zyozuwe Isirayɛli ye myɛw yeri, pe lè pe wolɛɛbèle, ní be kùndigibèle, ní be kútiijoobèle ní n fàra be yɛɛ̀kinibèle na, ní baa be pye: «Ye wéle, mii wi lɛɛ n kwɔ́ɔ wee gbanʔama.

Jàbɔbèle 20:26

A Isirayɛli syɛ́ɛnmi myɛ lúgu n kári Betɛli ma n sa ni nyaan, níì tɛ́ɛn Yawe yɛ́ʔɛ ma yaà. Pe maa súnw le cángi bee fwɔɔ n baa nan cângwɔɔgi nyɔ́ɔ na. A be sáriga-sórigoo ní pínɛnyɛnnɛgɛ sáriga wòlo Yawe yɛ́ʔɛ ma.

1 Samyɛli 10:19

Yele si ye baa yele Kolocɔlɔw cée wee níjanʔa, woro wee wi yele syɔɔ lè yele wɔʔɔyi ní yele fɔ̀rɔyi myɛ ma. Yele n wi pye: ‹Fànʔafɔlɔ télege wolo nyúngi na!› Tɔ́ɔliw ni ki n yɛlɛ ye kpóʔoro Yawe yɛ́ʔɛ ma bi yɛlɛ ní yele syɛɛnfeleyi ní, bi wɔ́ɔ yɛlɛ ní yele túluyi ní.»