Zyozuwe 23:2 - Cebaara Bible 2010

² Lǎli bee ni a Zyozuwe Isirayɛli ye myɛw yeri, pe lè pe wolɛɛbèle, ní be kùndigibèle, ní be kútiijoobèle ní n fàra be yɛɛ̀kinibèle na, ní baa be pye: «Ye wéle, mii wi lɛɛ n kwɔ́ɔ wee gbanʔama.

Zyozuwe 23:2 Iomraidhean Croise

1 Fànʔafɔbèle 1:1

Fànʔafɔw Davidi maa tɔ̀nɔ n baa lɛɛ gbanʔama, a pe i yalere saʔa nii wi na káfugo si da ni jǐn wi ni í.

1 Fànʔafɔbèle 8:1

Lǎli bee ni a fànʔafɔw Salomɔn Isirayɛli wolɛɛbèle, ní Isirayɛli syɛɛnfeleyi kùndigibéle myɛ ní Isirayɛli ye narigbaayi kàfɔɔlɔ myɛ yeri a be pan Zyerusalɛmi ma woro ma, koro ga pye pe sa Yawe joogaanni kásu láa yaà Davidi kěgi ma ki lè Siyɔn, bi pan.

1 Cányi kèlē 23:2

Wi maa Isirayɛli syɛɛnkpolobèle myɛ kpóʔoro n fàra sáriga-wòlobèle ní Levii ye na.

1 Cányi kèlē 27:27

Wee wi pye lè ɛrɛzɛn séyi nyúngo na woro wi pye Syimeyi, wi lè Arama ye wów. Wee wi pye lè dùvɛɛnw tɛɛkɔnyɔ nyúngo na ɛrɛzɛn séyi ni, woro si i nyɛ Zabidii, wi lè Syefami ye wów.

1 Cányi kèlē 28:1

A Davidi Isirayɛli kùndigibèle myɛ kpóʔoro Zyerusalɛmi ni, pe lè syɛɛnfeleyi kùndigibéle, ní fànʔafɔw fáli kabiya kundigibéle, ní saala kagunɔ kagunɔw kùndigibéle, ní dabata-daw kùndigibéle, ní bele be pye lè fànʔafɔw, ní wi jáabèle lɔ́rɔ myɛ, ní be yaweeri kùndigibéle, ní nǎnbèle be wòlo lè, ní nànniribèle, ní báriga nǎnbèle myɛw.

Làlwaw Kaanziin 31:28

Ye yele syɛɛnfeleyi wólɛɛbéle myɛ, ní yele kùndigibèle kpóʔoro naa mii yɛ́ʔɛ ma, mii a ba syɛ́ɛnri naa joo pe nyɛnɛ̀ na pe di lóʔo. Mii a nyɛ̀ʔɛni ní tári yeri di pye séera be kánmi na.

Zyozuwe 13:1

Zyozuwe maa baa lɛɛ gbanʔama. Lǎli bee ni a Yawe wi pye: «Mɔ wi lɛɛ n kwɔ́ɔ wee gbanʔama, á tánɛʔɛrɛ si sèʔê kòro, dee di yɛlɛ di syɔɔ lè.

Zyozuwe 23:3

Yele si n gi nyaa gee myɛ Yawe yele Kolocɔlɔw kpéʔele syɛɛnfeleyi naa myɛ na lè yele kéeli na. Níì cán Yawe yele Kolocɔlɔw wi kapɛɛnni kpúmɔn n kaan yele ma.

Zyozuwe 24:1

A Zyozuwe Isirayɛli syɛɛnfeleyi myɛ yeri n kpóʔoro Sisyɛmi ma, pe lè pe wolɛɛbèle, ní be kùndigibèle, ní be kútiijoobèle n fàra be yɛɛ̀kinibèle na. A be pan n baa kpóʔoro Kolocɔlɔɔ yɛ́ʔɛ ma.

1 Samyɛli 12:2

Tɔ́ɔliw ni fànʔafɔw wi a ra kínigi yele yɛ́ɛgi na lè woro wi wee naa. Mii na, mii n lɛɛ n bàra n kwɔ́ɔ. Mii jáabèle si be bele ní yele ní. Mii n kíni yele yɛ́ɛgi na nlaa yaà mii cárimi làla ni fwɔɔ n baa nan níjanʔa na.